Ашық сабақ "Өнеге отбасынан" 8-сынып

Мақсаты: Оқушыларға ата – ананың қадірі туралы айта отырып, сүйіспеншілік құндылығының мәнін ашу. 

Міндеттері:

1. Білімділік: Оқушыларға отбасындағы сүйіспеншіліктің маңыздылығын түсіндіру.

2. Дамытушылық: Оқушылардың бойындағы мейірмділік,жанашырлық қасиеттерін дамыту.

3. Тәрбиелік: Оқушыларды бауырмалдыққа тәрбиелеу.

Ресурстар:

(материалдар, дереккөздер)

үнтаспа, дәптер, стикер, оқулық және т.б.

Сабақтың барысы:

1. Ұйымдастыру кезеңі.

5. Т – ережесі:Тәртіп, Талап, Тыныштық, Тазалық, Татулық

Жағымды күйге келу. Нұрға бөлену

2. Үйге берілген тапсырманы тексеру.

«Менің отбасым » тақырыбында эссе жазып келу

Сұрақтар:

1. Отбасы дегенді қалай түсінесіңдер?

2. Отбасын кімдер құрайды?

3. Ұл мен қызды жасына қарай қалай атайды?

4. Отбасының әдет - ғұрпы туралы түсініктеме беру

5. Неке дегенді қалай түсінесіңдер?

6. . Отбасының бүкіл міндеті кімдерге негізделген?

7. Өзіңіз алдыңызға қойған мақсатқа жету үшін қандай әрекет жасайсыз?

3. Сабақтың дәйексөзі.

«Отбасының өнегесі -Отан өнегесі»

Бауыржан Момышұлы

- Дәйексөзден қандай ой түйдіңіздер?

4. Оқиға айту (Мұғалім сыйы).

1.1 «Анашым сен жыламашы»

Бейнебаян көрсету

1.Бейнебаяннан не байқадыңыздар?

2.Баланың анасына деген көз қарасы қандай болды?

3 .Отбасы мүшелерін қандай мақсат біріктіреді?
4.Ата-анаға деген сүйіспеншілік сезімдеріңді  қалай білдіресіңдер?

1.2 «Отбасы ойыны»

5. Шығармашылық жұмыс, топпен жұмыс.

1 топ: Әкенің отбасындағы рөлі.

2 топ : Ананың отбасындағы рөлі.

3 топ : Баланың отбасындағы рөлі.

Постер қорғайды

Топпен ән айту.

Ана-әке

Әбдіжаппар Әлқожа

Жанашырым - ана, дара шыңым - ана

Бар асылым - ана, шуағымсың.

Бағбанымсың - әке, зор бағымсың - әке

Қорғанымсың - әке, шырағымсың.

Қайырмасы:

Ана, аяулым өзіңмен мақтанамын

Ана, мен сені меккеге апарамын

Ана, баланың қолдағың бақ талабын, бұлағымсың.

Әке, бір жылы сөзіңе шаттанамын

Әке, мен сені меккеге апарамын

Әке, биікке самғайды баптағаның, шынарымсың әке

Өмір берген маған, көңіл бөлген маған

Сенім берген маған айкүнімсің.

Қамқорларым дана, сүйенішім дара,

Әке менен ана байлығымсың.

Қайырмасы:

Ана, аяулым өзіңмен мақтанамын

Ана, мен сені меккеге апарамын

Ана, баланың қолдағың бақ талабын, бұлағымсың.

Әке, бір жылы сөзіңе шаттанамын

Әке, мен сені меккеге апарамын

Әке, биікке самғайды баптағаның, шынарымсың әке

Қайырмасы:

Ана, аяулым өзіңмен мақтанамын

Ана, мен сені меккеге апарамын

Ана, баланың қолдағың бақ талабын, бұлағымсың.

Әке, бір жылы сөзіңе шаттанамын

Әке, мен сені меккеге апарамын

Әке, биікке самғайды баптағаның, шынарымсың әке

7. Үй тапсырмасы.

1 Мейірімді істер мен мейірімді адамның қасиеттерінің тізімдемесін жасаңдар.

8. Сабақтың қорытынды сәті.

Тыныс алуға зейін қою.

Баяу музыка қойылады.

Мұғалім: Сіздерден аяқ-қолыңызды айқастырмай, түзу отыруыңызды өтінемін. Біз қазір тыныс алу жаттығуын жасаймыз. Тыныс алуға зейін қойған кезде, біздің ақылымыз дем алады. Ауаны ішке жұту кезінде тыныштық пен қуаныш қабылдаймыз. Демді сыртқа шығарған кезде өзіміздегі мазасыздықтарды сыртқа шығарамыз.

Кәне, дайындалайық, балалар. Көзімізді жұмамыз..., арқамызды тіктейміз..., қолдарыңды тізеге қоюға болады...

Д е м а л..... ш ы ғ а р... (жаймен 9-10 рет) немесе 1..................2 [3].

Бүгінгі сабақтан игерген жақсы қасиеттерді есімізге түсіріп, жүрегімізге сақтайық.

«Тілек ағашы». Ал енді оқушылар алдарыңыздағы түрлі- түсті стикерлерге отбасыларыңызға арнап тілектеріңізді жазып, тілек ағашына жапсыруларыңыз сұралады.