Ашық сабақ ``Өзіңмен үйлесімді өмір сүру `` 5 сынып

Мектеп: М-С. Бабажанов атындағы ЖОББМ № 5 - сабақ

Мұғалiм: Момынова М.М.

Сыныбы: 1 «а», «б»

Тақырып: Өзіңмен үйлесімді өмір сүру

Құндылық: дұрыс әрекет
Қасиеттер: адалдық , адамгершілік
Сабақтың мақсаты оқушыларға ар-ұжданына сүйеніп өмір сүрудің маңыздылығын жеткізу арқылы дұрыс әрекет құндылығының мәнін ашу

Міндеттері:

Білімділік: оқушыларды үйлесімді өмір сүруге үйрете отырып,қарапайымдылық қасиеті туралы түсінік беру

Дамытушылық: оқушыларды шынайы қарым-қатынас жасауға үйрету арқылы адалдық қасиетіне баулу

Тәрбиелік: оқушыларды қарапайым, адал, үйлесімді болуға тәрбиелеу

Сабақ барысы:

1.Ұйымдастыру кезеңi.

Ресурстар:

(құралдар, мәліметтер)

Оқушылармен амандасу, сынып тазалығына мән беру , оқушылардың оқу құралдарын тексеру.

Қажетті заттар: А-4 ақ қағаз, стикер қағаздар мен түсті қарындаштар

2.Үй тапсырмасын тексеру

«Әйнек адам» мәтінін оқып мазмұндап келу

3. Дәйексөз

Арыңды сақта, ар-ұждан керек әр уақытта

Нақыл сөз

Ар-ұждан адамның ең асыл қасиеті. Әр уақытта ар-ұжданыңмен үйлесімді өмір сүру дұрыс әрекет болып саналады.

Ескерту: даналық сөздің мағынасын ашып түсіндіріп кету

4.Әңгімелеу

Әйнек адам

Василий Сухомлинский

Бір баланың титімдей досы-Әйнек адамы болды.Өзі мөп-мөлдір.Бір ғажабы: Әйнек адам баланың не ойлағанын біліп қояды. Бала анасының тілін алмай,сыртқа ойнауға шыққалы жатса-Әйнек адам сәл-пәл күңгірт тартып:

-Олай етуге болмайды.Әуелі ісіңді тындыр.Сосын ойнауға шық,-дейді.

Бала ұялып қалады. Дереу іске кіріседі. Жұмысын бітірген соң ғана сыртқа шығады.Әйнек адам қайтадан мөп-мөлдір түске енеді.

Бірде баланың бірге ойнайтын досы ауырып қалды.Бір күн өтті,екі күн өтті.Бала досын есіне де алмайды. Әйнек адамға қараса,түнеріп кетіпті. Кімге жамандық жасап қойдым,-деп сұрайды бала.

-Ешкімге жамандық жасаған жоқсың.Тек досыңды ұмытқаның болмаса...

Бала ұялып кетті. Дереу досының үйіне келді.Оған бір шоқ гүл, алма ала барды.Сөйтіп,Әйнек адам баланы жақсы болып өсуге үйретті.

• Әйнек адам неліктен кейде күңгірт тартады?

• Әйнек адам қайтадан неліктен мөп-мөлдір түске енуі неліктен?

• Әйнек адам баланы қандай жақсы қасиеттерге үйретті?

5. Шығармашылық іс- әрекет, топтық тапсырма

1-тапсырма

Балалар дәптердегі суреттерді қарап отырып өздерін ұятқа қалдырмайтын іс-әрекеттерді тауып бояйды.

2-тапсырма

«Әдепті бала-арлы бала» деген мақалды қалай түсінесіңдер?

Қандай жағдайда «ұят болады» деп ескерту алып қалуларың мүмкін?

6.Топпен ән айту

Бала тілегі

Өлеңін жазған: С. Молдасанұлы

Әнін жазған: Ф. Жолдасова

Бал-балалық балдырған шақ сан арман,

Барлық бала армандауғажаралған.

Кел, достарым,әндетіңдер, билеңдер,

Гүлденсін деп атамекен қара орман

Болашақтың иесіміз бәріміз,

Туған жердің түрлендірер нәріміз

Алтын бесік-ұлан-байтақ елімде

Жарқын болсын шырқап айтар әніміз

7.Үйге тапсырмасы.

«Қайыңның көз жасы» әңгімесін оқып мазмұндап келу.