Ашық сабақ "Салақтық"2-сынып

Сабақтың тақырыбы: Ы.Алтынсарин. Салақтық.

Сабақтың мақсаттары:

1.Білімділігі:

Оқушыларды Ы.Алтынсариннің өмірі және шығармашылығымен таныстыру.Әңгіменің мазмұны мен идеясын ашу.

2.Дамытушылығы:

Оқушылардың сөздік қорын, сөйлеу тілін дамыту.Өз бетінше қорытынды жасауға, өз ойларын ашық айтуға үйрену.

3.Тәрбиелігі

Оқушыларды бірлесе жұмыс жасауға, бір-бірінің пікірін тыңдауға тәрбиелеу.Жақсы, жаман қасиеттерді ажырыта білуге, жақсы қасиеттерді үйреніп ,жаман қасиеттерден аулақ болуға тәрбиелеу.

Сабақтың типі:

жаңа сабақты игеру

Сабақтың көрнекілігі: Ы.Алтынсариннің суреті, тірек сызбалар,кестелер, а-4 форматындағы қағаз, оқулық.

Сабақтың барысы:

1.Ұйымдастыру кезеңі.

Психологиялық дайындық

Ана тілің - арың бұл,

Ұятың боп тұр бетте.

Өзге тілдің бәрін біл

Өз тіліңді құрметте!

2.Үй тапсырмасын сұрау.

Оқушылардың «Қадірлі әкелерім, мейірлі аналарым» бөлімінен алған білімдерін байқау.

1-топ «Татулық» тобы өздерінің ана жайлы өлең, тақпақтарын айтады.

2-топ «Достық» тобы әкелері жайында шығармашылығын оқиды.

3-топ «Бірлік» тобы ата-әжелері жайлы тақпақтар айтады.

3.Жаңа сабақ.

Балалар «Мақал - сөздің мәйегі» дегендей мақал-мәтел жарысын өткізейік.

Мақал-мәтелдерде адам бойындағы қандай қасиеттер жайында айтылады?

Адам бойындағы жақсы-жаман қасиеттер жайында.

Ендеше адам бойындағы жақсы-жаман қасиеттерді атап көрейік.

Оқушыларды Ы. Алтынсариннің өмірі және шығармашылығымен таныстыру

Ендеше, бүгін Ы.Алтынсарин атамыздың «Салақтық» әңгімесін оқып, мазмұнымен таныстыру.

Мәтінді үш бөлімге бөліп, топтарға оқытып, әңгімелету.

Балалар салақтық дегенді қалай түсіндік? Сызбаға түсірейік.

Балалар салақтық сөзіне қарама-қарсы қандай сөз? «Тазалық» сөзі. «Тазалық-денсаулық кепілі»

2012 жылғы 15 желтоқсандағы Н.Ә.Назарбаевтың «Қазақстан -2050 стратегиясы - қалыптасқан мемлекеттік жаңа саяси бағыты» атты жолдауынан үзінді.

Ұлт денсаулығы – біздің табысты болашағымыздың негізі. Біз балаларымыздың денсаулығын қамтамасыз етуге жаңа тәсілдер енгізу мәселесімен жұмыс жүргізуіміз қажет,

«Сөз құрастыр» ойынын ойнайық.

1-топ «Салақтық» сөзіне

2-топ «Тазалық» сөзіне

3-топ «Денсаулық» сөзіне

Берілген сөздер ішінен жаңа сөз құрайды, жариялайды.

4.Сабақты қорытындылау.

Балалар, осы қасиеттер жайында қандай өлең –тақпақтар білеміз?

Салақтық және тазалық сөздерін Т-кестесіне түсіру

Салақтық Тазалық

Кір болу Жуынып жүру

Лас жүру Таза жүру

Ауруға Денсаулық

ұшырау Спортпен шұғылдану

• Балалар бүгінгі сабақ ұнады ма?

• Бүгін біз не үйрендік?

5. Бағалау

6.Үйге тапсырма: Ы.Алтынсаринның «Салақтық» әңгімесін түсініп оқу