Тақырыбы: «Пішіндер сыр шертеді»
Мақсаты: Балалардың геометриялық пішіндер туралы білімдерін қалыптастыра отырып, қарапайым математикалық ұғымдарын бекіту, пішіндерді ажыратып айта білуге, оларды қоршаған ортамен салыстырып, түр – түсін, заттардың көлемін анықтай білуге дағдыландыру. Балалардың ой - өрісін, қол моторикасын, логикалық ойлау қабілеттерін ойын арқылы дамыту, зейіндерін, белсенділіктерін арттыру. Балаларды ұйымшылдыққа, тапқырлыққа тәрбиелеу.

Аралас сабақ: Айналамен таныстыру, тіл дамыту, құрастыру сабағы.

Сөздік жұмыс: Үшбұрыш, төртбұрыш, дөңгелек,шаршы пішіндер.
Құрал-жабдықтар: Ведиопроектор, үнтаспа.

Сабақ барысы: Балалар жарты шеңбер бойымен тұрады.

Амандасу: Музыка әуенімен әндетіп:

-Үлкенге де сіз,сіз.

Кішіге де сіз,сіз.

Сәлем бердік сіздерге

Құрметпенен біз, біз.

Мұғалім:

- Сәлеметсіздер ме, балалар!

Балалар:

- Сәлеметсіз бе

Мұғалім:

- Бүгінгі сабақта пішіндермен танысамыз. Сабағымызды бастамас бұрын 1-ден 10-ға дейін өсу, кему ретімен санап алайық. (үш тілде)

-Мұғалім:

-Жарайсыңдар! Ендігі кезекте тақтаға назар аударайық. Тақтадан ненің суетін көріп тұрмыз.

-Пішіндер.

-Пішіндерді таныстыру.

Төртбұрышпын, төртбұрышпын.
Төрт қабырғасы бар бұрышпын,
Қай жағынан қарасаңда,
Төрт қабырғам тең бұрышпын.

Мұғалім:

- Неге төртбұрыш дейді екенбіз, қанекей төртбұрыштың қабырғаларын, бұрышын санайық. (санайды) Төртбұрыштың түсі қандай?

Үшбұрыш:
-Үшбұрышпын, үшбұрышпын,
Үш қабырғам бар бұрышпын,
Төртбұрыштан аз болсам да,
Орны бөлек үшбұрышпын.

- Ал, үшбұрышты неге үшбұрыш дейді екенбіз, бұрыштар мен қабырғаларын санайық. Үшбұрыштың түсі қандай екен?

Дөңгелек:

- Домалақпын, домалақпын,
Дөңгелек боп домаладым.
Ай сияқты, күн сияқты
Шар сияқты домалақпын.

-  Дөңгелектің бұрышы бар ма?

- Пішіннің түсі қандай?
І. Мұғалім:

- Балалар, осы пішіндерді қоршаған ортамен салыстырайық. (ведиопроектордан пішіндерге ұқсайтын заттарды атап, таяқшамен көрсетеді)

Д/о. «Пішіндерді бастырып, үлгісі бойынша боя"

Шарты: суретті қарындашпен бастырып, түрлі-түсті қарындаштармен бояу.

ІІ. Мұғалім:

– Балалар,  «Пішіндер бойынша тап»деген тапсырмасы бар.

Шарты:Тақтадағы суреттердің ішінен ұқсас суретті тауып көрсету.

Тәрбиеші тексереді.

ІІІ. Мұғалім:

–Балалар, келесі тапсырма бар, дәптермен жұмыс «Пазл құрастыру».

Шарты: - 1-8 сандар аралығында қағаз қиындыларын құрастырып бейнені жапсыру.

Мұғалім: Сергіту сәті

V. Мұғалім: - «Фонарикпен ойна»

Шарты: Алдында тұрған қағаздардың ішінен фонариктің көмегімен мұғалім атаған пішіндерді тауып көрсету.

Мұғалім: «Пішіндермен секір»

Шарты: еденде жабысқан пішіндер бойынша секіру.

Мұғалім: «Қыстырғышпен қыстыр»

Шарты: Топтық жұмыс қасыңда отырған досыңмен пішіндерді тауып көрсет.

Мұғалім:

- 4 қызымыздың орындауында «Пішіндер әні»

- Балалар, барлықтарың сабаққа жақсы қатыстыңдар.Бүгінгі сабақты түсінсеңіздер смайлик бойынша көрсетейік. Рахмет.
Сабақ аяқталды.