Ою-өрнек сәніміз

Мақсаты:

Ұйымдастырылған ашық оқу іс-әрекетін қазақтың ұлттық бұйымдары, тұрмыстық қолданбалы заттар туралы түсінік беру. Ою - өрнек туралы мағлұмат беру. Дәстүрлі

емес әдіс - тәсілдерді қолдана отырып, саусақпен ою - өрнекті салуды үйрету.
Баланың есте сақтау қабілетін, елесін дамыту. Балаларды шыдамдылыққа, ұқыптылыққа, шапшаңдыққа тәрбиелеу.

Қолданатын әдіс - тәсілдер:
Көрсету, түсіндіру, көркем сөз, жұмбақ шешу, ойын ойнату, қайталау, мадақтау.

Өту барысы

Тәрбиеші: Сәлеметсіздерме балалар.Бүгін біз үшін маңызды күн.Ұйымдастырылған ашық оқу іс-әрекеті.  Олай болса «Ою-өрнек сәніміз» атты ұйымдастырылған ашық оқу іс-әрекетін бастайық. Әуелі келген қонақтармен амандасайық.

Тәрбиеленушілер: Сәлеметсіздерме

Тәрбиеші: Балалар, айтыңдаршы, біз қай елде тұрамыз?

-Қазақстанда қандай ұлттар тұрады?

-Қазақстан еліндегі ұлттар қалай тұрады?

-Әр ұлттың өз мәдениеті мен салт-дәстүрі бар. Бүгін біз қазақтың ұлттық ою-өрнектер түрлерімен танысамыз. Ою-өрнектер латынның орнамент – әсемдеу, сәндеу деген сөзінен шыққан. Қазақтың ою-өрнектерінің түрлері де, атаулары да көп, 360-қа тарта түрлері бар. Ою-өрнек өнері ғасырлар бойы қазақ халқының бейнелеу өнерінің жеке түрі болып келеді. Үй ішінің тұрмысына қажетті заттарды, ұлттық киімдерді, бұйымдарды әшекейлеу үшін қолданған. Ою-өрнектерді – жануарлар, өсімдіктер, геометриялық пішіндерге ұқсап келеді. Бүгін біз ою-өрнектің осындай түрлерін өтеміз: «Қошқар мүйіз», «Сынық мүйіз», «Итқұйрық», «Ботакөз», «Таңдай», «Қос дөңгелек». Осы ою-өрнектермен біз бүгін жұмыс істейміз.

Балаларды ою түрлерімен таныстыру,кері байланыс жасау.

1 ойын: «Ою-өрнек құрастыр»

Шарты: Балалар 4 топқа бөлінеді.Әр топқа 4 ке бөлінге ою беріледі.Оюды құрастырып,атын атауы керек.

Сергіту сәті:

Бас бармақты бассам егер,

«Ботакөз» боп шығады.

Алақанды ашсам егер,

«Бестаңба боп шығады.

Егер жұмсам алақанды,

«Тарақ» оюы шығады.

Оюларды білетін,

Біз ақылды баламыз.

2 ойын: «Кесенің оюын тап» дидактикалық ойын.

Ойынның шарты: Балалар берілген ою-өрнегі бар кеселерге түріне және түсіне ұқсас ою-өрнектерді табады.

Тәрбиеші: Келесі ойынды біз үстелдің басында ойнаймыз.

3 ойын:«Кілемшені ою-өрнекпен безендір» дидактикалық ойыны.

Ойынның шарты: Балалар суретке қарап немесе өз ойымен, кілемшені ою- өрнектермен безендіреді.

Қорытынды:

Тәрбиеші: -Балалар, біз бүгін сендермен не туралы өттік?

-Қандай ою-өрнектер естеріңде бар?

-Бүгінгі сабақта қандай ойындар ұнады?

-Балалар, бүгін сабақта қатысқандарын үшін мен сендерге сыйлық жасап әкелдім, бояу-кітапшалары. Бұл бояу-кітапшасында, ою-өрнектер салынған, оны бояп, атауы жаттауға болады. Және де сандық, кілемше, киім-кешек, ыдыс-аяқта ою-өрнегі бар суреттер де бар. Рахмет сендерге балалар. Сау болыңдар!

Шұбарши мектеп-бөбекжай-балабақшасы

«Ою-өрнек сәніміз»

Ұйымдастырылған ашық оқу іс-әрекеті

Тәрбиеші:Қазақова Т.Ж

2025 жыл сәуір айы