Ашық сабақ «Қазақ халқының ерлік істері» 6- сынып

Ерлік сабағының тақырыбы: «Қазақ халқының ерлік істері».

Сабақтың мақсаты: Оқушылардың патриоттық сезімін , елі үшін мақтанышын тәрбиелеу, шынайы патриоттың және Отан қорғаушының бейнесін қалыптастыру, оқушыларды елінің және өлкесінің тарихымен таныстыру; белсенді өмірлік ұстанымын қалыптастыру.Балалардың эмоциялық әлемін адамгершілік әсерлермен байыту және адамгершілік сезімдерін қалыптастыру; Оқушылардың моральдық дамуына және олардың шығармашылық қабілеттеріне ықпал ету.

Сабақта қолданатын құралдар: «Қазақ халқының ерлік істері» сурет көрмесі, кітап көрмесі, аудио материалдар, видео материалдар.

Түрі: «Ой-талқы».

Сабақ барысы:

І. Ұйымдастыру кезеңі.

Баяу музыка ойнап тұрады. Қонақтарды қарсы алу, отырғызу. «Тілек шеңбері» Жаңа оқу жылының басталуымен құттықтау, табыс тілеу, Конверттегі сөздерді құрастырып топ атын анықтау,топқа бөлу. «Халық» , «Ел» , «Тағдыр» .

ІІ. Кіріспе сөз.

А) Ел басы жолдауы.

В) «Тарих рецеппен жасалмайды. Оқиғаларды бағалағанда біз нақты тарихи жағдайларға, қолдағы бар деректерге сүйенуіміз керек. Не нәрсенің де мәнін түсінуге бастайтын кілт сол»,- деп тарихшы Е.Бекмаханов айтқандай сіздер «Қазақ халқының ерлік істері» ой-талқы алаңына хош келдіңіздер!

ІІІ. «Ой қозғау». Жауаптарын қағаз бетіне түсіріп отыру.

Қазақстан Ұлы Отан Соғысы жылдарында. Тарихи шындық.

ІV. «Адасқан сөздер» әр топ өздеріне берілген тақырып бойынша тапсырмаларды орындап , өз ойын айту.

І- топ тапсырмасы. «Батыр» деген сөзге анықтама беру және кімдерді айтамыз ? Қазақ халқының тарихынан қандай батырларды білеміз ? Атап бер. Ұлы Отан Соғысындағы Қазақстандық батырларды ата. «Батыр» тақырыбында 3 мақал айт.

ІІ- топ тапсырмасы. «Аңыз» деген сөзге түсінік беру және кімдерді айтамыз ? Қазақ халқының тарихынан қандай аты аңызға айналған жерлестерімізді білеміз ? Атап бер. «Ерлік» тақырыбында 3 мақал айт.

ІІІ- топ тапсырмасы. «Тыл» деген сөзге түсінік беру. Жауды жеңудегі қазақстандықтардың тылдағы ерліктері туралы айтып бер. «Отан» тақырыбында 3 мақал айт.

V. «Ой талқы» - презентация жасау.

І- топ тапсырмасы. «Бейбіт күндегі ерлік пен батылдық». Бұл туралы өз ойың.

ІІ- топ тапсырмасы. «Қаза болғандарға арналған ескерткіштер мен мемориялдар». Бұл туралы өз ойың.

ІІІ- топ тапсырмасы. «Қазақстан Республикасының ішкі және сыртқы саясаты». Бұл туралы өз ойың.

VI. «Әнді сүйсең менше сүй» ән орындау .

VII. Қорытынды.

«Ел үмітін ер ақтар, ер атағын ел сақтар». Елін қорғайтын ұландар көп болсын.

«Нұрлы жол » бәрімізді ұлт болып ұйысуға, жұрт болып жұғысуға біріктіретін бірден бір жол.Елімізге, жерімізге амандық, бақыт және даму нәсіп етсін.Келешегіміз баянды, ұрпақтарымыз несібелі болғай.

Осыдан 13ғасыр бұрын Тоныкөк абыз «Түркі жұртының мұраты-Мәңгілік ел» деп өсиет қалдырған екен. Сол Мәңгілік ел болайық ағайын.