Ашық сабақ "Қош келдің - Жаңа жыл!"

1-оқушы
Қош келдіңіз бүгінгі Жаңа Жыл кешімізге
Жаңа табыс тілейік ісімізге
Келе жатқан Жаңа жыл құт әкелсін.
Мына отырған барша жан бәрімізге
2-оқушы
Кел, Жаңа Жыл! Төрле – төрле жеріме,
Құт –береке боп келгейсің еліме!
Үміт артып армандарға аяулы,
Шаттығыңа бөлегейсің мені де.
3-оқушы
Ей, Жаңа Жыл! Жаңа бақыт, ырысым,
Жақсылықтың жаршысы да нұрысың.
Адамдардың асқақтаған арманы,
Армысың, аманбысың Жаңа жылым.
Жаңа жылым! О, менің Жаңа жырым!
Ит жылы келгенде, сый ғып тартып,
Ақтарайық әнменен көңіл сырын.

4-оқушы Жаңа жылда жаңаша
Тақпақ айтамыз.
Болсын риза балаша
Аппақ атамыз.
Билейміз де ойнаймыз,
Балғын ұл-қыздармыз
Жаңа жылдай жайнаймыз
Жарқын жұлдыздар
7-оқушы:
Ақ қар жапты даланы
Ақ жамылды айнала
Жарқыратып шамдарын,
Шырша келді ортаға
8-оқушы:
Оралды өлкеме
Жаңа жыл, армысың!
Оранды ақ көрпе
Асқар тау, қарлы шың.
9-оқушы:
Тоғай да, баулар да
Ақ күміс жамылды.
Дала да, таулар да
Өзіңді сағынды.
10-оқушы:
Әдемілеп біз ілген
Ойыншықтар тізілген
Қандай әсем шыршамыз.
Ән шырқайық баршамыз.
11-оқушы:
Жаңа жылым жол болсын
Басқан қадам оң болсын
Төрлет, төрлет жаңа жыл
Бізге құтты жыл болсын !

2-Жүргізуші:Жас достар, қазір ғана табалдырығымызды аттаған Жаңа жылдың бауы берік болсын. Бұл жылы да елімізде тыныштық болып ырыс –құтымыз азаймасын!
Ортаға биші қыздарыңыздың биін тамашалаңыздар!

Би: Қуыршақ
1-Жүргізуші: Айтпақшы, балалар бізге Микки Маус уәде берген, сендерге тамаша ойын ойнатам деген еді, қане сол ойынды ойнайықшы.
Микки Маус: Бұл ойын «Алдау ойыны» деп аталады.Мен сендерді алдаймын, сендер қателеспей айтқан кезде өздеріңнің дене мүшелеріңді алданбай ұстап қалуларың керек. Алданған оқушы айыбын өтейді.
Мен мұрынымды ұстадым! 1,2,3! ( өзі құлағын ұстайды)
- Мен басымды ұстадым 1,2,3! (иығын ұстайды)
Мен құлақты ұстадым 1,2,3! ( бетін ұстайды)
Мен қолымды жасырдым 1,2,3! ( өзі қол соғады)
Микки Маус: Балалар, ішімізде алданғандар бар, мен оларды көріп тұрдым, қане өздері шығып айбын өтесін.

Би: Батырлар

Хор: Шырша әні

12-оқушы:
Жаңа жылға арналады жаңа жыр
Жаңа жылда шақырады бар өмір
Бақыт болып жаңа жылым келді ғой
Құтты болсын, құтты болсын Жаңа жыл
13-оқушы:
Кел, жаңа жыл, жаңа жыл
Қарсы аламыз біз сені
Ақ көңілмен, ақ пейілмен
Баршамыздың төрінде .
 14-оқушы
Достар, достар!
Тағы да бір жыл жаңа
Қадам басты, ұрлана да нұрлана
Жүректерде лүпілдейді жас үміт.
Ашылады – шашылады бүр жаңа
Кәне. Достар, көтерейік иықты
Аңсайықшы қыран самғар биікті

Би: Сарбаздар

Ойын: «Қолшатыр кімге тиеді?» Ойын шарты: Ортада бес қолшатыр қойылады. Алты оқушы ортаға шығып, музыка әуенімен билейді. Музыка тоқтаған сәтте бір-бір қолшатырдан ұстап қалу керек. Кім қолшатыр ала алмай қалса, сол ойыннан шығады.

2-Жүргізуші: Зеңгір көкте жұлдыз болып жанайын,
Ай жүзіндей айшықтанып, арайың.
Жанға шуақ, бойға қуат әкелген.
Жаңа жылың құтты болсын ағайын.
1-Жүргізуші:
Жүзімізде күлкі ойнап
Естіледі әніміз
Жаңа жылды қарсы алып
Би билейміз бәріміз

Ән: Жаңа жыл әні

Би: Көңілді күн

Ойын: Кім жеңімпаз болады? 3 сыныптан үш оқушы шығады
2-Жүргізуші:өтіп бара жатқан Тауық жылы қандай жақсылық әкелді, ал, Жаңа жылдағы «Ит» бізге не жақсылық әкеледі? Ендеше, ортаға «тауық жылы мен ит  жылын» шақырайық.

Тауық:
Ит: – Сәлеметсіздер ме! Биыл менің де жылым келіп жетті сіздерге. Мен сіздерге бар жақсылықты әкелдім! Сіздерге қысқаша айтып өтейін. Биыл, жылан жылы, бұл жылы еліміз тыныш болады, ақ мол болады, ауа райы бір қалыпты жылы қалпында болады.
1-Жүргізуші: Рахмет тауық!
Тауық: Қош келдің, Жаңа жылым,
             Көп болар жаңалығың
              Саған жыл бақ сый еттім.
             Жаңа нұр күттім, досым,
             Жаңа жыл құтты болсын !
Жаңа Жыл: Туғызам айды бүгін
                 Әр күнім айбынды күн
                    Күлімдеп нұр шығады
                    Күншілдік тұншығады
                    Әкелдім бейбіт күнді
                    Ешбір жан болмас мұңды
2- Жүргізуші:
- Кел, төрлет, Жаңа жылым, құтты жылым,
Өзіңді бүкіл елім күтті бүгін
Қарсы алдық, сені еселі еңбекпенен
Жарқырап, әне алдымнан шықты күнім
Мен саған әнім менен гүл өрейін
Осы сәт кімге бақыт тілеймін.
Халқымның амандығы саулығы үшін
Көңілді бір көтеріп жіберейін.
Ойын: Ата-аналармен ойын

1. Сандықшадан сөздер алып, сол сөздерді мимикамен түсіндіріп жеткізеді, балалар оны табуы тиіс(алғыс айту, ұрысу, өкпелеу, ескерту, жақсы көру, шақыру, жылау)

2. Тағы да сөздер таратылады, ата-аналар сол сөздерге қатысты мақал-мәтелдер немесе ән орындап береді

3. Ойынға қатысқан ата-аналардың аяқтарына шар байланады. Музыка қойылып, ата-аналар билеп жүріп қарсыластарының шарын жарулары тиіс

Ән: Арысымның арулары

Би: флешмоб
Аяз ата: Ал, балаларым, біраз сендердің өнерлеріңді тамашаладық, бізді тағы да сендер сияқты балалар күтіп отыр, оларды да қуантайық. Мереке тамаша өтті, рахмет сендерге балалар. Енді сыйлығымызды алайық.
1-жүргізуші:Ал, Аяз ата, Ақша қар! Асығып тұрған секілдісіздер. Әрине, әлі де барар жер, басар тауларыңыз көп болғандықтан, сіздерді көп бөгемейік
Балалар: Сау болыңыз!!!
2-жүргізуші Қымбатты достар, қонақтар!
Міне, Жаңа 2018жыл да келді. Ал 2017 жыл біздің тарихымыздың бір бөлшегіне айналды. Жаңа жыл біздің әрқайсымыз үшін ең қуанышты да тебіреністі мереке. Біз алдағы күндерге артқан үмітімізді онымен тығыз байланыстыра отырып, жаңа жылдың міндетті түрде аса мол жарқын және бақытты күндер сыйлайтынына біздің барлық бастамаларымызға сенімді серпін беретініне сенеміз.
1-жүргізуші:
Жаңа жыл әр біріңіздің отбасыңызға жаңа нұр, жаңа шуақ, табыс пен береке, қуаныш пен мереке алып келсін. Әрдайым қажырлы қайратыңыздан күш, жылы жүздеріңізден нұр кетпесін. Жаңа жыл баршамыз үшін берекелі, мерекелі жыл болсын.
ЖАҢА ЖЫЛ ҚҰТТЫ БОЛСЫН !