Ашық сабақ "Сәндік-қолданбалы өнер түрлері"

Алматы облысы,

Қарасай ауданы

Шамалған станциясындағы

қазақ орта мектебі

Байманова Сара бейнелеу пәні мұғалімі

Сабақтың тақырыбы: Сәндік қолданбалы өнер түрлері

Сабақтың мақсаты:

Білімділік – Оқушыларды сәндік қолданбалы өнер түрлерімен таныстыру. Қазақ халқының мәдениетін, өзіне тән әдет – ғұрпын меңгерту. Сәндік қолданбалы өнер түрлерін салу арқылы қолды жаттықтырып, оқушылардың шеберлігін ұштау, түсті ажырата білу дағдыларын жетілдіру.

Дамытушылық – Оқушылардың теориялық білімдерін іс жүзінде шығармашылықпен дамыту. Сәндік қолданбалы өнер түрлері туралы алған білімдерін, дағдыларын нығайту. Есте сақтау, көрегендік қасиеттерін, шығармашылық қабілеттерін дамыту.

Тәрбиелік – Эстетикалық тәрбие беру, ұйымшылдыққа, еңбек сүйгіштікке тәрбиелеу. Ұлттық құндылықтарымызды қадірлеп, халықтың өнерін, салт – дәстүрін бағалай білуге, құрметтеуге тәрбиелеу.

Сабақтың көрнекілігі: Буклеттер, интерактивті тақта, слайдтар, фотосуреттер.

Сабақтың түрі: Дәстүрлі емес

Сабақтың әдісі: Сұрақ – жауап, түсіндіру

Пәнаралық байланыс: технология, тарих, математика

Сабақтың барысы:

І. Ұйымдастыру кезеңі.

1. Сәлемдесу

2. Оқушылардың сабаққа қатынасын тексеру

3. Сабаққа дайындықтарын тексеру

ІІ. Үй тапсырмасын тексеру.

Топтардан үй тапсырмасын сұрау

І - топ. Мүсін өнері

ІІ - топ. Мүсін өнерінің түрлері

ІІІ - топ. Монументті - сәндік және шағын пішінді мүсіндеу

ІV - топ. Қазақстанның ежелгі мүсін өнері

ІІІ. Жаңа сабақ

Қазақ халқының сәндік қолданбалы өнерінің көп ғасырлық тарихы бар. Халық қолөнерінің бай мұралары бүгінгі күннің алтын қорына айналып отыр.

Халықтың мәдени дәрежесі өскен сайын ұлттық қолөнердің озық үлгілері әлемдік мәдениеттен де өз орнын алды. Қай халықтың болса да тұрмыс – тіршілігіне қажетті әдемі бұйымдар мен заттарды дүниеге әкелген қолөнері болды. Солардың ішінде біздің қазақ халқы қолөнерінің дамуы өзінше ерекше.

Сәндік қолданбалы өнер деп тек қана практикалық жағынан емес, эстетикалық мәні жағынан да маңызды дайындалған және көркем жасалған өндірістік немесе қолөнер арқылы өмірге келген көркем туынды жасауды айтады. Сәндік қолданбалы өнер заттары көбіне ұлттық сызбалармен көзге түседі. Осы арқылы біз халқымыздың ерекшелігін көре аламыз. Әрбір зат тек әшекей ретінде ғана қолданылмайды. Сондай – ақ шебер өзінің дүниетанымын, өмірдегі құбылыстар туралы көзқарасын білдіріп, эстетикалық талғамы мен шеберлігін көрсете алады.