Ашық сабақ "Сенім алға жетелейді"

Сабақ мақсаты: Жалпыадамзаттылық құндылық Дұрыс әрекет арқылы өмірдегі қиындықтарды жеңетін сенім адамды алға жетелейтінін меңгерту.

Міндеттері:

• Оқушыларға өмірде кездесетін кедергілерге қарсы тұру үшін позитивті болудың маңыздылығын ұғындыру;

• Оқушылардың бойындағы дұрыс ниет туралы түсінікті дамыту;

• Оқушыларды кез-келген бір жағдайға оң көзқараспен қарауға тәрбиелеу.

Ресурстар:

Интерактивті тақта, аудио,видео материалдар

Сабақ барысы:

1.Ұйымдастыру кезеңi -5"Т"

1.Тәртіп

2.Талап

3.Тыныштық

4.Тазалық

5.Татулық

2.Тыныштық сәтi. «Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен сүйіспеншілік құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Сүйіспеншілік және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

3.Үй тапсырмасын тексеру:

9-сабақ, 82-83-беттегі «Сенім алға жетелейді» тақырыбы бойынша «Заман біздікі» (Б.Бұлқышев) мәтінін оқу.

- Баубек Бұлқышев қай соғысқа аттанды?

- Баубек осы күресте жеңу үшін не істейтінін айтты?

- Оған күш-қуат берген қандай сезім?

- Сенім мен Дұрыс әрекеттің қандай байланысы бар?

- Өз өміріңізден сенім арқылы дұрыс әрекет жасаған оқиғаны айтыңыз.

Нурлы әуен

"Хрустальная грусть"

4. Дәйексөз

Дұрыс әрекеттер саналы пейілден шығады

Б.Грасиан

-Дәйексөздің мағынасын қалай түсінесіз?

Бәріміз қосылып, қыздар – 2 рет, ұлдар – 2 рет, барлығы - 1 рет қайталау. Дәптерге жазу

Бальтасар Грасиан

(1601-1658)- испан жазушысы, философы, әдебиет теоретигі.

5. Бейнефильм. «Баттерфляй циркі». Мұғалімнің сыйы

- Баттерфляй циркінің иесі қайда барды?

- Онда ол кімді кездестірді?

- Уилл суда жүзуді қалай үйренді?

- Суда жүзуді үйренуі Уиллге қандай өзгерістер әкелді?

- Цирк иесі Мендестің қандай дұрыс әрекеттері Уиллдің қайта түлеуіне себеп болды?

-Өзіңіздің өміріңізде алға ұмтылу үшін қандай мотивация керек деп ойлайсың?

Ник Вуйчич түскен фильм

6. Шығармашылық жұмыс (топтық жұмыс)

Тапсырма: "Дұрыс әрекет формуласы"

Топ фигуралар арқылы 3 топқа біріктіріледі.

Тапсырманың шарты – әр топ берілген үлгіні пайдаланып, дұрыс әрекет формуласын шығаруы қажет.

Үлгі: Дұрыс әрекет = (Дұрыс ой + Жақсы сөз + игі істер / Достар) – Жамандық ·∞ Риясыз сүйіспеншілік

Мағынасы – Бойымыздағы дұрыс ой, жақсы сөздер мен игі істерді достарымызға арнағанда және барлық жамандықтан арылып, тек шексіз Риясыз сүйіспеншілікпен өмір сүргенде дұрыс әрекетті жарыққа шығарамыз.

Тапсырманы орындап болғасын студенттер өздері жасаған шығармашылық жұмыстарын әңгімелейді және жұмыстарын шығармашылық бұрышқа іледі.

7. Топпен ән айту.

Армансыз күнім болмайды

Сөзі: Т.Толқынқызы

Әні: Ш.Ахметова

Бақытты жанмын сонда да бірақ

Көңілім кейде толмайды

Алаңсыз күліп жүрген кезде де

Армансыз күнім болмайды

Аспанда күнде айналар түнге

Арманым өлсе сол қайғы

Бақытқа сенемін

Армандай беремін

Армансыз күнім болмайды

Армандап ғұмыр кешемін күнде

Бір үміт қалсын ішімде

Арманмен бірге өсемін менде

Адам боп қалу үшін де

Аспанда күнде айналар түнге

Арманым өлсе сол қайғы

Бақытқа сенемін

Армандай беремін

Армансыз күнім болмайды

Караоке-видео қолдану

8. Үй тапсырмасы

Оқулықтың 10-сабақ бойынша «Махаббат – өмір өзегі» тақырыбындағы 92-94- беттеріндегі мәтінді оқып келіңіздер.

9. Сабақты қорытындылау минуты

- Енді көзімізді жұмамыз. Балалар сіздерге мен өте ризамын! Нұрлы жүректеріңізге рақмет! Енді көздеріңді жайлап асықпай аша қойыңыздар. Бүгінгі күндеріңіз қуаныш әкелсін!

Нурлы әуен

"Хрустальная грусть"