Сабақ: Қазақ тілі

Күні: 07.02.20 ж

Сынып: 6

Мектеп: Мұнайлы ауданы, №2 орта мектеп

Мұғалімнің аты-жөні: Күміс Әсем Асанқызы

Қатысқандар: Қатыспағандар:

Сабақтың

тақырыбы

Олимпиада - спорт шыңы

Оқу мақсаттары

6.2.4.1-мәтіннен негізгі және қосымша, детальді ақпаратты анықтайды, түсіндіреді.

Сабақтың мақсаты

Оқушылардың барлығы орындай алады: мәтін мазмұнын түсінеді. Оқушылардың көпшілігі орындай алады: мәтіннен негізгі және қосымша, детальді ақпаратты анықтайды, түсіндіреді.

Оқушылардың кейбірі орындай алады: жазба жұмыстарында етістік түрлерін қолданады.Мәтіннен негізгі және қосымша, детальді ақпаратты анықтайды, түсіндіреді.

Бағалау критерийлері

• Оқылым мәтінін түсініп оқиды.

• Жинақы мәтін жазады.

• Мәтіннен негізгі ақпаратты табады.

• Мәтіннен қосымша ақпаратты табады.

• Оқылым мәтінінен салт етістіктерді теріп жазып, оларды сабақтыға айналдырады.

Тілдік дағдылар

Негізгі сөздер мен тіркестер: Олимпиялық ойындар, адамзаттың өз ұрпағына қалдырған ұлы мұрасының бірі, ойындар 296 рет өткен, тарихшылардың айтуынша, біздің дәуірімізге дейінгі 776 жыл, Грекияның оңтүстігіндегі Олимпия жазықтығы, Зевс храмы, әлемнің жеті кереметінің бірі, олимпиада жеңімпаздарының мүсіндері.

Сыныптағы диалог/ жазылым үшін пайдалы тілдік бірліктер: меніңше, болуы ықтимал, мақсаты мынадай, жолдастарымның пайымдауынша, тарихшылардың айтуынша, тоқсан ауыз сөздің тобықтай түйіні.

Алған ақпаратты топ ортасында еркін талқылайды.

Жазылым бойынша ұсыныстар: мәтінде берілген мәліметті қорытып, ойды жалғастырып айтады, етістік түрлерін қолданады.

Құндылықтарды

дарыту

Денсаулықты сақтау,сортпен шұғылданып,салауатты өмір салтын қалыптастыру.

Сабақ оқушылардың бойына топтық, жұптық жұмыс жасау барысында бірін-бірі тыңдай білу, өзгенің пікіріне құрметпен қарау құндылықтарын дарыту, бірін-бірі бағалауы кезінде әділдік саясатын ұстануға үйретуге бағытталған.

Пәнаралық байланыс

Дене шынықтыру,спорт

Алдыңғы білім

Ұлттық ойындар

Сабақ барысы

Сабақ кезеңдері

Сабаққа жоспарланған іс-әрекеттер

Дереккөз

Сабақтың басы

Ұйымдастыру кезеңі.

Психологиялық ахуал орнату.

«Олимпиада шамы» арқылы шеңбердегі оқушылар бір-біріне тілек айтады.

Топқа бөлу. Спорт түрлері атаулары бойынша 3 топқа бөлу.

1-топ: «Боксшылар»

2-топ: «Футболшылар»

3-топ: «Шаңғышылар»

Қызығушылықты ояту. Ойтүрткі сұрақтарға жауап беру арқылы тақырыпты болжайды.

Ойтүрткі сұрақтар:

1.Олимпиадалық ойындар қайдан шыққан?

2.Олимпияданың мақтанышы не?

3.Зевс ескерткіші туралы не білесіңдер?

Оқушыларды сабақ мақсаты мен бағалау критерийлерімен таныстыру.

Топқа бөліну қағаздары

Ойтүрткі сұрақтар жазылған слайд

Суреттер

слайд

Сабақтың ортасы

Білу және түсіну:

Жаңа сабақ

Салт етістіктер

Тура объектіні қажет етпейтін,табыс септігіндегі сөзбен тіркеспейтін етістіктер салт етістіктер деп аталады.Мысалы: келеді,барады,шықты, жүгірді, айтты,т.б.

Түрлі қосымшалар жалғау арқылы салт етістікті сабақты етістікке, сабақты етістікті салт етістікке айналдыруға болады.

Мысалы:

Қолдану:

Талдау:

1-тапсырма.Топтық тапсырма.Мәтінмен жұмыс.

1-топ: «Боксшылар» тобы мәтіннен негізгі ақпаратты табады.

2-топ: «Футболшылар» тобы мәтіннен қосымша ақпаратты табады.

3-топ: «Шаңғышылар» тобы детальді ақпаратты анықтайды.

Дескриптор:

- мәтіннен негізгі ақпаратты табады;

- мәтіннен қосымша ақпаратты табады;

- детальді ақпаратты анықтайды.

Бағалау: Медаль суреті арқылы бағалау.

2-тапсырма.

Мәтіннен салт етістікті тауып,сабақты етістікке айналдырыңдар.

Үш топқа үш түрлі мәтін беріледі.Оқушылыр мәтіннен салт етістікті тауып,сабақты етістікке айналдырады.

1-топ: «Боксшылар» тобы

Қазақ жерінде бокстың дамуы

Бокс – арнайы жұмсақ қолғаппен белгілі бір ереже бойынша жекпе-жек күш сынасатын спорт түрі. Жекпе-жекке шыққан екі ойыншы қарсыласының денесінің белгілі бір жеріне дәл соққы беруді көздейді.

Қазақ жерінде бокстың дамуы өз бастауын өткен ғасырдың 30 жылдарында алған. Бұл шайқас өнерінің даму орталығы ретінде Алматы қаласы танылды. Алматыда алғашқы бокс үйірмесі «Темп» спорттық қоғамдастық негізініде құрылған. Кейін келе ағылшындардың жұдырық шайқасы еліміздің «Динамо», «Спартак», «Медик» пен Қарағандыдағы - «Угольщик» спорттық қоғамдастықтарда өз табынушыларын тапқан. Ал 1937 жылы қазақ боксының негізін салушы, спорт шебері атағын иемденген Шоқыр Бөлтекұлының бастамасымен Алматыда жеке-топтық біріншілік ұйымдастырылып, аталған жиынға 4 спорт қоғамдастықтан 50 жуық былғары қолғап шеберлері қатысқан. Осы чемпионат бокстың  дамуына түрткі болып, еліміздің басқа да өңірлерінде спорттық үйірмелер көптеп бой көтере бастаған.

2-топ: «Футболшылар» тобы

Футбол тарихы

Футбол – әлемдегі ең танымал топтық ойындардың бірі, оның тарихы бірнеше ғасыр уақытты қамтиды. Доптың қатысуымен футболға ұқсас ойындарды Ежелгі Шығыста (Египет, Қытай), антика әлемінде (Греция, Рим), Франция елінде («па супь»), Италия («кальчио») мен Англияда ойнаған. Қазіргі еуропалық футболдың арғы тегі римдік «гарпастум» ойыны болса керек. Допты екі тіреудің ортасынан өткізуге негізделген бұл ойын кезінде әскери легионерлерді жаттықтыруға арналған спорттың бір түрі болған көрінеді. 

Футбол тарихы XII ғасырдан басталады. Алғаш рет Англияда дамыды. Саяхатшы Гастон де Фуа өз заманында футболды бар ынтасымен бақылап, «Ағылшындар футболды ойын деп есептесе, онда төбелесті не дейді?» деп жазып кеткен екен. Футболға қарсылық көрсеткендер болды. Мысалы, шіркеудегі діндарлар, феодалдар футболға тыйым салынуын талап еткен екен. Өйткені, бүгінгі күнге дейін футбол өте қауіпті ойын саналып келеді.
1313 жылы белгілі феодал Эдуард II қала ішінде футбол ойнауға шектеу қойған. Тіпті, 1314 жылдың 13 ақпанында король Лондон қаласында футболға қарсы шаралар қолданған деседі.

3-топ: «Шаңғышылар» тобы

Шаңғы спортының тарихы

Бүкіл әлемде спорттық шаңғы тебу түрі қысқы спорт түрінде белгілі болды.Оның табиғатпен байланысы және адамға деген пайдалылығымен үлесі зор. Шаңғының алғашқы пайда болуы адамдарға қысқы уақытта тамақ немесе көшіп қонуға көмегі тигендіктен өз орнын тапты.Ең алғаш рет бірінші шаңғы Псков облысының шекарасында табылды,яғни осы соңғы табылған шаңғы ең көне болып есептеледі.Оған шамамен 4300 жыл болған.Оны А.М.Микляев, 1982 жылы тапқан.Бірінші жазба құжаттарға сүйенсек шанғы 6-7ғ.ғ.з Готтық монах Жорданес 552 жылы.,грек тарихшылары Иордан 7 ғ., Авел Диакон 770 жылы жазылған.7 ғасырдың аяғында тарихшы Верефрид шаңғының толық анықтамасын жазды. Норвегия ханы Олаф Тругвассон 925 жылғы жазбалар бойынша жақсы шаңғышы ретінде танылған.Бірінші шаңғы сөзі 12ғасырда Русьқа жатады.Митрополит Никифор Киев князі Владимер Мономахқа жазған хатында шаңғы сөзін қолданған.Шаңғылар Петр 1-ші және Екатерина 2-шінің армиясында қолданылды.Біріншіден шаңғы тебуге Норвеждіктер көңіл бөлген.Шаңғы туралы бірінші журналға енгізген 1733 жылы Ганс Эмахузен болды. 1767 жылы шаңғы спортының бірінші жарысы өткізілді

Дескриптор:

- мәтіннен салт етістікті табады;

- салт етістікті сабақты етістікке айналдырады.

Бағалау: Медаль суреті арқылы бағалау.

Жинақтау.

«Спорт» сөзіне құрылған сөзжұмбақты шешу.

1.Табыс септікті қажет ететін етістік түрі.

2. Қазақстандық шаңғышы.

3. Атақты футболшы.

4. Қазақстандық Сидней олимпиадасының бокс чемпионы.

5. Табыс септікті қажет етпейтін етістік түрі.

Бағалау: Дұрыс жауап тапқан топ мүшелеріне медаль суреті беріледі.

Мұғалім топтардың алған медальдарын санап,топтарды марапаттайды.

слайд

Слайд

слайд

Интерак

тивті тақта

слайд

Сабақтың соңы

Рефлексия

Оқушылар берілген медаль суреттердің бетіне сабақ туралы өз пікірлерін жазады.