Ашық сабақ "Р" дыбысын буында, сөзде бекіту 1-сынып

Сабақтың тақырыбы: «Р дыбысын бекіту»
Сабақтың мақсаты:
1. Фонематикалық қабылдауын дамыту
2. Артикуляциялық моторикасын дамыту
3. Сөйлеу тілін дамытып, анық дұрыс сөйлеуге үйрету .

Сабақ барысы:

1.Ұйымдастыру кезеңі

Сәлеметсіздер ме, балалар! Қонақтармен амандасамыз.

• Балалар, қазір қандай жыл мезгілі?

• Қыс (балалар жауап береді)

• Қыста не жауады?

• Қар (балалар жауап береді)

• Кәнеки, балалар, алдымызда жатқан қар ұлпаларын үрлейік. Мұрнымызбен демді алып, аузымыздан ауаны шығарамыз.

• Жарайсыңдар, балалар!

• Қыста ауа-райы қандай болады?

• Суық (балалар жауап береді)

• Күн суықта біздің қолдарымыз тонып қалады. Тонып қалған қолымызды жылытайық. Аузымызбен демді алып, аузымыздан ауаны шығарамыз.

• Жақсы балалар жылынып алдық.

2.Артикуляциялық жаттығу

«Күрекше» – жалпақ тілді шығарып, астыңғы ерінге ұстап тұру керек.

«Кесе» - ауыз кең ашық. Жалпақ тілді жоғары тіске қарай көтеріп 10-15 секунд ұстап тұру керек. Бірақ тіл тіске тимеуі керек.

«Тізімізді тазалаймыз» - Бала, ерінің күлген секілді жасап, тілімен төменгі тістерінің ішкі жағынан,  сосын үстіңгі тістерін тазалағандай қимылдар жасату.

«Тоқылдақ» – ауызды кең ашып тілдің ұшымен жоғарға альвеолоға немесе таңдайға жиі-жиі соғылғандай қимыл жасау керек – д-д-д.

3.Суреттерге қарап, бүгінгі сабақтың тақырыбын ашу. Бірнеше суреттер көрсетіледі, бірінші дыбыстарын айту.

«Р» дыбысы дұрыс шығуы үшін «Р» дыбысының артикуляциясына назар аударамыз.

-ерін аздап дөңгеленіп тұрады.

-жоғарғы, төменгі тістер арасы алшақ келеді.

-тілдің ұшы қатты таңдайға көтеріледі.

-тіл мен таңдай арасында ауа толқын еркін өтеді.

-тілдің шет жақтары азу тістерге жабысып тұрады.

-жұмсақ таңдай көтеріңкі жұтқыншақтың артқы қабырғасына жабысып, ауаны мұрын қуысына өту жағын жауып тұрады.

-дауыс шымылдықтары қатайып бір-біріне жақындап, діріл арқылы дыбыс шығарады.

-ауа ағысы дем шығару сәтте ауыз қуысына толып, қатайып тұрған тіл ұшын қозғалтып дірілдетеді.

4.Сурет бойынша жұмыс жасау.

-Иттің ырылдауын келтіру(қатты). –Күшіктің ырылдауын келтіру(ақырын)

-Трактор дүрілдеуі(қатты). –Машина дүрілдеуі(ақырын)

5. Сергіту сәті. Видео

6. Балалар, біздің күннің көзінің шуақтарын бұлт басып кетіпті. Бұлттар кету үшін мына тапсырманы орындау керек. «Р» дыбысын буында және сөзде дұрыс айту.

Ра-ра-ра ар-ар-ар ра-ра-ра-ара

Ро-ро-ро ор-ор-ор ор-ор-ор-бор

Ри-ри-ри ир-ир-ир ри-ри-ри-сори

Ру-ру-ру ур-ур-ур ру-ру-ру-бару

Біз тапсырманы орындадық, бұлттар кетіп, күннің көзінің шуақтары ашылды.

7. «Ойлан тап» ойыны. Сөз ойлап табу.

Ра - тара, қара, дара, ара.

Ар – қар, тар, жар, шар.

Ор – бор, тор, қор.

Ры –тары, сары

8. Музыкалық жаттығу.

Балалар музыка мұғалімімен айтады.

Бра-бра-бра (минус)