Ашық сабақ "Отбасылық құндылықтар" 7-сынып

Сабақтың мазмұны

Ресустар

Сабақтың мақсаты: отбасылық құндылықтарды түсіндіре отырып, дұрыс әрекет құндылығының мәнін ашу.

Сабақтың міндеттері:

Білімділік: - отбасылық құндылықтарды дұрыс әрекет құндылығының негізінде ұғындыру;

Дамытушылық: -қайырымдылық, жанашырлық қасиеттерін дамыту;

Тәрбиелік: - оқушыларды отбасы алдындағы жауапкершіліктерін сезіне білуге тәрбиелеу.

Сәлемдесу, түгендеу,

сабақтың мақсаты мен міндеті таныстырылады.

Сабақтың барысы:

Ұйымдастыру кезеңі: 5 «Т» ережесін сақтау

• Тәртіп;

• Тазалық;

• Татулық;

• Тыныштық;

• Талап.

Ережемен таныстыру

Тыныштық сәті. «Нұрға бөлену»

Ыңғайланып отырып, көздеріңізді жұмуларыңызды өтінемін.
Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын, таза, әсем гүл сіздің әр ойыңызды, әр сезіміңізді, эмоцияңызды тілек қалауыңызды шайып, жүрегіңіздің қауызын ашты.
Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ой мен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.
Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көзімізге де жетті. Көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.
Нұр бірте - бірте қарқындап, сіздің денеңізден шығып, жан - жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз. Олардың да жүрегі нұрға толсын.
Осы нұр бүкіл әлемге: барлық адамдарға, жан - жануарларға, өсімдіктерге, тірі жанға таралсын... Ғаламның барлық түкпір - түкпіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын»
Осындай Нұр, Махаббат және Тыныштық күйінде отыра тұрыңыз...
Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.
Жаймен көзіңізді ашып, күлімсіреңіз. Рахмет!

Баяу муыканың көмегімен

Үй тапсырмасын тексеру.

«Менің отбасым» фотоиллюстрация әзірлеу

Үй тапсырмасын қорғау

Дәйексөз

«Отбасындағы адам бойындағы асыл қасиеттер жарқырай көрініп қалыптасады. Отанға деген ыстық сезім жақындарына, туған-туысқандарына деген сүйіспеншілікпен байланысты» Н.Ә. Назарбаев.

Көзқарас – себеп – мысал - қорытынды

Дәптерге жазып аламыз

Талдау

Әңгімелесу. «Бақытты отбасы» аңыз әңгімені оқу

-Бақытты отбасының сыры неде екен?

- Сіздің отбасыңыз бақытты ма? Себебін айтып беріңізші?

Мәтінді оқыту

Сұрақтар бойынша әңгімелесу

Шығармашылық тапсырма

«Отбасым мерекем» коллаж жасау (оқушыларға сурет қиындылары мен нақыл сөздер жинағы беріледі)

Жеке жұмыс

Сабақты бекіту. «Шахмат» әдісі

1. Әкеңнің әкесі сізге кім болады? (ата)

2. Үлкендердің адамға ізгі тілек, алғыс білдіруі (бата)

3. Бір әкеден туған ағалы-інілілер (ағайын)

4. Ағасына жас жағынан кіші қыз бала (қарындас)

5. Бірге туған қандас, туыс, ағайын (туған)

Дойбы

Мұғалімнің сыйы.

Отбасы – адам баласының өсіп-өнер алтын ұясы. Адам өміріндегі ең қуанышты, қызық дәурені осы отбасында өтеді. Отбасы мүшесі ретінде сенің міндетің – ата-анаңды, туған туыстарыңды, жасы үлкенді сыйлап, құрмет тұту, жасы кішілерге қамқорлық жасау, мектептегі сабағыңды жақсы оқып, білімді, мәдениетті, жан-жақты болып өсуге ұмтылу.

Отбасы – адамның рухани тірегі. Отбасының бақытты болуы үшін сен де өз үлесіңді қосуың тиіс: ана сүтімен бірге даритын, үлкенді сыйлап, ізет көрсету, кішіге қамқорлық жасау секілді асыл қасиеттерді бойыңа сіңіріп, қоршаған ортаға және қоғамға пайдалы азамат болып өсуге ұмтылуың керек. Сен – өміріміздің жалғасы, ертеңі, жарқын болашамызсың, ел мен жердің иесісің. Күнделікті өмірде адамдармен қарым-қатынас барысында өмірдегі түрлі жағдайларда өзіңді қалай ұстауды, адамгершілік әліппесін игересің, атап айтқанда, мейірімді, кішіпейіл болу, ізеттілік, сыйластық, үлкендермен және кішілермен қандай қарым-қатынаста болу сияқты тәжірибе жинақтайсың.

Видео арқылы

Топпен ән айту «Сәби болғым келеді» әнін орындау

Караоке

Соңғы тыныштық сәті: (Баяу музыка)

Бүгінгі сабақтан игерген жақсы қасиеттерді бойларыңызға сіңіріп, жүректеріңізге түйіп алыңыздар.

Дұрыс әрекет, дұрыс әрекет бар жерде,

Дұрыс әрекет, дұрыс әрекет бүкіл әлемде.

Бірге айту