Ашық сабақ "Қос сөздер" 4сынып

Батыс Қазақстан Облысы

Сырым ауданы Құспанкөл ауылы

Құспанкөл бастауыш мектебі

Журалиева Акнур Жумагелдиевна

Сабақтың тақырыбы: Қос сөздер

Сабақтың мақсаты: Сөйлемнің ішінен бір сөздің қайталануы арқылы және екі түрлі сөздің қосарлануы арқылы қос сөздерді табу. Оқушылардың топпен жұмыс істеулерін, логикалық ойлау қабілеттерін дамыту. Оқушыларды тапқырлыққа, ізденімпаздыққа тәрбиелеу.

Сабақтың типі: жаңа сабақты меңгерту

Сабақтың түрі: жарыс сабақ

Сабақтың әдіс-тәсілдері: түсіндіру, сұрақ-жауап, ой қозғау, топпен жұмыс

Көрнекілігі: кеспе қағаздар, дидактикалық ойындар

Сабақтың барысы

І. Ұйымдастыру бөлімі.

Психологиялық дайындық

Мақсатымыз білім – алу

Міндетіміз – еңбектену

5-ке қолды жеткізу

ІІ. Үй тапсырмасын тексеру

6-жаттығу.

ІІІ.Жаңа сабақ

Оқушыларды екі топқа бөліп,әр топқа шаблондар үлестіру.

1-топ. «Әріп» тобы

2-топ. «Дыбыс» тобы

Кейбір сөздер екі сөздің қосарлануы арқылы жасалады. Оларды қос сөздер дейміз. Жазуда қос сөздің арасына дефис (-) қойылады. Мысалы: қора-қора, бүгін-ертең, әке-шеше, үлкен-кіші, алыс-жақын.

ІҮ. Дәптермен жұмыс.

Күннің жадын жазу.

Терме диктант

Қос сөздерді теріп жазу.

Түйеқұс, ата-ана, үйір-үйір, қосаяқ, бала-шаға, алабота, анда-санда, Темірқазық, жалт-жалт.

Ү. Оқулықпен жұмыс.

1- жаттығу. Төмендегі күрделі сөздерді оқып, мағынасын түсіндір. Олардың қалай жасалғанын айт.

Алуан- алуан, бақа-шаян, үлкен-кіші, жап-жақсы, оқта-текте, былқ-сылқ, бүгін-ертең, көре-көре.

2- жаттығу. Сөйлемдерді оқып, көшіріп жаз. Қос сөздердің астын сыз.

1.Қазы-қарта, жал-жая қазанда бұрқ-бұрқ қайнайды. 2.Үйге кірмеген жігіт-желең, кәрі-құртаңдар – өз алдына бір топ. 3.Балконның есігін ашып еді, еденге тыпыр-тыпыр етіп жатқан әлдебір құсты көрді. 4.Арбамыз толған азық-түлік, киім-кешек, құрал-сайман еді. 5. Бақа шыбын-шіркей, құрт-құмырсқаны тілімен қағып жейді.

Кеспе қағаздармен жұмыс

1-тапсырма

Өлеңнен қос сөздерді тап.

Көк құтандар көлбеңдеп

Көтеріле алмайды

Жалғыз- жалғыз ербеңдеп

Көк қояндар зулайды.

2-тапсырма.

Мақалдан қос сөздерді тап.

Көре-көре көсем болады,

Сөйлей- сөйлей шешен болады.

3-жаттығу. Суретке қарап, заттардың атауларын қос сөзбен айт. Осы сөздерді қатыстырып, сөйлемдер құрастырып жаз.

Ыдыс-аяқ, құрал-сайман, газет-журнал

4-жаттығу. Төмендегі сөздерді мағынасына қарай өзара үйлесімді сөздермен тіркестіріп, қос сөз жаса. Қос сөздің мағынасын құрамындағы сөздердің жеке тұрғандағы мағынасымен салыстырып, өзгешелігін айт.

Ү. Жұмбақтар сайысы.

1.Қабат-қабат киінген

Төбеден шашы түйілген

Жеп көріп ем өзінен

Жас шығарды көзімнен (пияз)

2.Жерге тырс-тырс тамады,

Сайға қарай ағады.

Шешуін кім табады? (жаңбыр)

ҮІІ. Ой-толғаныс.

Үйрендік

Қос сөздер

Ережесін айту. Мысалы: қора-қора, бүгін-ертең, әке-шеше, үлкен-кіші, алыс-жақын.

ҮІІІ. Үйге тапсырма беру.

5-жаттығу, ереже жаттау.

ІХ. Бағалау.

Жеңген топты марапаттау.

Сабаққа араласқан оқуларды бағалау.