Ашық сабақ Сәулесімен санаңның, жігерленсін талабың 7 сынып

Сабақ мақсаты: оқушыларға адамгершілік қасиеттерді ұғындыру арқылы,дұрыс әрекет құндылығының мәнін ашу.

Сабақтың міндеттері:

Білімділік- Оқушыларға дұрыс әрекет құндылығы туралы түсінік беру,оның адам өміріндегі маңыздылығын ашып көрсету;

Дамытушылық –оқушыларды талапкерлік,сенімділік қасиеттеріне баулу;

Тәрбиелік-оқушыларды талапкерлікке,жауапкершілікке,сенімділікке тәрбиелеу.

Ресурстар: оқулық,дәптер,түрлі-түсті қағаздар,үнтаспа,

Сабақ барысы:

1.Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуды тексеру.

5 Т ережесін еске түсіру.

1.Тәртіп

2.Талап

3.Тыныштық

4.Тазалық

5.Татулық

2.Тыныштық сәтi. « Нұрға бөлену ».

Ыңғайланып отырыңыздар, денелеріңізді түзу ұстаңыздар.Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елесететіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Барлығы және таза әсем гүл сіздің әр ойыңызды, әр сезіміңізді,эмоцияңыз бен тілек-қалауыңызды шайып,жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз.Ол бірітіндеп күшейе түсуде.Оймен осы нұрды қолдарыңызға түсіріңіз.Сіздің қолдарыңыз нұрға бөленіп, сәуле шашуда.Қолымыз тек жақсы,ізгі істер істейді және баршаға көмектеседі.Нұр аяқтарыңызға тарады.Аяқтарыңыз нұр сәулесін шашуда.Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды.

Одан әрі нұр сіздің ауызыңызға,тіліңізге тарады.Тіліңіз тек шындықты және жақсы,ізгі сөздер ғана айтады.Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздеріңізге де жетті, көзіміз тек жақсыға қарап, бәрінен жақсылықты көреді. Сіздің басыңыз түгелдей нұрға бөленніп, басыңызға

тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңыздан сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз.Нұрды уақытша түсініспей,ренжісіп жүрген адамдарға да бағыттаңыз,олардың да жүрегі нұрға толсын.Осы нұр бүкіл әлемге:барлық адамдарға,жан-жануарларға,өсімдіктерге,барлық тірі жанға таралсын....Ғаламның барлық түпкір-түпкіріне нұр бағыттаңыз.Ойша айтыңыз:"Мен нұрлымын...Нұр менің ішімде...Мен Нұрмын" Осындай Нұр,Махаббат және Тыныштық күйінде отыра тұрыңыз....

Енді осы Нұрды жүрегіңізге орналастырыңыз.Нұрға толы бүкіл әлем сіздің жүрегіңізде.Оны осындай әсем қалыпта сақтаңыз.

Жаймен көзіңізді ашуға болады.Рахмет.

3.Үй тапсырмасын тексеру.

Оқулықтың 21-22 бетіндегі 4-сабақтағы Қ.Толыбаевтың « Күш қайдан келеді?»мәтінді оқып келуін тексеру.

Мәтін бойынша сұрақтар:

Құмырсқаның бәрінен күшті болуының мәні неде?

Адам күшті болу үшін қандай қандай іс-әрекеттер жасауы керек?

Нағыз күшті адам деп кімді айтуға болады?

Неліктен адам бәрінен күшті деп ойлайсыңдар?

Балаға өздерің қандай ақыл қосар едіңдер?

Сабақ барысын талқылау:

4.Дәйексөз.

«Өз күшіне сенген адамның ерік-жігері мықты болады».

И.Гете

Дәйексөзді оқушыларға 2рет ұлдарға оқытамын.

2 рет қыздарға оқытамын.

Сосын дәйексөздің мағынасын қалай түсінетіндерін сұраймын.

Оқушылардың жауаптарын тыңдағансоң,қорытындылаймын.Оқушылар дәйексөзді дәптерлеріне жазады.

5. Әңгiмелеу « Мұғалімнің сыйы »

« Шешендік сөз »

Төле би жас кезінде талай жасы үлкен атақты абыз билердің алдынан өтіп батасын алады.Төле бала әуелі әкесіне барыпты.Жасы жүзге тақап отырған әкесі ынтымақ,

ел бірлігі жөнінде әңгіме айтып отырады.Төле «Қалай еткенде бірлік болады,оның күші қандай болмақ »дегенді сұрайды.Сонда,әкесі әуелі жауап айтпас бұрын бәр бума солқылдақ шыбық алдырады:

-Балам,мынаны сындырып көрші.

Төле буылған шыбықты олай-бұлай иіп сындыра алмайды.

-Енді сол шыбықты біртіндеп сындыршы?

Төле ортасынан буылған шыбықты шешіп,біртіндеп пырт-пырт етіп оп-оңай сындыра береді.

Әлібек би:

-Бұдан не түсіндің,балам?-дейді.Сонда Төле бала:

-Түсіндім,әке бұл мысалыңыздың мәнісі:Ынтымағы,бірлігі мықты елді жау да,дау да ала алмайды. «Саяқ жүрген таяқ жейді » демекші,бірлігі,ынтымағы жоқты жау да,дау да оп-оңай алады дегеніңіз ғой.

-Бәрекелде,балам,дұрыс таптың.Ел билеу үшін алдымен елді ауызбірлікке,ынтымаққа шақыра біл. « Бақ қайда барасың дегенде,ынтымаққа барамын » дегенінің мәнісі осы,-депті.

Мәтін бойынша сұрақтар:

-Әкесі Төле биге бірліктің күшін қалай түсіндірді?

-Елді ауызбірлікке,ынтымаққа шақыра білу үшін адамға қандай қасиеттер керек?

-Адамның саналылықпен іс-әрекет жасауы не үшін қажет деп ойлайсыздар?

-Адам өз бойындағы ерік-күшпен жігерді қалай дамытуға болады деп ойлайсыздар?

-Өздеріңіздің саналы түрде жігерленіп әрекет еткен кездеріңіз болды ма?Қалайша?

6 .Шығармашылық жұмыс, топтық жұмыс.

Оқушыларды дөңгелекшелер арқылы топқа бөлемін.

Тапсырманы орындау кезінде баяу музыка қойылады.

1-топ: Жағдаяттың шешімін тауып,кеңестерді жазып көрсетіңіздер.

1-жағдаят

Данияр соңғы кезде өзгеріп кеткен сияқты.Көп нәрсеге немқұрайлы қарайтын тәрізді.Өткен аптада тарих сабағынан реферат жазып келу тапсырылған болатын.Даниярдың есіне ол тек келесі сабақ болатын күні ғана түсті.Асығып тақырыпқа терең бойламай, жалаң жаза салды.Көп ойланып күш жұмсауға ерінді.

Мұндай жағдайда Даниярға қандай кеңес берер едіңіздер?

2-топ: Жағдаяттың шешімін тауып,ойларыңызды жазып көрсетіңіздер.

2-жағдаят

Даниярдың шығармашылық тапсырма орындау үшін ізденуге ынтасы болмай жүр. Содан болар алған бағасы да төмен болды.Сыныптастары жақсы оқитын Даниярдың мұнысына таң қалды.Апайы да ренжіген сыңай танытты.Тапсырылған істі қалай болса солай орындай салуға болмайтынын түсінген Данияр ерік-күшін,жігерін шыңдау үшін не істеу керектігін жоспарлады.

Данияр өз бойындағы қандай құндылықтары мен адамгершілік қасиеттерін көрсетеді деп ойлайсыздар?

7.Топпен ән айту.

Ерлікке шақыру

Сөзі мен әні М.Шахановтікі

Міне саған ойланатын келді күн,

Азамат боп атқа міндің сен бүгін.

Бірақ атқа мінгеніңнен не пайда,

Жүрегіңде қалғып жатса ерлігің.

А –а –а

Бозбала,

Қанатыңды талдырма,

Алай –түлей жаңбырда ,

Тізгініңді беріп қойма тағдырға,

Қуанышым.

Жан тәніңмен бір адамды сүймегенің үшін,

Сүйе алмағаның үшін

Табиғаттың алдында кінәлісің.

Қорға, жаным, сеніміңді жеруден,

Қорлық барма, жанбай жатып сөнуден.

өмірдегі үлкен жеміс әрдайым,

басталмай ма өзіңді өзің жеңуден.

8. Үй тапсырмасы.

Оқулықтағы 33-34 бетіндегі 5-сабақтағы М.Әуезовтың «Тоғжан ауылында » атты мәтінді оқып келу.

9.Соңғы тыныштық сәтi.

Баяу музыка ырғағы қойылады.

-Балалар, бүгінгі сабақтан алған құндылықтар мен қасиеттерді есімізге түсіріп,жүрегімізге сақтап алайық.

Сабақ аяқталды.Рахмет!