Сабақтың тақырыбы

А. Иассауи «Даналық кітабын» өңдеу

Сабақ негізделген оқу мақсаты (мақсаттары)

А/И4-шығармадан алған үзінділерді қайта өңдеп, креативті жазу.

Сабақ мақсаты

Шығарма үзінділерін қайта өңдеп, шығармашылық жұмыстар жүргізу

Құндылықтарды игерту

«Мәңгілік ел» жалпықоғамдық құндылығы:

• тіл мен мәдениет;

• өмір бойы білім алу;

• топ мүшесі ретінде жүктелген жауапкершілікті сезіну:

• топтаса және жұптаса жұмыста ынтымақтастықпен жұмыс жасау

• Аталған құндылықтар сабақ тақырыбы арқылы оқушылардың топтаса және жеке отырып жұмыс жасаулары, сын тұрғысынан ойлай білу, ақпаратты өңдей білу, өзіндік көзқарасын дәлелдей алу дағдылары негізінде жүзеге асады.

Бағалау критерийі

Шығарма үзінділерін өңдеп, креативті ойлап, жазу дағдысы қалыптасады.

Тілдік мақсаттар

Сопылық поэзия,адамгершілік,имандылық,инабаттылық,әдептілік,креатив

АКТ-ны қолдану дағдылары

Интерактивті тақта, Қ.А.Ясауи кесенесі

Пәнаралық байланыс

Тарих, қазақ тілі

Дифференциация

Оқушылардың барлығы хикметтің мәнін, ғибратты ойларын біледі.

Оқушылардың көбісі көтерілген идеясын саралай алады және шығарманы өңдеп, өзіндік ой қосады..

Оқушылардың кейбірі дәлелді ой қосып, өзгеше туынды жасайды.

Алдыңғы білім

А. Иассауи «Даналық кітабының» идеясы

Алдыңғы оқу

Талдай алу, өз ойын дәлелдеу, түйінді ой тастау дағдылары

Жоспар

Жоспарланған уақыт

Жоспарланған жаттығулар (төменде жоспарланған жаттығулармен қатар, ескертпелерді жазыңыз)

Ресурстар

Сабақтың басы

Ұйымдастыру кезеңі.Сәлемдесу

Психологиялық ахуал «Жүректі тазарту»

Үй тапсырмасын сұрау

Топқа бөліну (Әр оқушы өзінің бір затын қоржынға салады,мұғалім қоржындағы заттарды араластырып, екі топқа бөлу үшін партаның бетіне заттарды тастайды. оқу құралдарын тану арқылы оқушылар екі топқа бөлінеді. )
Сабақтың тақырыбы мен мақсаттарымен таныстыру

Қоржын

Сабақтың ортасы

«Миға шабуыл» әдісі арқылы өткен тақырыпты еске түсіру.
1.Қожа Ахмет Ясауи ғұмырдың мәңгі еместігін, өмір сүрудің мәнін қалай суреттейді?
2.»Даналық кітабында» адам бойындағы қандай ізгі қасиеттер дәріптеледі?
3.Хикметтердің тақырыбы мен идеясы қандай?

4.Ислам дінінің бес парызы қалай аталады?
1-тапсырма. Креативті жазу (жеке жұмыс)

Оқушылар шығармадан негізгі оқиғаны немесе хикметтердің бір-екі шумағын алып, XXI ғасырға сәйкес «Мәңгілік ел», «Рухани жаңғыру» идеяларымен байланыстырып, қайтадан өңдеп жазады.

(Үздік жұмыс сыныпта оқылады және баға беріледі.)

Дескриптор:

-шығармадан алған үзінділерді қайта өңдеп ,жаза алады.

- дәлелді ой қосып, өзгеше туынды жасайды.

-қорытып, қайта ұсынады

Қалыптастырушы бағалау «Екі жұлдыз,бір ұсыныс»

2-тапсырма. Топтық жұмыс

1- топ. «Венн диаграммасы»
«Даналық кітабының» ғибратты ойларын төмендегі кестеде көрсетілген шығармалардың мазмұнымен салыстырыңдар

2-топ. «Төрт сөйлем» тәсілі

1. Пікір. Нақыл сөздер бойынша туындаған өзіндік пікірін бір сөйлеммен келтіреді.

2.Дәлел. Келтірілген өзіндік пікірді тағы бір сөйлеммен дәлелдейді.

3.Мысал. Енді өзіндік пікірді тағы бір негіздеп кетуі үшін бір сөйлеммен мысал келтіреді. Мысал өмірден, практикадан алынуы қажет.

4.Қорытынды. Өзіндік пікірді тағы да бір рет пысықтап, қорытынды шешімді бір сөйлеммен келтіру керек.

3-тапсырма. «Даналық ойдан дән ізде» (сыныппен жұмыс)

Қ.А.Ясауи адамды бес нәрседен сақтандырады.Олай болса, арамдық, өсек, еріншектік, тәкапарлық, мақтаншақтық сөздеріне қандай ой қосып, мақал-мәтел құрастырар едіңдер?

Дескриптор:

1.Даналық ойларды басқа берілген шығармалардың мазмұнымен салыстыра алады.

2.Топта берілген тапсырмалар бойынша тақырыпты жүйелі, нақты қорытып, дәлелдей алады.

Қалыптастырушы бағалау: «Басбармақ»әдісі

Интербелсенді тақта,

.

«Екі жұлдыз, бір ұсыныс» бағалау

Кесте, қағаздар

«Басбармақ»

әдісі

Сабақтың

соңы

Кері байланыс. «3-2-1»

Бүгінгі сабақтан алған 3 маңызды ақпарат;

Бүгінгі сабақта қиындық тудырған 2 аспекті;

Бүгінгі сабақта ұнаған 1іс-әрекет.
Үйге тапсырма: «Имандылық –адам бойындағы ең ізгі қасиет» ой-толғау

Стикерлер