Ашық сабақ "Мөлдір бұлақ - жасыл құрақ" 6 сынып

Сабақтың мақсаты: Оқушылардың адам мен табиғат арасындағы үйлесімділік туралы түсініктерін кеңейте отырып, «қиянат жасамау» құндылығының мәнін ашу

Міндеттері.

Білімділігі: - оқушылардың табиғаттың тұтастығы туралы ұғымдарын кеңейту;

Дамытушылығы: - оқушылардың табиғатты сақтау, аялау сезімдерін дамытуға ықпал ету;

Тәрбиелілігі: - табиғатқа деген сүйіспеншілікке, мейірімділікке, қамқорлыққа тәрбиелеу.

Сабақ барысы:

1.Ұйымдастыру кезеңі. Жағымды күйге келу. Балалар, сендерді бүгінгідей керемет күнде көргеніме өте қуаныштымын! Мен сендерді жақсы көремін!

Ресурстар:( оқулық, дәптер, маркер, үнтаспа, стиикер)

Топтасып отыру үшін оқушылар мақал-мәтел қиындыларын құрастырады

2.Үй тапсырмасын тексеру.

Хан жарлығы мен ел-жұрттың әрекеті табиғатты қандай жағдайға душар етті?

Құнарлы жердің бетпақ далаға айналуының себебі неде?

Табиғаттың адам өміріне маңызы неде?

Табиғаттың адам өміріне маңызы неде?

Табиғат пен адам арасындағы үйлесімділік дегенді қалай түсінесіңдер

Табиғатқа өз қарым қатынасыңды қалай білдіресіңдер?

Сабақ барысын талқылау:

Үй жұмысын талдау

4. Дәйек сөз

Таза болса табиғат,

Аман болар адамзат

Ф. Оңғарсынова

Бұл дәйексөзден не түсінеміз?

Оқушылар хормен айтады, мағынасын талдайды

5. Шығармашылық жұмыс

1-топ. Жойылып, құрып кету қаупі төніп тұрған табиғат ғажаптары атынан өтініш хат жазу.

2-топ. Табиғатты қорғау және сақтау ережесін жасау.

3-топ. Табиғатқа байланысты айтылған тыйым сөздерді жазу.

4- топ. «Табиғатты қорғаймыз» тақырыбында өлең шығару

Балалар өз ойларын ортаға салады (топпен орындау)

6.Топпен ән айту.

Табиғат

Әні мен сөзі: Б.Нұрмышева

Жадырап жеткенде қараймыз көктемге құлпырған,

Жанымды жайнатып, құстарын сайратып сыр тұнған.

Жаз келсе арайлы, күлімдеп қарайды ай қырдан,

Өмірдің осы бір шақ әні емес пе, сәні емес пе?

Қайырмасы:

Көктемде жадырап, жазда бой жазайық,

Кетпесін күзде де әніміз азайып.

Қыста да ақ күміс өмірде жоқ тыныс,

Табиғат қашанда сүйгенге ғажайып.

Күз деген ойлы кез, тойлы кез, ойланар шағың бұл,

Үзбеген әніңнен іздеген досыңды сағындым.

Қыс деген қыраулы, аңсаған шырайлы бағың бұл,

Өмірдің осы бір шақ берекелі, мерекелі.

7.Үй тапсырмасын беру

А.Сейдімбектің шығармасын оқу

8. Сабақтың қорытынды сәті

Оқушылар жүрекшелерге «Мен үшін табиғат маңызды, өйткені...» сөйлемді аяқтап, тақтаға іледі.

Иә, балалар, «Табиғат қашанда сүйгенге ғажайып» демекші, табиғатты әрдайым қорғап, қиянат жасамай, аялай білейік!