ҚАЗАҚСТАН РЕСПУБЛИКАСЫ БІЛІМ ЖӘНЕ ҒЫЛЫМ МИНИСТРЛІГІ

ТАЛДЫҚОРҒАН ПОЛИТЕХНИКАЛЫҚ КОЛЛЕДЖІ

АШЫҚ

САБАҚ ЖОСПАРЫ

Пән :Экономика негіздері, Нарықтық экономика негіздері_

Тақырыбы:_Нарықтық экономика жағдайындағы кәсіпорын_

Оқытушылар:_Байдилданова М.С., Мамажанова И.М. _____

САБАҚ ЖОСПАРЫ

Уақыты: 10.05

Пән атаулары: «Экономика негіздері» және «Нарықтық экономика негіздері»

Сабақ тақырыбы: Нарықтық экономика жағдайындағы кәсіпорын

Cабақ типі: Білімді жүйелеу, жинақтау

Сабақ түрі: Ойын-сайыс сабағы

Әдісі: тәжірибелік

Пәнаралық байланыс: Экономика негіздері, нарықтық экономика негіздері, кәсіпорын экономикасы, маркетинг және менеджмент негіздері, Қазақстан тарихы.

САБАҚТЫ ЖАБДЫҚТАУ

Көрнекілігі: интерактивті тақта, слайдтар, логикалық сұрақтар, бейнежазбалар, нақыл сөздер, плакаттар.

Сабақтың кезеңдері

І. Ұйымдастыру кезеңі:
Студенттермен амандасу, түгендеу. Сабақтың мақсатын хабарлап, студенттердің назарын сабаққа аудару.

Енді сайыс сабағымызды бастамас бұрын топ студенттерін топқа бөліп алайық. Тақырыпқа байланысты түрлі-түсті қағаздарда жазылған сөздер беріледі. Осы сөздер бойынша Валюта (сары), Нарық (қызыл, Кәсіпорын (жасыл) деген 3 топқа бөлінеді.

Ендеше сайысымызды бастамас бұрын әділқазылар алқасын сайлап алайық:

1.Коллдж әдіскері - Жанысбекова Гүлжан Адамбекқызы

2. ЦӘК төрайымы және экономикалық пәндер оқытушысы - Кукшибаева Махаббат Лиянқызы

3. Құқық пәнінің оқытушысы – Қазыбаева Назгул Әукенқызы

ІІ. Өткенді қайталау.

Экономика негіздері және «Нарықтық экономика негіздері» пәндері бойынша өткен барлық тақырыптарының терминдерін еске түсіру үшін барлық үш топқа «Криптограмма» ойыны ұсынылады. Криптограмманың жауабы жауап парақшасына жазылып, оқылады. Әр жауап – 1 ұпай. Берілетін уақыт 2 минут.

Криптограмма жауаптары: кәсіпорын, нарық өндіріс, өнім, кәсіп, пайда, пайыз, қарыз, ақша, баға, табыс, сауда.

ІІІ Негізгі кезең:

Оқытушы:

Елбасымыз Н.Ә.Назарбаев «Болашаққа бағдар: рухани жаңғыру» атты бағдарламалық мақаласында алты бағытын белгілейді. Солардың бірі: Бәсекеге қабілеттілік, білімнің салтанат құруы, сананың ашықтығы. Ендеше «Терең білім – тәуелсіздігіміздің тірегі» демекші, құрметті оқытушылар мен студенттер бүгінгі «Нарықтық экономика жағдайындағы кәсіпорын» атты сайысымызды ашық деп жариялаймыз.

1. «Бәйге» сайысы

2. «Ойымды жалғастыр» сайысы

3. «Ойлан, тап» сайысы

4. «Білім аукционы» сайысы

5. «Ғажайып төрттік» сайысы

1-сайыс «Бәйге»

Оқытушы: 

Мәңгі бақи есте қалар

Қызықты бір ойын болсын

Білімдірек шәкірт озар

Сұрақтары қиын болсын, демекші ойын ережесі бойынша әрбір сұрақтың дұрыс жауабына 10 ұпайдан беріледі. Сұраққа бірінші болып қол көтерген топ жауап береді. Егер ол ойыншымыз дұрыс жауап бермесе. Екінші қол көтерген топ жауап бере алады. Сонымен, ойыншылар ойын шартын түсінікті болса, сайысымызды бастайық.

1-сұрақ

Кәсіпорын дегеніміз бұл ... (экономиканың даму сатысының негізгі бір бөлігі)

2- сұрақ

Мемлекеттік кәсіпорын бұл? (негізгі қорлары мемлекет меншігінде болатын кәсіпорындар)

3- сұрақ

Егер мемлекеттік кәсіпорын бюджеттен қаржыландырылса, ол қандай кәсіпорын? (бюджеттік кәсіпорын)

4-сұрақ

Жеке меншік құқық негізінде жұмыс істейтін кәсіпорын бұл қандай кәсіпорын? (жеке кәсіпорын)

5-сұрақ

Кәсіпорын қызметіне не жатады? (өндірісте және жеке тұтынылатын өнім шығару)

6-сұрақ

Қазақстанда меншік туралы заңға байланысты кәсіпорынның қандай түрлері бар? (мемлекеттік, жеке, аралас)

7-сұрақ

Егер кәсіпорын өндірісте тиімсіз тәсілдер қолданса, онда не болады?

(дағдарысқа ұшырайды)

8-сұрақ

Кәсіпорында тапшылық неден болады? (ақша)

9-сұрақ

Кәсіпорынның кәсіпкерлік қызметіндегі басты мақсаты? (табыс табу)

10-сұрақ

Сұраныс заңы бұл? (егер тауардың бағасы арзан болса оған сұраныс көбейеді, ал қымбат болса азаяды)

11-сұрақ

Нарық дегеніміз не? (Сатушы мен сатып алушының кездесетін орны)

12-сұрақ

Пайда дегеніміз не? (кәсіпкер қызметінің басты нәтижесі және мақсаты)

2-сайыс «Ойымды жалғастыр»

Оқытушы : Екінші сайысымыз «Ойымды жалғастыр» деп аталады, яғни мақал-мәтелдің жартысы оқылды, сендер жалғасын табуларыныз керек. Әр бір дұрыс жауапқа 5 ұпайдан беріледі.

І. «Валюта» тобына:

1.Ақша табудан, шашу оңай.

2. Арзанның сорпасы татымас.
3. Қор жинаған қор болмайды.

4. Ақша ашпайтын құлып жоқ.

ІІ. «Кәсіпорын» тобына:

1. Саудагер құнықса, сақалын күзеп сатар.

2. Базар ақшалыға базар, Ақшасызға назар.

3. Оңай олжа оңалтпас.

4. Бағаны базар белгілейді.

ІІІ. «Нарық» тобына:

1. Базарға әркім барар, Өзіне керегін алар.
2. Есептей білгеннің есесі кетпейді.

3. Саудаға достық жүрмейді.

4. Базарға бар да, бағыңды сына.

3-сайыс «Ойлан тап»

Оқытушы: Бұл кезеңде студенттерге «Экономикалық анаграмма» берілді. Орындары ауысқан әріптерден сөз құраулары керек. Бір сөз, бір ұпай болып саналады. Сөз құрауға 2 минут уақыт беріледі.

І. «Валюта» тобына:

1.ЖЕҚАТІТКІЛ - Қажеттілік

2.ОПТРЭСК - Экспорт

3.ҰТТНУЫЫШ -Тұтынушы

4.ШАҚА - Ақша

5. ЫЖҚАР - Қаржы

6.НРЫСПКІӘО - Кәсіпорын

ІІ. «Кәсіпорын» тобына:

1.РДНӨІШІУ - Өндіруші

2. КНБА - Банк

3. ТРАУА - Тауар

4.БЕСЕКӘ - Бәсеке

5.НРҰСАЫС - Сұраныс

6.ТРОМИП - Импорт

ІІІ. «Нарық» тобына:

1. ПӘКСІЕКР - Кәсіпкер

2.ҚСЫАЛ - Салық

3.НЫҚАР - Нарық

4.КЕІШНМ - Меншік

5.ЮДБТЕЖ - Бюджет

6.АЭОМИОКН - Экономика

4-сайыс. Келесі сайысымыз «Білім аукционы» деп аталады. Сұрақ оқылмас бұрын әр топ сұрақтың оқылуына оз ставкасын ұсынады. Ол балдық жүйе бойынша жүреді. Өз капиталын көбейту өздеріңіздің қолдарыңызда. Сұрақтың бастапқы бағасы 10 балл. Топ көшбасшысы бағаны 10 балдан жоғарылата алады. Ең жоғарғы балл ұсынылғаннан кейін сұрақ оқылады. Егер дұрыс жауап айтылса, балл құны сол топқа беріледі, ал қате жауап айтылса, онда топ өз капиталынан сол балды қайтарады. Ескерту: егер топ қорында бар барлық балға сұрақ сатып алынып, қателессе, онда банкрот болып, ол топ аукционға арықарай қатысу құқығынан айырылады. Іске сәт, аукционымызды бастаймыз.

Аукционға қойылатын №1. Бизнесті қаражатсыз бастауға болады ма? Әр топ өз пікірлерін айтады. (бейнежазба)

Аукционға қойылатын №2. Кәсіпкер адамның бейнесі. (плакатпен жұмыс)

Аукционға қойылатын № 3. Бизнес идеяны қайдан табу керек? Әр топ өз пікірлерін айтады. (бейнежазба)

5-сайыс «Ғажайып төрттік»

Бұл сайысыта «Экономика негіздері», «Нарықтық экономика негіздері», «Маркетинг және менеджмент негіздері» пәндері және еркін тақырып бойынша сұрақтар қойылады. Сұрақтар ұпай санына байланысты күрделенеді. Әр топ өзіне ұнаған пән бойынша ұяшық тандайды. Егер сұраққа жауап берсе ұпайды иеленеді, ал жауап бере алмаса басқа топтын жауап беруге құқығы бар.

1.Экономика негіздері 10 20 30 40 50

2.Нарықтық экономика негіздері 10 20 30 40 50

3.Маркетинг және менеджмент 10 20 30 40 50

4.Еркін тақырып 10 20 30 40 50

Оқытушы:

Бүгін біздер студенттердің білімдерін сынап, өнерлерін тамашаладық.

Сенбе жұртқа, тұрса да қанша мақтап,

Әуре етеді ішіне қулық сақтап.

Өзіңе сен, өзіңді алып шығар,

Еңбегің мен ақылың екі жақтап, -деп Абай атамыз жырлағандай студенттеріміз өз білімдерін көрсете білді деп ойлаймыз.

ІV. Үйге тапсырма: «Экономика негіздері» және «Нарықтық экономика негіздері» пәндері бойынша өткен тақырыптарды қайталау.

V Сабақты қорытындылау. Қорытындылау релаксациясы.

Соңымен, «Нарықтық экономика жағдайындағы кәсіпорын» атты сайыс сабағымыз өз мәресіне жетті. Белсенді қатысқан студенттерге тиісті бағалары қойылады және жеңімпаздарды анықтап, марапаттау үшін ортаға колледж әдіскері Гүлжан Адамбекқызын шақырамыз.