Орал қ. «Шапағат» арнаулы әлеуметтік қызмет көрсету орталығы КММ

Жартыбаева Бибігүл Ашыкбайқызы, дефектолог мұғалімі

Құсан Дина Орынғалиқызы, тәрбиеші

Түзету жұмысының тақырыбы: Заттарды қабылдау. Ойын іс-әрекеті

Мақсаты: Заттарды қабылдауын дамыту, ойыншықты ұсыну, затты алақанда ұстап қалу және онымен іс-қимыл жасату, қолының ептілігін дамыту, қарым-қатынас қабілетін дамыту, зейінін шоғырландыру.

Көрнекіліктер: ойыншықтар, дидактикалық құралдар, бояулар, шарлар.

Өткізу әдіс-тәсілдері: көрсету, қайталату, ойын-түрімен

І. Ұйымдастыру бөлімі:

Саламатсыздар ма! Біз ерекше баламыз,

Айтқан тілді аламыз.

Бізге келген қонақпен ,

Амандасып аламыз!

Негізгі бөлім: Таңертең ерте тұрамыз,

Беті қолымызды жуамыз.

Айнаға қарааймыз,

Шашымызды тараймыз!

Тыныс алу жаттығулары: бастапқы қалып – отыру, денені түзу ұстау, дене бұлшық еттерін бос ұстау, тыныш ақырын, баппен тыныс аламыз.

Саусақ жаттығулары: : «Алақанды ысқылау», «Алақанды дөңгелете айналдыру», «Супинациялық , пронациялық қозғалыс».

Саусақ ойыны: «Кел санайық санамақ!», «Жалғыз саусақ», «Бас бармақ»

Кел, санайық санамақ! Бас бармақ бастық екен,

Саусақтарды даралап, Сұқ саусақ сақтық екен,

Бас бармағым алғашқы, Ортан қол ойшыл екен,

Балан үйрек жалғасы, Аты жоқ саусақ тойшыл екен!

Ортан терек көмекші, Ал, шынашақ еңбекшіл қойшыл екен

Шылдыр шүмек кезекші, Бастық басқар, Сақтық сақтар,

Ал, шынашақ балапан, Ойшыл ойла ойла, тойшыл тойла!

Бәріне ортақ алақан! Саусақтарды жазамыз, Саусақтарды бүгеміз.

Жазып, бүгіп саусақты, Сергіп қалдық, міне біз!

Дидактикалық ойын: «Әдемі пирамида», «Пошта жәшігі», «Бұршақтар», «Түрлі- түсті моншақтар», «Жұлдыз құрт».

Сергіту сәті. Сылдыр, сылдыр ,сылдыр су,

Мөлдір сумен қолыңды жу,

Сылдыр , сылдыр, сылдыр су,

Сылдыр сумен бетіңді жу.

Құлағыңды қоса жу,

Мойыныңды тағы жу,

Жуынсаң сек әрдайым,

Аппақ бетің маңдайың!

Дәстүрден тыс сурет салу : «Шармен сурет салу».

Қорытынды: Біздер, бүгін пирамида жинадық, «пошта жәшігіне» пішіндерді орналастырдық, ыдыс ішіне түсті моншақтарды салдық. Шарды бояуға батыра отырып , сурет салдық. Аружан, жарайсың!

Мамандардың бағалауы: