Сабақтың тақырыбы: Power Point бағдарламасында презентациялау және безендіру

Сабақтың мақсаты:

1.Білімділік: Оқушылардың Power Point бағдарламасы бойынша
алған білімдерін тексеру, сабаққа деген қызығушылықтарын
арттыру.

2.Дамытушылық: Шығармашылық қабілеттерін дамыту.

3.Тәрбиелік: Ұқыптылыққа, шапшаңдыққа тәрбиелеу.

Сабақтың типі: Тренинг - «Талаптыға нұр жауар» сайыс сабағы.

Сабақтың түрі: танымдық-ойын және практикалық әдіс

Тренинг сабаққа түсініктеме

ТРЕНИНГ-дегеніміз белгілі бір тақырыпта өткізілетін жеке сабақтың бір түрі.

Бұл сабақтың басқа сабақтардан ерекшелігі:
- оқушылар топтаса отырып, шығармашылықпен жұмыс жасайды;
- сабаққа шынайы түрде белсене қатысады;
- проблемаларды бірігіп талдап, шешу жолдарын іздестіреді;
- пәнге деген қызығушылығы артады.

Жоспар

Оқушыларды екі топқа бөліп, әділқазылар алқасын сайлау

1. Үй тапсырмасын тексеру.

СӨЖ тапсырмаларын қорғау кезеңі.

2. Еске түсіру кезеңі. “Бәйге”

3. “Өзін-өзі тексеру” кезеңі.

4. Шығармашылық тапсырма орындау кезеңі.

5. “Кім жүйрік” (Капитандар сайысы)

6. «Кім жылдам» кезеңі.

7. Үш тілге аудару. Полиглот.

8. «Сен маған, мен саған».

9. Көрермендермен ойын.

Ең алдымен студенттерді тренинг сабақтың ұстанымдарымен таныстырамын.
1. Адалдық ұстанымы: Тренингке қатысып отырған студенттер тек адал ойын айту керек.

2. Белсенділік ұстанымы: Студенттердің толығымен шынайы қатысуы.

Тренинг сабақ бірнеше кезеңнен тұрады. Студенттер екі топқа бөлініп өз орындарына жайғасады.

Армысыздар, бүгінгі Талаптыға нұр жауар атты сайыс сабағымызға жиналған қауым! Бүгінгі біздің сайысқа қош келіпсіздер! Сайыс 9 кезеңнен тұрады. Екі топ болып жарысады. Студенттер теңдей екі топқа бөлінеді.

Құтқарып ауыр бейнеттен,

Техниканы үйреткен.

Роботтай –адамды,

Тіл бітіріп сөйлеткен.

Компьютер емей немене?!

Білмегенді білдірген,

Өлшеп киім кигізген.

Барлық істі атқарып

Пайдасын елге тигізген,

Компьютер емей немене?!

Бәріңіз маған қараңыз!

Ойынымызды бастайық

Алуан түрлі ойларды,

Ортамызға тастайық.

Информатика пәнінен,

Көрсетіп біздер батырлық

Ой толғалық жүйелі,

Таңдайымызға татырлық.
1-кезең. СӨЖ тапсырмаларын қорғау кезеңі. (30 минут)

Мұнда оқушылар өздеріне үйге бөлініп берілген тапсырмаларын қорғайды.

Қарап тұрмай бәйгеге еріңіз

Шәкірттерге әділ шешім беріңіз

Жүзден жүйрік, мыңнан тұлпар шығарар

Бәйге, бәйге, бәйгелерді көріңіз дей келе біз келесі кезең БӘЙГЕ кезеңін бастайық.

2-кезең. Еске түсіру кезеңі. «Бәйге» (5минут)

Сұрақ-жауап түрінде өтеді. Әр топқа Power Point бағдарламасы бойынша 10 сұрақтан беріледі.

Қай топ көп және жылдам жауап берсе, сол топтың ұпай саны артады.

1-топ сұрақтары:
-1. Power Point не үшін арналған бағдарлама? (Көрме әзірлеуге арналған Microsoft Office-тің қолданбалы бағдарламасы)

-2.Power Point-ты қалай іске қосуға болады? (Пуск-Все программы-MS Offise-MS Power Point)

-3. Power Point меню құрамы неден тұрады? (қою, көрсету, көркемдеу, пішімдеу, әрлендіруден)

- 4.Слайд дегеніміз не? (Мәтінді,объектілерді,клиптерді іске қосатын күрделі объект)

-5.Слайд-фильм(презентация) деп нені атайды? (Слайдтардың жиынтығын)

-6.Слайдтарды қалай қосуға болады? (Алдыңғы слайдты белгілеп,ENTER пернесін басу)

-7. Слайдтарға қандай графикалық объектілерді орналастыруға болады? (Кестелер,диаграммалар,суреттер, бейнеклиптер)

-8.Графикалық объектілерді орналастыру қалай жүзеге асырылады? (Пішім көмегімен)

-9. Слайдтарды толық экранға көрсету батырмасы? (F 5)

-10. Слайдқа түс сызбаларын таңдау қай команда көмегімен іске асады?

( Пішім – Слайдты безендіру – Түс сұлбалары)

2-топ сұрақтары:

-1. Power Point программасының қандай мүмкіндіктері бар? (дыбыстық және мультимедиялық мүмкіндіктерді пайдаланып, презентацияны экранда көрсету);

-2. Слайдқа қандай объектілер енгізуге болады?

(Microsoft Clip Gallery объектілерін, файлда сақталып тұрған суреттерді, сканерден көшірме; бір мезгілде бірнеше дыбыстық объектілерді;)

-3. Power Point бағдарламасы терезесінде Орфография әмірі қай мәзірде (менюде) орналасқан? (Құралдар)

-4. Power Point не үшін қажет?

(ақпаратты есте сақтау, қабылдау, нәтижелігін артыруға арналған Көрмелік көрініс жасау үшін)

-5. PowerPoint презентация дегеніміз не? (компьютерде дайындалған слайдтарды көрсету жиыны)

-6. Суретті үстемелеу командасы ? (Кірістіру – Сурет – Суреттер жиыны (Картинки)

-7. Диаграмманы үстеу командасы ? (Кірістіру – Диаграмма)

-8. Таңдалған слайдқа фон қалай қолданылады? (Пішім – Өң – Қолдану)

-9. WordArt тақтасын үстемелеу үшін қандай команда қолданылады? (Көрініс – Құралдар үстелі- WordArt)

-10. Қандай фигураға мәтін енгізуге болмайды? (сызық )

3-кезең. “Өзін-өзі тексеру” кезеңі. (5минут)

Мұнда компьютердегі тестке жауап береді. Жауап беру барысында әр жауаптың дұрыс немесе дұрыс емес екендігі баллмен есептеледі.

4-кезең. «Шығармашылық тапсырма» орындау кезеңі. (10минут)

Бірнеше суретті тақырып ұсынылады. Сол тақырып бойынша топ мүшелері тақырыпты ашатындай слайд дайындап, компьютерде жобасын (презентациясын) жасайды.

5-кезең. Капитандар сайысы. Кім жүйрік. (2минут)

Әр топ басшыларына сұрақтар беріледі. Сол сұрақтарға берілген уақыт аралығында жылдам жауап берген топ басшысына ұпай қосылады.
1-топ жетекшісіне сұрақ:

1. Компьютер жанындағы өсімдік (кактус)

2. Баспағы шығару құрылғысы (принтер)

3. Жалпы желіге қосылу үшін не керек?(модем)

4. Калькулятордың неше түрі бар?(2)

5. Ақпарат қай тілден шыққан? (латын)

6. Ең кіші өлшем бірлік (бит)

7. Дыбыс шығару құрылғысы (колонка)

8. Бірнеше ұяшықтар жиынтығы немесе бірігуі (блок)

9. Мәтіндік редактор терезесіндегі 4-ші қатар не деп аталады? (пішімдеу)

10. Бірінші кезең компьютерлерінің элементтік базасы не деп аталады? (шамдар)

2-топ жетекшісіне сұрақ:

1. Дыбыс жазу құрылғысы(микрофон)

2. Компьютерді іске қосқанда жүктелетін программа ?(операциялық жүйе)

3. Ақпаратты компьютерге енгізу құрылғысы(пернетақта)

4. Бос орын қадыру пернесі (пробел)

5. Монитор, пернетақта, жүйелік блок қандай құрылғылар? (негізгі)

6. Адамның денсаулығына зиянды компьютер құрылғысы (монитор)

7. Өшірілген файлдар қай папкада сақталады?(себет)

8. Мәтінді,объектілерді, клиптерді іске қосатын күрделі объект? (слайд)

9. Электрондық кестедегі негізгі элемент? (ұяшық)

10. Екінші кезең компьютерлерінің элементтік базасы қандай? (Транзисторлар)

6-кезең. «Кім жылдам» кезеңі. (10минут)

Енді сайысымыздың КІМ ЖЫЛДАМ атты кезеңіне өтеміз. Бұл кезеңде оқушылар компьютерде берілген тапсырманы тез орындау керек.Әр топтан бір оқушы шығады.

(Компьютерлерді желі арқылы іске қосу тапсырылады).

7-кезең. Үш тілге аудару. (3минут)

Келесі кезеңімізде мына көрсетілген суреттердің атын үш тілдерде айтып беру тапсырылады. Ќазаќ , орыс, ағылшын тілдерін ќандай деңгейде білетіндерін тексеру үшін информатикалыќ термин сөздерін білдіретін суреттер көрсетіледі.

Мәңгі бақи есте қалар,

Ғажайып бір сайыс болсын.

Білімдірек шәкірт озар,

Қиынырақ сұрақ болсын- деп біз енді сайысымыздың келесі кезеңіне келдік. Бұл сайыста екі топ кезектесіп бір-біріне сұрақтар қояды. Сұрақтар саны – 10.

8-кезең. «Сен маған, мен саған». (5 минут)

(Өткен тақырыптар бойынша сұрақтар қою тапсырылады)

2 топ бір- біріне 5 сұраќтан ќояды.Әрбір дұрыс жауапқа 5 балл қосылады.

9-кезең. Сергіту сәті. Көрермендерге жұмбақ жасыру. (5минут)

Информатика пәніне байланысты жұмбақтар оқылады. Жауап берген көрерменге сыйлық беріледі.

Көрермендермен ойын
Жұмбақтар.

1.Бір сарайда тұрады екен,

Бес атаның балалары.

Қыдырмашы біреуі

Бір күн бар да, бір күн жоқ

Соны есепке алсақ,

Ұзын саны жүз жеті (пернетақта)

2.Экранның бетінде тұрағы,

Қашан болсын жыпылықтап тұрады (меңзер)

3.Төртбұрышты әйнек,

Тұнып тұрған әлек (монитор)

4.Кемірушіге ұқсайды бейнесі,

Түсі оның сұр, құйрығы ұзын.

Ойланып. Білгіш болсаң жауап берші,

Қалай деп аталады аты оның? (тышқан)

5.Ұзынтұра Жалқаубек,

Тұрмай ылғи жатады

Қозғала қалса артынан,

Ешбір белгі қалмайды (бос орын)

6.Биологияда бұл паразит,

Көзге зорға көрінер

Информатикада өлшем бірлік

Ақпаратты өлшер (бит)

^{«ТАЛАПТЫҒА НҰР ЖАУАР»}

БАҒАЛАУ ПАРАҒЫ

Әділ ќазылар мүшесі _______________________________________________________________

_________________________________________________________________________

20-30 ұпай «3»-тік баға

30-35 ұпай «4»-тік баға

35-40 ұпай «5»-тік баға

Оқушылардың жұмысын талдап, бағалау.

Power Point бағдарламасында жұмыс істеу режимдерінің ерекшеліктерін ескеру, слайдқа мәтін, сурет, графикалық объектілерді енгізу, слайд элементтеріне анимациялық эффектілер қоса отырып, белгілі бір тақырыпқа көрсетілім (презентация) құруға, мақалалар жаза отырып газеттер құрастыра білуді үйрету мақсатында өткізілген мұндай сабақтардың оқушылардың білімін, компьютерде жұмыс істеу дағдыларын жетілдіруде, дамытуда маңызы зор.