Бекітемін: Қарағойшина Г.Ж. 2-тоқсан 5-сабақ

Пәні:Дүниетану

Сабақтың тақырыбы: Өсімдік мүшелері. Тұқым.

Сабақтың мақсаты:

Білімділігі: өсімдік мүшелері және оның атқаратын қызметі, тамыр туралы түсінік қалыптастыру; өсімдіктің қоршаған ортаға пайдасы, адам өміріне маңызы және экологиялық тәрбие негіздерін қалыптастыру.

Дамытушылығы: оқушылардың ақыл – ойын, есте сақтау, ойлау, тіл байлықтарын, танымдық белсенділіктерін дамыту.

Тәрбиелігі: оқушыларды ұйымшылдыққа, тазалыққа, еңбекқорлыққа, табиғатты сүюге, аялауға тәрбиелеу.

Түрі: жаңа сабақты меңгерту.

Әдісі: сұрақ – жауап, түсіндіру, талдау, топтастыру, топтық жұмыс, 5 жол өлең әдісі, семантикалық карта.

Пәнаралық байланыс: Ана тілі, бейнелеу.

Көрнекілігі: суреттер, сызбалар.

Сабақтың барысы:

І. Ұйымдастыру кезеңі.

а). сабаққа дайындық.

ә). Оқушылардың назарын сабаққа аудару.

Психологиялық дайындық.

Біз балдырған баламыз, 
Құстай қанат қағамыз. 
Дүниені аралап, 
Оқып білім аламыз. 
ІІ. Өткен материалды қайталау

(үй тапсырмасын сұрақ – жауап арқылы қорытындылау).

- Балалар, мына күн, ай, жұлдыз, су – бұлардың бәрін бір сөзбен қалай атаймыз?

- Табиғат нешеге бөлінеді?

- Тірі табиғатқа жататындарды ата.

- Өлі табиғатқа жататындарды ата.

- Үйге қандай тапсырма берілді?

Күлтешелерде жазылған сұрақтарға жауап бере отырып, күлтеше құрау.

• Балалар, сендер үй тапсырмасын жақсы орындап келіпсіңдер. Мен де сендерге бір қызық ертегі дайындап келдім. Ертегі тыңдағыларың келе ме?

• Ерте ерте ертеде жер бетіндегі өсімдік атаулы бір – бірінен аулақта өмір сүріпті. Құлпырған ағаштарда, тырбиған бұталар да, жап – жасыл шөптер де Табиғат Ананың балалары екен. Ағаштар «Мен биікпін, адамға көп пайда келтіремін» деп мақтануға құмар екен. Ал, шөптер болса, тым ерке болады. Олар жыл сайын тұрақайырбастап, ойға да, қырға да өсе береді екен. Балаларының бәрі мақтаншақ, ерке болмасын деп, Табиғат Анан бұталарды шөлге өсіреді.

Бір күні қатты жел соғып, дауыл тұрып, өсімдік атауларының бәрі опырылып ағаштар сынып шөптер жапырылып қалыпты. (Дауылдың дыбысы естіледі).

Сонде емен ағашы ғана аман қалған екен

Содан кейін Табиғат Ана:

• Емен, сен бас болып, бауырларыңды ығыңа ал. Бәрің бір жерде өсіңдер. Аң, құс атаулыдан көмектеріңді аямаңдар. Менің ең жақын досым – Адам. Адамдар сендерге көмектеседі. – деді.

Міне содан бері, Табиғат Ананың балалары - ағаштар, бұталар, шөп текті өсімдіктер адамдармен мәңгілік дос болып, бір- бірінен ажырамапты.

• Балалар ертегі ұнады ма?

• Табиғат Ананың балалары нелер екен?

• Дауылдан аман қалған қайсысы?

• Барлығына бас көз болуды неліктен емен ағашына тапсырды деп ойлайсың?

• Ал бұта мен шөптің ше?

• Кім салыстырып береді?
  ІІІ.Жаңа сабақ

Кіріспе сөз.

Өсімдік мүшелері және оның атқаратын қызметі жайлы түсінік беру. Тамыр – оның түрлері жайлы сурет арқылы түсіндіру. Сонымен бірге өсімдіктің тірі – ағза екенін айта отырып, еліміздің, қаламыздың көркеюіне, ауаның таза болуына Елбасымыз ерекше көңіл бөліп отырғанын айту. Қазіргі табиғаттың, экологияның нашарлап, орман алқаптарында өсімдіктердің азаюына байланысты мемлекеттік “Жасыл ел ” бағдарламасының орны ерекше. Елбасымыздың бағдарламасы бойынша қаланы көркейту, жыл сайын ағаштар отырғызу жұмыстары алға қойған мақсаттардың бірі болып отыр.

1. Топтастыру. (өсімдік мүшелерін суреттер арқылы топтау).

Өсімдік мүшелері

↓

Сабақ

Жапырақ

Гүл

Жеміс

Тұқым

Тамыр

Тамыр - өсімдіктің негізгі және жер астындағы мүшесі. Ол өсімдікті топырақта бекітіп ұстайды және топырақтағы ылғалды бойына сіңіреді. Тамыр арқылы өсімдік қорек алады.

• Қазір біз тамаша өсімдіктер әлеміне тап болып, олардың құпиясын ашуға тырысамыз. Дұрыс бақылап жүрсең, көп нәрсені білесің.

1-құпия. Өсімдіктер сан жағынан адамдардан да көп. Неге олай ойлайсың?

2-құпия. Өсімдіктер алуан түрлі, бірақ олардың барлығына тән ұқсас бөлігі болады.

2. Оқулықпен жұмыс.

Мәтінді тізбектей оқушыларға оқыту.

3) Дәптермен жұмыс.

Тамыр түрлері

↓

Тік тамыр

Ұзын тамыр

Шашақ тамыр

4) Сергіту сәті:

Жел тұрды,

Жапырақтар тербелді.

Жаңбыр сіркіреді,

Жаңбыр құйып кетті.

Жаңбыр басылды,

Күн ашылды.

5) Топтық жұмыс.

1 – қатар - Өсімдіктің табиғатқа, адам өміріне пайдасы.

2 – қатар - Өсімдік туралы әңгіме жазу.

3 – қатар - Өсімдіктің суретін салу.

6) Семантикалық карта.

Атаулар ------------ Өлі табиғат ---- Тірі табиғат

Аспан

Адам

Жер

Арыстан

Гүл

Жануар

Ай

Өсімдік

Дәрігер

Көл

7) “ Бес жол өлең ” құрастыру.

1. Не? Гүл.

2. Қандай? Әдемі, хош иісті.

3. Не істейді? Өседі, гүлдейді, қурайды.

4. Сөйлем. Гүл адамға қуаныш сыйлайды.

5. Мәндес сөз. Өсімдік.

ІҮ. Сабақты қорытындылау.

Өсімдіктердің мүшелері және оның атқаратын қызметі жайлы, тамырдың түрлерімен таныстық.

Табиғатсыз адамдардың күні жоқ,

Мұны айтуға табиғаттың тілі жоқ, - деп ақын ағаларымыз жырлағандай,

табиғатты, өсімдіктер мен жан – жануарларды қорғап, аялайық.

Ү. Бағалау. Мадақтау.

ҮІ. Үйге тапсырма: мәтінді оқу, табиғаттың суретін салу