Ашық сабақ "Сәулет өнері" 7 сынып

Апта: 2

Күні:14.02.2014

Сыныбы: 7 ^«а»

Пәні: Қазақстан тарихы

Сабақтың тақырыбы:

Қазақстанның ХІҮ-ХҮ ғасырлардағы сәулет өнері

Сабақтың мақсаты:

Білімділік: Қазақстанның ХIV – XV ғасырлардағы сәулет өнерін, қолданбалы өнер, архитектуралық құрылыс жүйелері туралы білімдерін арттыру.
Тәрбиелік: Мәдени құрылыстың дамуының басты ерекшеліктерін аша отырып, ұлтымыздың мәдени құндылықтарын құрметтеу сезімін оятуға жағдай жасау, оқушы санасына туған халқына деген құрмет пен мақтаныш сезімін ұялату, ұлттық рух енгізу, тіл мен дін мәдениет мұрасын, тарихын құрметтеуге тәрбиелеу.
Дамытушылық: Оқушылардың пәнге қызығушылығын арттыру, өз бетімен жұмыс жасауға дағдыландыру, ойлау, іскерлік қабілеттерін дамыту.

Күтілетін нәтиже:

Оқушыларды сыни тұрғыдан ойлауға, ойын еркін әрі нақты жеткізе білуге дағдыландыланады.

Сілтеме:

Оқулық, әдістемелік нұсқау

Сабақтың түрі:

Аралас сабақ

Сабақтың әдісі:

Топтық жұмыс, жеке жұмыс.

Оқытуда қолданылатын модульдер:

Білім беру мен білім алудағы жаңа тәсілдер, СТО-ға үйрету, АКТ-ны қолдану, Білім беру үшін бағалау және оқуды бағалау, Білім берудегі көшбасшылық.

Мұғалімнің іс-әрекеті:

Оқушының іс-әрекеті

І Ұйымдастыру кезеңі:

ІІ Үй тапсырмасын сұрау:

Жаңа сабақ:

«Мағынаны тану»

Сабақты бекіту:

«Кесене тұрғызу»

Сыныпта ынтымақтастық атмосферасын қалыптастыру.

«ХІҮ-ХҮ ғ Қазақстан мәдениетінің дамуы» тақырыбы бойынша қосымша тапсырмаларды қорғайды.

1-топ: ХІҮ-ХҮғ ауыз әдебиеті туралы,

2-топ: Жазбаша әдебиет туралы,

3-топ: Музыка өнері туралы,

4-топ: Дін туралы мағлұмат береді.

Сынып оқушылары әріптер арқылы 4-топқа бөлінеді.

1. «Жошы хан» тобы.

2. «Алаша хан» тобы.

3. «Қ.Иассауи» тобы.

4. «Арыстан баб» тобы

Топтарға кесене суреттері таратылады, топтағы оқушылар кесене кімге арнап салынған, қашан, қай жерде екенін тауып қорғайды.

Әр топқа сұрақтар жазылған кірпішке ұқсас кесенелер қиындылары беріледі, оқушылар сұрақтарға жауап бере отырып, кесенені тұрғызады және қай кесене екенін табады.

Сұрақтар:

1. Айша бибі кесенесі қай ғасырларға жатады?

2. Айша бибі кесенесі қай жерде?

3. ХІҮ-ХҮ ғасырлардағы қандай сәулет өнерінің ескерткіштері сақталған?

4. Ұлытау төңірегінде, Қаракеңгір, Сарыкеңгір өзендерінің құяр жерінде орналасқан кесене?

5. Сырдария өзенінің жағасында (қазіргі Қызылорда облысы, Төменарық жол торабынан солтүстікке қарай-5 км, Сығанақтан оңтүстікке қарай-8 км) тұрғызылған әулетті күмбез?

6. Ескерткішке қатысты Ж.Басығарин, Е.Қасымов, И.Кастаный, В.Бартольд еңбектерінде тарихи мәліметтер сақталған. Мұнда Әбілхайыр ханның сүйегі жатыр. Бұл қай кесене?

7. Көккесене кімге арнап тұрғызылған?

8. Қ.А.Иассауи қай жылы дүниеге келген?

9. Оңтүстік Қазақстан облысы, Түркістан қаласы, Қ.А.Иассауи кесенесінің оңтүстік-шығыс жағында 60 метр жерде орналасқан кесене?

10. Қаракеңгір өзенінің сол жағалауында, Жезқазғанның солтүстік шығысынан 55 км қашықтықта орналасқан кесене?

11. Тектұрмас кесенесі қай жерде?

12. Шамансұр (Дәуітбек) кесенесі қай жерде?

Бағалау:

Формативті бағалау.

Үйге тапсырма:

«Менің өлкем-тұған шежіре» тақырыбында эссе жазу.

Кейінгі тапсырмалар мен портфолио деректері:

Жеке тапсырмаларды, рефлексивті есепті портфолиоға жинақтау.