Ашық сабақ "Мұнаралар жасаймыз"

Білім беру саласы: Таным Ұйымдастырылған оқу қызметі: Сенсорика

Тақырыбы:Мұнаралар жасаймыз Мақсаты:Балаларды құрылыс материалдарымен жұмыс жасауға үйрету,олардың түсін,пішінін,көлемін ажыратуға дағдыландыру. Сақинаны сақинаның үстіне қойып үйрету.

Көрнекіліктер:Үлгі суреттер,

Шаттық шеңбер

Армысың алтын күн!

Армысың көк аспан!

Армысың жан досым,

Жылуыма,жылу қос.

-Балалар,менің қолыма қарайықшы. Қолымдағы заттың пішіні қандай?

-Дөңгелек

-Дөңгелектің түсі қандай?

-Қызыл

-Ендеше балалар біз осы түрлі-түсті дөңгелектерден мұнара құрастыратын боламыз.

Тәрбиеші сурет бойынша текшелердің түстерін сұрап,ең алдымен қандай түсті текшені қоямыз,оның үстіне қандай түсті текшені қоямыз,қызыл түсті текшенің үстіне қандай түсті орналастырамыз,ең үстіне қандай текше қойылады.Тәрбиеші сұрай отырып ,орналастырып көрсетеді.Балалар бірге оның түстерін атай отырып,мұнара құрастырады.

Сергіту сәті

Ормандағы аюдың

Құлпынайы көп екен

Теріп-теріп алайық

Қалтамызға салайық

Дидактикалық ойын «Кім жылдам?»

Тәрбиеші балалардың алдына ұсақ ойыншықтарды қояды,олар өздері таңдап алған ойыншықтарын мұнараның үстіне орналастырады. Тәрбиеші балалардың іс-әрекетіне бюасшылық жасап көмек көрсетеді.

Тыныс алу жаттығулары

Үйдің пердесін үрлейік

Жарайсыңдар балалар!

Қорытынды

-Балалар біз бүгін ненің бейнесін жасап үйрендік?

-Мұнара

-Мұнара қандай болады?

-Биік,үлкен

-Мұнараны қандай пішіндерден құрастырдық?

-Түрлі-түсті дөңгелектерден құрастырдық

Жұмыс жасау барысында балалардың іс-әрекетіне талдау жасап,мадақтайды. Жақсы жасалған жұмыстарды ерекше атап өтеді.

Күтілетін нәтиже: Орындайды: Мұнараны түрлі-түсті дөңгелектерден құрастырады. Түсінеді: Бірінің үстіне бірін қоюды түсінеді. Қолданады: Дөңгелектерді дұрыс орналастыра біледі.