Ашық сабақ "Ойыншықтар"

Сабақтың тақырыбы: Ойыншықтар

Абдреева Лаура Нурболатовна,

№ 3 облыстық балалар оңалту орталығы,

дефектолог-логопед, Қызылорда облысы,

Шиелі кенті

Сабақтың мақсаты:

Білімділік: балаларды ойыншықтармен таныстыру арқылы танымдық даму деңгейін көтеру.

Түзете- дамытушылық: : балалардың ойлау, есте сақтау қабілетін, ұсақ қол моторикасын дамыту. Сөздік қорын молайту.

Тәрбиелік:Ұқыптылыққа, тазалыққа тәрбиелеу.

Сабақ барысы:

Көрнекіліктер: ойыншықтар,түрлі-түсті құмдар, құрастырғыштар, қоржын, магнитті құрастырғыштар, пирамида, жабысқақ құрастырғыштар, суреттер .

І. Ұйымдастыру кезеңі

Арайлап таң атты

Алтын сәуле таратты

Жарық болсын жүзіміз

Жарқын болсын күніміз.

Ойыншықтармен таныстыру

• Балалар, біздің кабинетте ойыншықтар өте көп. Бізде қандай ойыншықтар бар?

• Бұл- пирамида. Пирамиданың жүзікшелері түрлі-түсті. Пирамиданы біз көлеміне қарай саламыз.

• Бұл-доп. Доптың пішіні домалақ. Түсі –қызыл . Допты біз лақтырып, теуіп ойнау үшін пайдаланамыз.

• Бұл- қуыршақ. Қуыршақ қыздардың ең сүйікті ойыншығы.

• Бұл - құрастырғыш. Құрастырғышты біз түрлі заттар құрастыру үшін пайдаланамыз.

• Бұл – машина. Машинамен ұлдар ойнайды. Машиналардың түстері әр түрлі болады.

• Сендер қандай ойыншықты ұнатасыңдар? Үйде сендердің қандай ойыншықтарың бар?

«Не жоқ?» ойыны

Мақсаты: балалардың есте сақтау қабілетін дамыту.

Ойын шарты: педагог бірнеше ойыншықтарды балаларға таныстырады. Балалар көзін жұмған кезде бір ойыншық жасырылады, балалар қай ойыншық жоқ екенін табу керек.

Магнитті құрастырғышпен үй құрастыру

Тапсырма мақсаты: балалардың ұсақ қол моторикасын дамыту.

Тапсырма шарты: құрастырғыштармен үй құрастыру.

12.02.2019 ж

«Ол не ?» ойыны

Ойын мақсаты: балалардың ойлау қабілетін дамыту, сөздік қорын молайту.

Ойын шарты: қоржын ішінде бірнеше ойыншық болады. Сол қоржынға балалар қолын салып ,сипап сезу арқылы қандай ойыншық жасырылғанын табу.

Сергіту сәті

Түрлі-түсті құммен жұмыс

Тапсырма мақсаты: баланың ұсақ моторикасын дамыту.

13.02.2019 ж

«Көлеңкесін тап» ойыны

Ойын мақсаты: балалардың ойлау қабілетін дамыту.

Ойын шарты: ойыншықтармен мен оның көлеңкесі бейнеленген суреттердің ішінен әрқайсысының өз көлеңкесін табу.

• Жабысқақ құрастырғыштармен жылан жасау.

Мақсаты: баланың ұсақ моторикасын дамыту

• Пирамидамен жұмыс

Тапсырма шарты: пирамида жүзікшелерін түсін атай отырып, көлеміне қарай салу.

Тапсырма мақсаты: балалардың сенсорлық танымын дамыту.

14.02.2019 ж

«Қуыршақты киіндірейік» ойыны

Ойын мақсаты: баланың ойлауын , ұсақ моторикасын дамыту .

Ойын шарты: қуыршақты дұрыс киіндіру .

• Тақырыпқа сай сюжетті суреттермен жұмыс жасау

Кабинет ішіндегі баланың қалауымен таңдалған ойыншықтармен жұмыс.

«Мұнараны құрастыр» ойыны

Ойын шарты: құрастырғыштармен мұнара құрастыру .

Ойын мақсаты: баланың ойлау қабілетін , ұсақ моторикасын дамыту.

15.02.2019 ж

«Дүкен» ойыны

Ойын мақсаты: балалардың ойлау қабілетін дамыту, сөздік қорын молайту.

Ойын шарты:педагог сатушы, балалар сатып алушы болып дукенге келеді. Өзінің сатып алғысы келетін ойыншығын дүкеншіге сипаттап береді.

Сергіту сәті

Секіреміз топ-топ,

Шапалақтай көп-көп .

Иілеміз оңға қарай 1,2,3.

Иілеміз солға қарай 1,2,3.

«Жол құрастыру» құрастыру ойыны

Ойын мақсаты: балалардың ұсақ моторикасын дамыту.

Ойын шарты: машина жолын құрастырғышпен құрастыру.

Қорытындылау: балаларды мақтап, мадақтау