Күні: 13.02.2025 ж
Тақырыбы: «Қыс қызығы»
Мақсаты: Қыс мезгілі туралы түсінік қалыптастыру. Қысқы табиғаттың ерекшеліктері мен әсемдігін балаларға таныстыру. Балаларды шығармашылық жұмыс жасауға ынталандыру.
Оқу қызмет түрі: Кіріктірілген іс-әрекет
Әдіс-тәсілдері: сұрақ-жауап, түсіндіру,көрсету

Ұйымдастыру бөлімі:
Музыка ырғағымен бағыттар бойынша секіру. (Дене шынықтыру)
(Шеңбер бойымен балалар орналасады)

-Сәлемдесу және қыс туралы сұрақтар
(қар лақтыру арқылы)
Балалар қыс туралы өздерінің ойларын айтып, сабақтың тақырыбына қызығушылық танытады.

-Жарайсыңдар!керемет жауап бердіңдер. «Сұрақ саған, жауап маған» ойыны арқылы миға шабуыл жасадық.
-Енді сендерге жұмбақ жасырамын.
Шелек қалпақ басында,
Сәбіз екен танауы
Қыста қардан туатын
Тауып көрші сен оны?
(Аққала)
Тосын сәт
(Аққала келеді)

Аққала: Сәлеметсіңдерме ! Балақайлар мені таныған боларсыздар.Мен Аққаламын.Маған сіздердің шұғыл көмектерің керек. Маған тез арада жапалақтап қар жауғызсаңыздар. Себебі қар жауса жапалақтап балалар қардан аққала жасайды.Сосын менің достарым көбейеді.
Тәрбиеші: Ендеше аққалаға көмектесіп көрейік. Ол үшін біз әуелі топқа бөлініп алу керекпіз. Топ болып ұжымдық жұмыс жасаймыз.
(Жұмыс түрімен таныстыру. Дәстүрден тыс сурет салу арқылы)

-Рахмет балалар қане бәріміз жапалақтап жауған қарды тамашалайық.
(тосын сәт жапалақтап қар жауады)

Аққала: Рахмет балалар! Сендердің арқаларында жапалақтап қар жауды. Балалар шат шадыман ойнайтын болды.
Тәрбиеші: Аққала сағанда рахмет! Саған арналған көңілді әнімізді тыңда!
Хор: «Аққала»
Аққала: Рахмет балалар! Балалар ұмытып бара жатырмын, сендерге арналған хат бар. Сендерге келе жатқан жолда тауып алдым. Сыртында «Алақай» тобына деп жазылған.
Тәрбиеші: Мәссаған кімнен болды екен. (хатты оқиды)
Балалар бізді «Қыс қызықтары» деп аталатын зертханаға тәжірибе жасауға шақырып жатыр. Ол жаққа бару үшін ең әуелі тапсырмалар орындау керек екенбіз. Тапсырмаларды орындап зертханаға барғыларың келеме?

1-топ: «Қыс кереметі» тақырыбында тапсырма (әлеуметтік –эмоционалды дағдыларды қалыптастыру)
2-топ: «Мақал –мәтел жалғастыр» (коммуникативтік дағдыларды дамыту)
3-топ: «Пішіндерді сәйкестендір» (танымдық және зияткерлік дағдыларды дамыту)
4-топ: «Аққаланы әсемде» (балалардың шығармашылық дағдыларын ,зерттеу іс-әрекетін дамыту)

Аққала: Жарайсыңдар балалар! Тапсырмалаларды дұрыс орындадыңдар! Зертханаға баратын жолдың картасы. Келесі кездескенше сау болыңдар!
Тәрбиеші: Балалар зертханаға баратын жолдың картасына қарасам ол жаққа баратын жол қараңғы екен. Жарық шамдарын пайдаланып зертханаға барайық.
(Балалар зертханаға барады)

Зертханашы: Зертханаға қош келдіңдер! «Қыс қызықтары» атты тәжірибе жасауға сендерді шақырдым. Келгендеріне рахмет!
Мен сендерді бекер шақырмадым.Сендер үнемі таза ауаға шығып қармен көп ойнайсыңдар. Осындай таза ауада шыныққан балаларға қардан қандай керемет тәжірибелер жасауға болатынын көрсеткім келді.
(видеоролик көрсету)

Зертханашы: Топқа бөлініп тәжірбиемізді бастайық
1-топ: « Қардан бейнелер жасау»
2-топ: «Қарды бояу »
3-топ: «Мұзды қалашық»
4-топ: «Тосын сый»

Жарайсыңдар! Керемет орындадыңдар!
Сергіту сәті « Оюлар»

Зертханашы: Зертханаға уақыт бөліп келгендеріне рахмет! Тәжірибе жасағанымыз ұнады деген ойдамын. Келесі кездескенше сау болыңдар!

Қорытынды: Бұл тәжірибелер балабақшадағы балаларға қыс мезгілінің ерекшеліктерін таныстырып, ғылыми әдістерге қызығушылықтарын арттыруға көмектеседі. Тәжірибелер барысында балалар табиғаттың қызықты құбылыстарын бақылап өздігінен қорытындылар шығара алады.

Ашық сабақ балаларға қыс мезгілінің ерекшеліктерін түсіндіруге,табиғаттың өзгерісін бақылауға және шығармашылықпен жұмыс істеуге мүмкіндік береді.

«Ақтөбе қаласының білім бөлімі» ММ
№43 «Гүлдәурен» балабақшасы МКҚК

«Бекітемін»
№43 «Гүлдәурен» балабақша
меңгерушісі:

Шокпарова К.Т

Ашық ұйымдастырылған іс-әрекеті
Тақырыбы: «Қыс қызығы!»
«Алақай» ересек тобы

Тәрбиешілер:Сағынтаева А.Ж.
Мұратова Г.М.

2025 оқу жылы