«Жылы жүрек-кәсіби қолдау» тақырыбында психологиялық-педагогикалық қолдау апталығы аясында №273 орта мектебінің Бастауыш сынып мұғалімі: Қалданова Әмина және педагог-ассистент: Абенова Алтынайдың ұйымдастыруымен «Бірге әрекет-нәтижелі қолдау» бірлескен сабақ жұмыс аясында 1 «Б» сыныбында «Ө ө дыбысы және әрпі» тақырыбында өткізген ашық сабақтан

Анықтама

Өткізілген уақыты: 01.12.2025ж.

Тақырыбы: «Ө ө дыбысы және әрпі»

Мақсаты: --Сөйлеу барысында дауыс ырғағын, екпін, әуен, қарқын, кідірісті сақтау, ойды ым-ишара, қимыл арқылы жеткізу,

--Оқу түрлерін (буындап оқу, тұтас оқу, мәнерлеп оқу, түсініп оқу)қолдану,

--Мұғалімнің қолдауымен мәтіннің, сюжетті суреттің мазмұны бойынша сұрақ қою, сұраққа жауап беру.

--Жазу жолын, жол аралықты, жолдың жоғарғы және төменгі сызығын сақтап көркем жазу.

Сабақ барысы:

Психологиялық ахуал «Біз қандаймыз, қандаймыз?» оқушылар мұғаліммен орнынан тұрып амандасудан бастады.

Өткен сабақты пысықтау мақсатында

--Дыбыс деген не?

--Әріп деген не?

--Буын дегеніміз не?

--Сөз, сөйлем, мәтін дегеніміз не? деп берілген интерактивті тақтадағы сұрақтарына балалар жарыса жауап берді.

Оқушылардың қызығушылығын арттыру мақсатында «Суретті болжа» әдісі арқылы тақтадағы ою-өрнек суреті және әшекей бұйымдарының бейнесін көрсетіп шықты.

--Бұл неге қатысты? –Қандай дыбыс естіліп тұр? (әр оқушы өз ойларын тақтаға шығып бір-бір сөзден айтып шықты.)

Тақтаман жұмыс жасау барысында Қосмамбетов Рахман оқушылармен бірге өрік, өзен сөзерін оқып берді. Пән мұғалімі буындап оқу барысында сүйемелдеп көмек көрсетті.

Жұптық жұмыс жасау барысында «Түртіп ал» әдісі арқылы интерактивті тақтадан сюжетті сурет көрсетілді. Оқушылар сюжетті суреттен Ө ө дыбысына байланысты сөздерді тауып, сөйлем құрастырды. (ЕБҚ оқушыға дайын сөздер ұсынылды. Педагог-ассистенттің сүйемелдеуімен сөзден сөйлем құрастырды.)

Топтық жұмыс жасау барысында «Өнерлі бала» мәтіні бойынша кей оқушылар мәтінді түсініп, буындап оқыды.

(ЕБҚ оқушыны қолдау мақсатында Өрік, өнер, өрмек, өңір сөздері ұсынылды, педагог-ассистентпен бірлесіп тапсырманы өз деңгейіне сай орындады.)

Дәптермен жұмыс жасау барысында «Жаз және көрсет!» әдісі арқылы оқушылар дәптерлеріне Ө ө дыбысын жазды. (ЕБҚ оқушыға қосымша Ө ө дыбысына берілген тапсырманы «Адасқан әріптер» ішінен Ө ө дыбысын қоршау, Ө ө дыбысын басып жазу, сурет бойынша дыбыстық талдау жұмыстарын мұғалімнің және педагог-ассистенттің қолдауымен орындады).

Сабақты қорытындылау мақсатында оқушылармен сұрақ-жауап жұргізілді.

--Бүгін қандай дыбыспен таныстық?

--Ө ө әрпі сөздің қай жерінде кездеседі?

Оқушылармен кері байланыс жасау мақсатында «Әжемнің өрнегі» әдісі арқылы оқушылар тақтадағы жасырынған ою-өрнекті таңдап алу арқылы берілген сөздерді оқып, дыбыстық талдау жасады. Бір сөйлем айтып, келесі оқушы оны жалғастырды. Солай сөйлемдерді толықтыру арқылы Ө ө дыбысына байланысты ой жинақтап ,тақырып мазмұнын түсініп отырды.

«Себет» әдісі арқылы оқушылар сары өрік түсіндім, көк өрік тағы да білгім келеді деген ойларын айтып ,себетке өріктерін жинады.