Білім беру саласы: Таным Ұйымдастырылған оқу қызметі: Жаратылыстану

Тақырыбы:Мысық Мақсаты:Балаларға үй жануары мысық туралы түсінік беру. Жануарларға деген қамқорлық сезімдерін ояту.

Көрнекіліктер:Сүт ішіп отырған мысықтың суреті. Ойыншық үй жануарлары

Шаттық шеңбер

Кел ,балалар күлейік

Күлкіменен түлейік.

Күлкі көңіл ашады,

Күліп өмір сүрейік.

Жұмбақ

Еріксе құйрығымен ойнайды

Зеріксе бір ұйқыға тоймайды (мысық)

Тәрбиеші балалардың назарын тақтадағы суретке аудартады.

-Балалар мынау ненің суреті?

-Мысық

-Мысық не ішіп отыр?

-Сүт ішіп отыр

-Себебі мысық сүтті жақсы көреді.Мысықтың түсі ақ,екі көзі,екі құлағы,төрт аяғы,құйрығы бар.Мысық үй жануарына жатады?

-Тағы қандай үй жануарларын білеміз?

-Күшік,қоян,тауық,балапан т.б

Е.Елубаевтің «Ала мысық» өлеңін оқып береді.

Беті-қолын жуады,

Тышқандарды қуады.

Тазалықты сақтайды,

Апам оны мақтайды.

-Балалар, мысық қалай дыбыстайды?

-мияу-мияу

Сергіту сәті

Тікірейіп құлағы,

Меннен бұрын тұрады.

Бойын жазып,керіліп,

Беті-қолын жуады.

Қимылды ойын «Мысық пен тышқан»

Тыныс алу жаттығулары

Кеседегі шайды үрлейік

Жарайсыңдар балалар!

Қорытынды

-Балалар біз бүгін қандай жануармен таныстық?

-Мысық

-Мысық не ішеді?

-Сүт ішеді?

-Мысықтың түсі қандай?

-Түсі ақ болады

-Мысықтың көзі,құлағы,аяғы нешеу?

-Мысықтың 2 көзі,2 құлағы,4 аяғы болады?

Жұмыс жасау барысында балалардың іс-әрекетіне талдау жасап,мадақтайды. Жақсы жасалған жұмыстарды ерекше атап өтеді.

Күтілетін нәтиже: Біледі: Мысықпен жақынырақ танысады . Игереді:Үй жануарлары туралы түсінік алады

Меңгереді: Мысықтың тамақтануын,мүшелерін және қалай дыбыстайтынын меңгереді?