Ашық сабақ Сан есім 2 сынып

Сакипкалиева Аида Ермековна

«Алмалы ОЖББ мектебі» КММ

Бастауыш сынып мұғалімі

Қазақ тілі 2 сынып

Сабақтың тақырыбы: Сан есім

Сабақтың мақсаты: 1. Оқушылардың сан есім туралы білімдерін тереңдете отырып,
сөз таптары туралы білімдерін бекіту.
2. Ойлау белседіліктерін, шығармашылық қабілеттерін дамыту.
3. Әдемі, көркем жазуға баулу.

Көрнекіліктер: суреттер, семантикалық карта, тест тапсырмалары.
Әдісі: ауызша, жазбаша, сұрақ - жауап
Түрі: жаңа сабақ

Сабақтың барысы:
І. Ұйымдастыру кезеңі

ІІ. Топқа бөлу. (бірлік, ондық, жүздік)

• Балалар, қазақ тілі сабағымызға қонақтар келіп отыр,қонақтарға өзіміздің білімімізді көрсетіп, белсене қатысайық.

Психологиялық дайындық

Үлкенге де Сіз

Кішіге де Сіз.

Сәлембердік сіздерге,

Құрметпенен біз.

ІІ. Үй тапсырмасын тексеру.

3-жаттығу, 183 бет. Сұрақтарға жауап бер.

Өткен материалды «Иә, жоқ» ойыны арқылы пысықтау.
Ойынның мақсаты: Тез ойлауға, шапшаңдыққа баулу.
Ойынның шарты: Өтілген сөз таптарына байланысты сұрақтар қою. Егер сұрақ дұрыс болса, «иә» деп, дұрыс емес болса «жоқ» деп жылдам жауап беру керек.

Мысалы,

Сын есімнің сұрақтары Қандай? Қай? (иә),

«Ұқыпты» сөзі етістікке жатады (жоқ).

Бала, оқушы, ана, торғай сан есім? (жоқ)

Сан есімнің сұрақтары Неше? Нешінші? Қанша? (ия)

Он жеті күрделі сан есім бе? (ия)

Оқып отыр күрделі етістік? (ия)

Етістіктің сұрақтары Кім? Не? (Жоқ)

Жүзіп жүр дара етістік пе? (жоқ). сұрақтар қойылады.

Жаңа сабақ.

Қызығушылықты ояту. «Кім тапқыр?»

Мақал –мәтелдегі көп нүктенің орнына керекті сөздерді қою.

1. .... теңген болғанша, ... досың болсын. (жүз)

2. Білекті ... жығады, білімді ... жығады. (мыңды, бірді)

3. Жігітке ....өнер де аз. (жеті)

4. ... ауыз сөздің тобықтай түйіні бар. ( тоқсан)

Бұл сөздер қай сөз табына жатады?
Ендеше сан есім туралы білетінімізді еске түсірейік.

1 топ. Топтастыру. Ішінде сан есімдері бар мақал –мәтелдер айту.

2 топ. «Сан есім» Топтастыру

3 топ. Ж әрпінен басталатын сандар жазу.

Оқулықпен, дәптермен жұмыс

Дәптерімізді ашайық күннің жадын және мен жасырған жұмбақ жауабын көркем етіп жазайық.

Көркем жазу.

Бесте бар,

Баста жоқ.

Бұл қандай әріп (Е)

Е е Е е Е е Е е Е е Е е Е е Е е

Бес Бес Бес Бес

Сергіту сәті.

Оқулықпен жұмыс.

1 топ. 1-жаттығу. «Сен білесің бе?» Мәтінді түсініп оқы. Сөйлемдегі цифрларды сөзге ауыстырып, мәтінді көшіріп жаз. Екі сөзден тұратын сан есімнің астын сыз.

2 топ. 3- жаттығу. Берілген сан есімдерді зат есімдермен тікестіріп жаз. Осы сөздерді қатыстырып, бірнеше сөйлем құрастыр.

Жеті, үш, отыз, төрт, мың, тоқсан, жиырма бір.

3 топ. 4 –жаттығу.Цифрларды сөзге айналдырып, сөйлемдерді көшіріп жаз.

Қорытындылау.

1 топ. Орны ауыстырылып берілген сөздерден сөйлем құрап жаз. Заттың санын білдіретін сөздерді тап.

Айгүл сыйлады үш кітап Асанға. 42 әріп бар қазақ әліпбиінде.

2 топ. Семантикалық карта.

Сөздер	Зат есім	Сын есім	Сан есім	Етістік
Доп	+
Қызыл		+
Төрт			+
Ойнап жүр				+
Қоян	+
Пісірді				+
отыз			+
Оқушы	+

3 топ.

«1 тақырып туралы 10 идея» әдісі

Мысалы; сан есім туралы 10 ақпарат жазуға болады. Тиімділігі толық ақпарат жинайды.

Бағалау.

Үйге тапсырма: 2 жаттығу. 185 бет