Ашық сабақ Ойын - сабақ : " Кішкентай көмекшілер "

І сәбилер тобына арналған ұйымдастырылған оқу іс-әрекетінің

технологиялық картасы

Тобы:Балақай

Күні: 26.04.2018 ж.

Ойын - сабақ : " Кішкентай көмекшілер "

Мақсаты: Ойын арқылы балаларды жан - жақты дамыту. Байқампаздыққа, сезімталдыққа ұжым болып бірлесіп жұмыс істеуге үйрету.Бастаған ісін аяғына дейін орындауға дағдыландыру. Өзінің және жолдастарының еңбегінің нәтижесін көруге тәрбиелеу. Алдын ала жұмыс : бұршақтарды іріктеу, моншақтарды жіпке тізу, шарларды ыдысқа бөлу. Қажетті құрал - жабдықтар : қуыршақ, , үрмебұршақ, моншақ,шарлар. Сабақ барысы : Тәрбиеші : Балалар , қараңдаршы бүгін күн қандай тамаша. Бізге қонақтар келіпті бәрінің көңіл күйлері тамаша. Балалар шаттық шеңберіне тұрып сәлемдесіп алайық. Сәлем , сәлем , басым ! Сәлем, сәлем, көзім! Сәлем , сәлем, бетім ! Сәлем, сәлем , тісім! Сәлем , сәлем , балалар! Сәлем , сәлем , апайлар ! -Балалар, қараңдаршы қуыршақ Айжанның көңіл күйі жоқ не болды екен ? Мен қазір сұрап білейін. -Балалар қуыршақ Айжан өзінің кішкентай күшігін үйінде жалғыз қалдырыпты, ол болса үйді шашып тастапты. Балалар қуыршақ Айжанға көмектесеміз бе ? Балалар : - Ия көмектесеміз. Тәрбиеші : Үрмебұршақ жерге түсіпті, Шаң басып оны қалыпты. Балалар қашан келеді, Бұршақты іріктеп береді? Қараңдаршы, балалар мұнда ақ пен қызыл бұршақтарды араластырып жіберіпті. Балалар , бізге Қызыл бұршақпен ақ бұршақты жеке - жеке жинап салуымыз керек. ( Балалар келіседі ) Ойын : " Бұршақтарды іріктеу " Тәрбиеші : Балалар мына жерде әр түрлі шарлар шашылып жатыр,соларды тұстерімен ыдыстарға жинайық .

Ойын : " шарларды жинау " Сергіту сәті : " Аяқпенен топ - топ " Тәрбиеші : Балалар , қуыршақ Айжанның әлі де көңіл күйі жоқ. Қуыршақтың көңілін көтеру үшін оған моншақ жасап берейікші . Біз моншақты аламыз, Жіпке тізіп қоямыз. Ойын: " Моншақтарды тізу " Тәрбиеші : Балалар , қуыршақ Айжан атасымен әжесін жақсы көреді. Жазда ол атасымен әжесіне барғысы келеді. Олардың үйінде үй жануарлары бар, бірақ олардың атауларын ұмытып қалыпты, Айжанға есіне түсіруге көмектесейік. Ойын " Ойланда тап " ( Үй жануарларының, суреттері ) Тәрбиеші : Балалар, қуыршақ Айжан өте қуанышты сендер оған көмектестіңдер әдемі моншақ сыйладыңдар. Ал қуыршақ Айжан сендерге де шағын сыйлық дайындапты. ( алма тартып береді)

Қортындылау: Міне, балалар біз Айжанға көмектестік.

Балалар, біз бүгін кімге көмектестік, қалай көмектестік?

Балалар:( үрмебұршақты реттедік, моншақтарды жіпке тіздік, ыдыстарға шарларды жинады )

Тәрбиеші: Ал енді келген қонақтарға сауболыныздар деп айтайық.

Балалар:сау болыныздар апайлар.