Сабақтың мақсаты: Оқушыларды оймен ,не болмаса сөзбен тірі жанға зиян келтірмеуге тәрбиелей отырып , «Қиянат жасамау » құндылық ретіндегі мәнін ашу.

Міндеттері:

Білімділік:

Оймен ,не болмаса сөзбен тірі жанға зиян келтірмеудің қарым –қатынастағы мәні туралы түсінік беру.

Дамытушылық:

Әлеуметтік әділеттілік іскерліктерін дамыту.

Тәрбиелік:

Жақсы азамат болуға тәрбиелеу .

Ресурстары:

Слайд,видеоролик, суреттер, бейнетаспа, ватман, маркерлер.

Сабақтың барысы:

«5 Т» ережесін есте сақтау

1.Ұйымдастыру кезеңі: Тыныштық сәті.

«Нұрға бөлену».

Ыңғайланып отырыңыздар, денелеріңізді түзу ұстаңыздар. Аяқ -қолыңызды айқастырмаңыз, қолыңызды тізеге немесе үстелге қоюға болады. Көздеріңізді жұмуларыңызды өтінемін.
Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын таза, әсем гүл сіздің әр ойыңызды, әр сезіміңізді, эмоцияңызды тілек қалауыңызды шайып, жүрегіңіздің қауызын ашты.
Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Ой мен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, тек ізгі істерді істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.
Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көзімізге де жетті. Көзіміз тек жақсыға қарап, бәрінен жақсылықты ғана көреді.

Сіздің басыңыз түгелдей нұрға бөленіп, басыңызға тек ізгі, сәулелі ой келеді.
Нұр бірте - бірте қарқынды және шұғылана бастайды, сіздің денеңізден шығып, жан - жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз. Олардың да жүрегі нұрға толсын.
Осы нұр бүкіл әлемге: барлық адамдарға, жан - жануарларға, өсімдіктерге, тірі жанға таралсын... Ғаламның барлық түкпір - түкпіріне нұр бағыттаңыз.

Ойша айтыңыз: «Мен нұрлымын... Нұр менің ішімде... Мен Нұрмын»
Осындай Нұр, Махаббат және Тыныштық күйінде отыра тұрыңыз...
Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.Жаймен көзіңізді ашуға болады.

2.Үй тапсырмасын тексеру.

Оқулықтағы А.Самиғоллаұлының «Ойлан, достым...» атты әңгімесін оқып келуге берілген болатын.

1.Жангүл қайдан келді?

2.Ол қандай қыз?

3.Жандос Жангүлді қайда шақырды?

4.Жангүл неліктен өзін басқа танымайтын адамдардың ортасында отырғандай сезінді?

5.Жангүлге сыныптастары қандай ұсыныс тастады?

6.Жұпар Жангүлге не ұсынды?

7.Жангүл достарына қандай ой салды?

8.Шылым шегу,ішімдік ішудің адамға, адам өміріне тағы қандай зияндығын білесіздер?

3.Дәйексөз

«Дені сау адам-табиғаттың ең қымбат жемісі»

Т.Карлейль

Ағылшын публицисті,филосов және тарихшы.

1.Дәйексөзден қандай ой түйдіңдер?

2.Неліктен дені сау адамды табиғаттың жемісіне теңейміз?

3.Денің сау болу үшін не істеу керек?

4.Оқиға айту.Бейне ролик «Темекінің зияны» .

1.Темекі дегеніміз не?

2.Темекінің денсаулыққа қандай зияны бар?

3.Темекі шеккен адам қандай жағдайға душар болады?

4.Темекі шекпеу үшін не істеу керек?

5.Саған біреу темекі шегуге ұсыныс жасаса не істер едің?

5. Шығармашылық жұмыс.

Топқа біріктіремін. (Алма,банан,мандарин,груша суреттері)

I топ: «Денсаулықтың қастары» (топтастырады).

II топ: «Денсаулықтың достары» (топтастырады)

ІІІ топ: «Денсаулық-зор байлық »мақал-мәтел жазады.

ІV топ: «Салауатты өмір салты» (сурет салады)

6 .Топпен ән айту. С.Ибрагимов «Жаяу»

Сөзі мен әні:С.Ибрагимов

Жаяу жүре білсен,

Өмір сүре білсен,

Қадамды алшақ басып ойың самғасын.

Көлікке мінбеймін, 

Поезбен жүрмеймін,

Ұшақта ұшпасамда аяқталмасын .

Жаяу алыс емес тауында,

Баяу мен жетемін ауылға.

  Қайырмасы:

Қалада да да мен келемін жаяуда

Жүрек дүрс дүрс дүрс дүрсілдеп қағуда

Бағына на надауыл мен суық жауынға 

Тамаша табиғат жаяу жүр жауында

 Бақытқа мас күйде

Мінбеймін таксиге

Пайдалы денсаулыққа, жаяу кетемін

Көшенің жетегін, ойланып өтемін

Асықпай арманымды қуып жетемін

Жаяу алыс емес тауын да

Баяу мен жетемін ауылға

  Қайырмасы:

Қалада да дакелемінжаяуда

Жүрек дүрс дүрс дүрсілдеп қағуда

Бағына на надауыл мен суық жауынға 

Тамаша табиғат жаяу жүр жауында

Жаяу жүресінбе?

Ойнап күлесінбе?

Аяғын сүрінбесін

Ашық жолында

Сабылып нетесін

Жаяу ақ жетесін

Жүздерің күлімдесін бәрі қолында

  Қайырмасы:

Қалада да дакелемін жаяуда,

Жүрек дүрс дүрс дүрс дүрсілдеп қағуда.

Бағына на надауыл мен суық жауынға ,

Тамаша табиғат жаяу жүр жауында

 Қайырмасы:

Қалада да дакелемін жаяуда

Жүрек дүрс дүрс дүрс дүрсілдеп қағуда.

Бағына на надауыл мен суық жауынға 

Тамаша табиғат жаяу жүр жауында

7. Үй тапсырмасы.

1.Дәптермен жұмыс.Өзінің күн тәртібін жасау.

2.Келесі сабақ №3 Оқулықтағы Р.Пернеханқызының «Қателіктің арты өкініш» атты әңгімесін оқып келу.26-28 бет.

8.Соңғы тыныштық сәті:

Бүгінгі сабақтан игерген жақсы қасиеттерді бойларыңызға сіңіріп, жүректеріңізге түйіп алыңыздар.

Пайдаланған әдебиеттер.

«Өзін-өзі тану» мұғалімге арналған мәдістемелік

Мұқажанова Р.Ә ,Омарова.Г.А

Қазақша әндер жинағы.

Бейнеролик

Самопазнание.кz ғылыми әдістемелік журналы. №6 49 бет