Тақырып: Отан отбасынан басталады

Мақсаты: 1.Балалардың Отан, Қазақстан туған жер туралы түсініктерін кеңейту.

2. Отанды сүюге, еліміздің рәміздерін қастерлеуге, туған еліне деген сүйіспеншілігін арттыру.

3. Оқушыларды елін, жерін сүюге, байлығын қорғауға, өз елінің азаматы болуға тәрбиелеу.

Көрнекілігі: Елбасы суреті, рәміздер, қанатты сөздер, Астана суреттері.

Сабақтың барысы: Ұйымдастыру кезеңі.

Психологиялық сәті:

Біз кішкентай баламыз,

Қазақстанда тұрамыз.

Отанды біз сүйеміз,

Мақтаныш оны қыламыз.

-Сәлеметсіздер ме, ұстаздар! Бүгінгі 1Е сынып оқушыларының ашық тәрбие сағатына қош келдіңіздер!

-Балалар, бүгін қонаққа кімдер келіп отыр?

-Апайларымыз.

-Олай болса, бүгінгі ашық тәрбие сағатымыздың тақырыбы «Отан- отбасынан басталады» атты тәрбие сағатымызды ашық деп жариялаймыз.

-Балалар отбасы деген сөзді қалай түсінесіңдер? Отбасы- ол да бір шағын ғана мемлекет. Отбасы тіршілігінің ежелден қалыптасқан заңы бойынша үйдің тірегі әкесі, ал анамыз қамқоршымыз.

Отбасында татулық, бірлік, сыйластық болу керек. Отбасының басты қазығы, алтын тіреу діңгегі- бала. Баланың тәрбиелі болып өсуіне берекелі отбасының әсері мол. Ата- аналарымыз біздің ең жақын адамдарымыз. Отбасында кімдер тұрады. Ата, әже, әке, шеше, апа, аға, қарындас, сіңілі бәрі жақындарымыз.

-Міне, біздің Отанымыз өз отбасымыздан басталады екен.

-Ал, балалар Отан деген не?

-Адамның туып өскен жері, туған- туысқандары, біз тұратын атамекенді айтамыз. Қазақстан жері үлкен әдемі, әрі бай.Біздің еліміз жерінің кеңдігімен қатар, табиғи байлығыда мол. Қазақстан Республикасының тәуелсіздігіне биыл 25 жыл толып отыр. Қазақ жерінде өріс толы малы, тайдай тулаған балығы, теңіздей толқыған егіні , дала толы аң- құсы, таусылмас кен байлығы да жеткілікті.

Қазақстанда әртүрлі ұлттар да тұрып жатыр. Отанын жерін, елін қорғаған батырларымызда бар.

-Балалар біздер қандай тілде сөйлейміз? Қазақ, орыс, ағылшын тілдерінде сөйлейміз.

-Балалар біздің Отанымыз қалай аталады?

-Біздің – Отанымыз Қазақстан

-Қазақстан Республикасының президенті кім? Н.Ә. Назарбаев

-Біздің елордамыз қалай аталады? Астана

-Мемлекеттік рәміздерімізді ата? Ту, Елтаңба, Әнұран

-Олай болса ту, елтаңба, Отан туралы өлеңдер айтайық.

1.Отан-жерім, Отан – суым,

Отан- қуат, нәр береді

Отан- ұран, Отан туым

Отан мәңгі гүлденеді

2. Отан-сенің, ата-анаң,

Отан- досың бауырың

Отан- өлең астанаң

Отан- аудан, ауылың

3. Сүйемін мен Отанымды

Гүл жайнаған жерімді

Сүйемін мен ата- анамды

Мені өсірген елімді

4.Отан-деген атамекен

Отан деген туған жер

Отан ана, Отан-пана,

Қазақстан туған ел

5.Отанды біз атамекекен

Деп аялап айтамыз.

Өйткені оны мекен еткен

Бабамыз бен атамыз

6.Отанды жас кәрімізде

Туған жер деп сүйеміз

Өйткені онда бәрімізде,

Туып, өмір сүреміз

7.Отан-менің өзегім

Қиынның болса төземін

Алдағы бақыт шақтарды

Жүрегіммен сеземін

Балалар тақтаға қарайық туып- өскен жеріміз Бейнеу ауданы туралы бейнероликке қарайық.

Біз қазақпыз ел үшін атқа мінген

Жанып жатқан лапылдап отқа түскен

Бойтұмарғып ар -ождан қазынасын

Ерлеріміз ел намысын сақтап жүрген

Көрініс: Менің Отаным

Ән: Жаса! Қазақстан!

-Кәне, балалар желтоқсан айында Қазақстанның Республикасының атаулы мереке күндері өтті.

1- желтоқсан Президент күні

16- желтоқсан Тәуелсіздік күні

Алдымызда тағы қандай мерекелер келе жатыр. 9- мамыр Жеңіс күні Ұлы Отан соғысына қатысып, жанын азат еткен адамдарды еске аламыз. Отаны үшін отқа түскен ардагерлерімізді құрметтеуіміз керек.

Олай болса, Отан туралы мақал- мәтелдерге кезек берейік.

1.Туған жерім алтын бесігім

2. Жат елдің жақсысы болғанша, өз еліңнің сақшысы бол

3. Отансыз адам ормансыз бұлбұл

4. Елің- панаң, жерің- анаң

5.Туған жердей жер болмас, туған елдей ел болмас

6.Туған жердің ауасы да шипа

7.Отан- оттан да ыстық

8.Орағың өткір болса, қарың талмайды,

Отаның берік болса, жауың алмайды

9. Елдің ерлігі ерінен танылар,

Елдің байлығы жерінен табылар

10.Ағасы бардың жағасы бар,

Інісі бардың тынысы бар

11. Отан менің - өз елім

12. Отан үшін күрес, елге тиген үлес

13. Туған жердің күні де ыстық, түні де ыстық

14. Отан елдің анасы, ел ердің анасы

15.Отанға опасыздық еткенің,

Өз түбіңе өзің жеткенің

16. Ұл өссе, ұлы жақсымен ауылдас бол,

Қыз өссе, қызы жақсымен ауылдас бол

17.Ынтымақты елге ешкім жетпес,

Ынтымақсыз елдің өкініші бітпес

18. Әкеге қарап ұл өсер, шешеге қарап қыз өсер

19. Бірлігі жоқ ел тозады, бірліігі күшті ел озады