Сабақтың тақырыбы: «Рационал сандар» тарауы бойынша қайталау сабағы

Сабақтың мақсаты: білімділік: оқушылар «рационал сандар » тарауы бойынша алған білімдерін қайталау арқылы терең меңгереді;

Дамытушылық: оқушылардың тарау бойынша тапсырмаларды орындау шеберлігі, дағды, іскерлігін жетілдіріледі; біліктіліктері дамиды;

Тәрбиелік: пәнге деген қызығушылыққа, жауапкершілікке тәрбиелеу

Көрнекілігі: интерактивті тақта, тапсырмалар, слайдтар

Түрі: қайталау сабағы

Сабақтың барысы:

І. Ұйымдастыру кезеңі

ІІ. Сабақтың мақсат міндетін қою

Оқушыларға жұмбақ жасырылады

Бүтін сан, бөлшек сандар,

Барлығы да бар онда

Бұл қандай сан,айтыңдаршы,

Оң , теріс сан бәрі сонда. (рационал сандар)

Жұмбақтың шешімі табылғаннан кейін оқушыларға тақырып хабарланып, оқушылардың өздеріне сабаққа мақсат қойғызады.

І тапсырма. Ауызша сұрақ- жауап

Тақтада ағаш жапырақтарымен ілінеді, оқушылар кезекпен шығып жапырақтарда жазылған сұрақтарға жауап береді

• 0-ден үлкен сандар (оң сандар)

• Оң сан дегеніміз не? Мысал келтір

• Теріс сан дегеніміз не? Мысал келтір

• Қарама қарсы сандар дегеніміз не?

• Қарама қарсы сандардың қосындысы нешеге тең?

• Бүтін сандар деген қандай сандар?

• 5 санына қарама қарсы сан?

ІІ тапсырма. Оң және теріс сандардың мағынасын ажырату

Мұғалім мағынасы оң және теріс сандарды білдіретін сөйлемдерді жазып, оқушылар оларды оқып «Теріс сандар» және «Оң сандар» деген қорапқа тастайды.

• Арал теңізінің ең терең жері -66 м

• Хантәнірі шынының биіктігі 6995 м

• Байкал көлінің тереңдігі 1620 м

• Су асты қайығы 500 м тереңдікте жүзіп жүр

• Қарақия ойысы -132 м

• Шөлді жерде өсетін өсімдіктердің тамырлары 15-25 м тереңге кетеді

• Дүкеншінің шығыны 28000 тенге

• 32 градус аяз;

• Бәйтеректің биіктігі 97 м;

• 16 градус жылы;

ІІІ тапсырма. Біліктілік сайсы «Есеп шығару» (оқушылар оқулық бойынша жаттығуларды орындайды)

ІV тапсырма. Оң және теріс сандарды координаталық түзуде белгілеу

• Балалар , сендер білесіңдер ме Тараз қаласында Тұнғыш Президенттін саябағы барын? Саябақ 2006 жылы ашылған. Оның жалпы аумағы 3,8 мың гектар жерді құрайды. Бұл саябаққа бізде үлесімізді қосайық. Ағаш отырғызу керек.

Тақтада координаталық түзудің суреті және шырша, қайын, емен, терек т.б. ағаштары ілінеді. Оқушылар айтылған ағаштың суретін алып, белгіленген жерге орналастырады. Оқушы 0 нүктесінде тұр деп есептейміз.

• Оң бағытпен 3 метр жүріп, шырша ағашын егіндер

• Шырша ағашы тұрған нүктеге қарама қарсы болатын санға емен ағашын отырғызамыз

• Осы жерден солға қарай 4 м жүріп , қайын ағашын отырғызамыз

• Оңға қарай 8 м жүріп теректі отырғызамыз

• Координаталық түзуде гі ең үлкен санды тауып, сол жерге алма ағашын егіндер

• Алма ағашынан сол жаққа 7 м жүріп тағы бір қайын ағашын отырғызындар

• Бұл ағашы тұрған нүктеге қарама қарсы болатын санға шырша ағашын отырғызамыз

V . Бағалау

VІ . Үйге тапсырма. Жер бетіндегі тау, көл, ойпат, теңіз туралы мәліметтер жинап дәптерге жазыңдар. Оларды оң және теріс сандармен бейнелендер.