Ашық сабақ "Қысқы киімдер"

Сабақтың тақырыбы: Қысқы киімдер

Нұралы Лаззат Қонақбайқызы,

Қызылорда облысы, Шиелі кенті,

№ 3 Облыстық балалар оңалту

орталығының психологы

Сабақтың мақсаты:

Білімділік: қыс мезгілімен таныстыра отырып, қыстық киімдердің ерекшелігін түсіндіру.

Түзете-дамытушылық: балалардың сөздік қорын молайтып, ұсақ маторикасын дамыту.

Тәрбиелік: тазалыққа, әсемдікке , әдептілікке тәрбиелеу.

Көрнекіліктер: сюжетті суреттер, жабысқақ құрастырғыштар, ермексаз.

Сабақ барысы.

Ұйымдастыру кезеңі.

Ынталандыру. Сезімді ояту.
1. Психологиялық сәт:
Балалар сіздердің көңіл - күйлерін қалай?
- Сендер көңілді болғанда не істейсіңдер?
- Ренжігенде ше?
- Қорыққанда?
- Таң қалғанда ше
- Қуанғанда ше?
Сұрақтарға жауап алу.
- Бүгін қандай күн?
- Ауа райы қандай?
- Жылдың қай мезгілі?
- Қыс мезгілінде қалай киінеміз?
Біздің сабаққа қонаққа қуыршақ Айгүл келіп отыр. Ол жай келген жоқ. сандығы толы киімдерімен келіпті.
Сендер мұқият қараңдаршы, Айгүл қандай киімдер киіп келіпті?

– Балалар, Айгүл сендерге бірнеше киімдер ала келіпті. Қазір Айгүлдің сандығын ашып, сендерге ішіндегі киімдерді таныстырамын, мұқият тыңдаймыз.

«Қыстық киімдер»

Балалар, қазір қыс мезгілі . Жыл мезгілдерінің ішінде ең суық мезгіл ол қыс. Қыста күн суық болып, көп қар жауады, жер ақ түске оранады. Қыс мезгілінде кун қысқарып , түн ұзарады . Өзен-көлдерге мұз қатады. Адамдар жылы, қалың қыстық киімдерін киеді. Қыстық киімдерге қандай киімдер жататынын білесіңдерме ?

-Мынау –қалпақ. Қалпақты біз басымыз, құлағымыз тоңбас үшін басымызға киеміз .Ал мынау- калың күрте. Оны үстімізге киеміз,ол өте жылы болады. Мынау – етік . Етікті аяғымыз тоңбас үшін аяғымызға киеміз. Ол қалың болғандықтан аяғымызға ызғар өтпейді. Ал мынау – қолғап . Қолғапты біз қолымызға киеміз

Киімдерді ұқыпты киіуіміз қажет, сонда ол әрқашанда жаңа, әрі әдемі болып тұрады.

«Балаларға арналған киім дүкені» деген мазмұнды сурет бойынша әңгіме құрастыру.
Пима – жүннен басылған қысқы аяқ киім.
Тон – қой терісінен иленген, жылы сырт киім.
Ішік – іш жағы аңның терісінен тігілген.
Сергіту сәті
Тоңса біздің қолымыз
Қолғапты киіп аламыз
Сарт - сарт - сарт
Шапалақты соғамыз
Тоңса біздің аяғымыз
Етікті киіп аламыз
Топ - топ - топ
Топылдатып билейміз
«Кім тапқыр» ойыны.

Мақсаты: Баланың қабылдауын, зейінін дамыту.
Шарты: Берілген киімдер суреті ішінен қысқы киімдерді қоршау.
Сергіту сәті
Шығу үшін шымыр боп,
Шынығамыз шаршамай
Бұлшық еттер шымыр боп,
Аламыз сосын тыныс жай.
Топтастыру. Д/о: «Қуыршаққа қысқы киім кигізу»

Ойын мақсаты: Баланың есте сақтау, қабылдау, ойлау қабілеттерін дамыту, зейінін тұрақтандыру.

Шарты: Қысқы киімдердің бөліктерін құрастыру: тон, қолғап, малақай, етік, мойын орағыш.

Киімдердің суретін бояу

Тапсырманың шарты: Балаларға суреттер беріледі . Бейнеленген кімдердің ішінен қысқы киімдердің суретін бояу .

Тапсырманың мақсаты: балалардың ұсақ қол маторикасын дамыту, түстерді ажырата білуге уйрету, зейінін тұрақтандыру.

«Киім жасайық» пластилинография әдісі бойынша.

Тапсырманың шарты: ермексазбен киімдер жасап, қағаз бетіндегі баланы киіндіру.

Тапсырманың мақсаты: Баланың ойынға қызығушылығын арттыру, ұсақ қол моторикасын дамыту.

«Үндемес киімдер» ойыны

Ойын мақсаты: Баланың қабылдау деңгейін, қарым-қатынасын, эмоциясын арттыру.

Ойын шарты: педагог киім суреті бейнеленген карточканы көрсеткенде, балалар киімнің қай дене мүшесіне киілетінін ым-ишаратпен, сипаттап көрсетіп, білдіру қажет.