Ашық сабақ Сенім менің серігім

Сабақ мақсаты: Оқушыларға ішкі тыныштық құндылығының өзіне сенімділікті қалыптастыратынын ұғындыру.

Міндеттері:

-оқушыларға жауапкершіліктің қаншалықты маңызды екенін түсіндіру;

-оқушылардың өз-өзіне сенімді болу қасиеттерін дамыту;

- қоғамға сенім білдіруге тәрбиелеу;

Ресурстар:(құралдар, мәлiметтер)

Тыныштық сәті

Ыңғайланып отырыңыздар, денелеріңізді түзу үстаңыздар. Аяқ қолыңызды айқастырыңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрадан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек қалауыңызды шайып, жүрегіңіздің қауызын ашты.

Нұр сәуелесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәуле шашуда. Олар сізді тек жақсылық жасау үшін жақсы жерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздеріңізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте бірте қарқындай және шұғылана бастайды, сіздің денеңізден шығып, жан жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жануарларға, өсімдіктерге, барлық тірі жанға таралсын... Ғаламның барлық түпкір түпкіріне нұр бағыттаңыз.

Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде

Оны осындай әсем қалыпта сақтаңыз.Енді көзіңізді ашуға болады.

Үй тапсырмасын сұрау

«Еңбек жемісі» Б.Әділ.

• Әңгімеден не түсіндіңдер?

• Сахналық көрініс «Ата ақылы »

• Дәптермен жұмыс тексеру.

• Еңбек туралы мақал-мател жаттау.

Ал енді балалар барлығымыз орнымыздан тұрып, мына өлең жоларын айтып,өзіміздің сенімділігіміді көрсетейікші.

Сенім Ә. Табылдиев

Еңбек етсем,ертенгі

Бақытыма сенемін !

Мақсатыма жеткізер

Уақытыма сенемін!

Достық іс пен қасты да

Жеңеріме сенемін!

Ақыл сана білім мен

Өнеріме сенемін!

Арым таза,ақ көңіл,

Адалдыққа сенемін!

Абыройлы ақ ниет

Адамдыққа сенемін!

Сабақ барысын талқылау:

ӘдібайТабылдиев

 (2 ақпан 1926 ж.т., Жамбыл облысы Тұрар Рысқұлов ауданы Жаңатұрмыс ауылы) – ақын, жазушы, драматург, педагогика ғылымдарының

докторы (2005), профессор (2005), Қазақ КСР-і және КСРО Білім беру ісінің үздігі, ҚР Білім беру ісінің құрметті қызметкері (2007).

Жағымды ой пікір

"Жақын адамдардың, достарыңның, жалпы адамзаттың жақсылығына сеніп, адамдықты құрметтей білу – әдептіліктің, адамгершіліктің белгісі."
М.Жұмабаев 
1. Өзіңнің жақын адамдарынның сенімін ақтау дегенді қалай түсінесің?
2. Сенім, әдептілік, адамгершілік қасиеттерін байланыстыратын не? 
3. Әрдайым айналандағы адамдарға сене аласыңба?

Әңгiмелеу (сұхбат).

-Сенім деген сөзді қалай түсінесіңдер?

-Өзіңе сенім артқан кезде қандай сезңмде боласың?

-Қандай адам сенімге ие бола алады?

-Адамдардың барлығына сене беруге бола ма?

Мағжан Жұмабай (Әбілмағжан) Бекенұлы (25 маусым 1893, Солтүстік Қазақстан облысы, қазіргі Мағжан Жұмабаев ауданы, Сасықкөл жағасы – 19 наурыз 1938, Алматы) – Алаш қозғалысының қайраткері, ақын, қазақ әдебиетінің жарқын жұлдызы өкілі.

Оқушылармен бірге талданып, мәні түсіндіріледі.

Мұғалім сыйы Аңыз әңгіме: «Екі дос»
Екі дос шөл далада жолаушылап келе жатады. Бір кезде сөзден сөз шығып, екеуі тартысып қалады. Біреуі ашуға қатты булығып, екіншісін қойып қалады. Досының ұрғаны жанына қатты батады, бірақ ләм-мим демей құмға былай деп жазып қояды: «Бүгін мені жан досым ұрды!»
Екеуі көкорай шалғын жерге келгенше тоқтамай жүріп отырады. Суды сол жерден ішерміз деп келісіп алады. Бір кезде досынан таяқ жеген батпаққа аяғы кіріп шыға алмай қиналады. Тіпті тұншығуға айналып, демі тарыла бастағанда, досы кұтқарып қалады. Батпақтан кұтылғаннан кейін, тастың үстіне ойып тұрып: «Бүгін мені жан досым, өлім аузынан құтқарып қалды», – деп жазады.
Оның бұл жазуына таңырқаған жолдасы:
– Ұрған кезімде құмға жаздың, ал енді не үшін тасқа жазып жатырсың? – деп сұрайды.
Сонда досы:
– Біреу бізге жамандық жасаса, оны құмға жазғанымыз дұрыс, кешірім самалы оны өшіріп кетсін. Ал біреу жақсылық жасаса, оны тасқа ойып жазайық, оны ешқандай жел өшіре алмасын!..
1. Досының ұрғаны қатты батқан бала, не себепті қарсыласқан жоқ. 
2. Екі достың арасындағы шынайы достықты байқадыңба?
3. Екі достың тартысып қалғаны дұрыс па?

Жаңа ақпарат

Адамның өз- өзіне, өзгелерге сенім білдіруі оның өмірге деген үміті мен қызығушылығын арттырады. Өзіне-өзі сену адамның өз құндылығын түсініп, мақсат-мүлдесіне жетуіне көмектеседі.

Айналадағы адамдардың сенім білдіруі адамның жауапкершілігін арттырып, өз мүмкіндіктері мен қабілеттерін ашуға ықпал етеді

Шығармашылық жұмыс, топтық жұмыс.

1-топ. Сенімді адамның бойындағы

қасиеттерді тізбектеп жазу.

2-топ. Сенімсіз адамның бойындағы қасиеттерді тізбектеп жаз.
3-топ «Сенім» сөзінің әрбір әрпіне, сол әріптен басталатын адамның жақсы қасиеттерін жазыңдар
С - сенімді, сыпайы,сүйкімді, сыйлы, сымбатты, сұлу 
Е – ерен, ерекше,еркін, ержүрек, елпек
Н – намысшыл, нәзік, нағыз ер, 
І – ілтипатты, ізетті, ізгілікті, іңкәр
М – мәдениетті, момын, мейірімді

3.Сахналық көріністер Кімге сенім артуға болады?

Топпен ән айту

«Сенім» Мәдина Садуақасова 
1.Сездірмей жүрген, 
Тек өзім білген. 
Бір сенім бар, 
Жоғалмас мүлдем. 
Сол сенім бар да, 
Асығам алға, 
Ақ тілегім, биікке самға. 
Қ-сы 
Тағдыр жолы көп торабы, 
Ақ пен қара жолағы. 
Сенім – маған серік болады.
Ақ таңдарды мен көремін, 
Дауылды да жеңемін. 
Жүрегіммен сенемін. 
2. Жылуын берер, 
Шапағат төгер, 
Махаббатым адаспай. 
Асқардай биік, 
Армандар жиып, 
Мен өтемін 
Өмірді сүйіп. 
Қ-сы 
Тағдыр жолы көп торабы, 
Ақ пен қара жолағы. 
Сенім – маған серік болады.
Ақ таңдарды мен көремін, 
Дауылды да жеңемін. 
Жүрегіммен сенемін

Мәдина Бақытжанқызы Сәдуақасова (8қыркүйек, 1979, Алматы)қазақ әншісі.Қазақстанның еңбек сіңірген қайраткері (2011жылы). Қазақстан жастар одағы "Серпер" сыйлығының лауреаты.

Үй тапсырмасы.

№ 21. Мен жастарға сенемін (жаттау) 

Соңғы тыныштық сәтi.

Бүгінгі күнімізді сүйіспеншілікпен қарсы алып сабағымызды бастаған болатынбыз. Ал, енді әдемі күлкімізбен, нық сенімділікпен мына өлең жолдарын қайталау арқылы сабағымызды аяқтайық.

Мен өзіме сенемін /қолын жүрегінің тұсына қояды/

Мен саған сенемін /қолын көрші баланың иығына қояды/

Сен де өзіңе сенесің /қолын көрші баланың иығына қояды/

Және мен де өзіме сенемін /қолын жүрегінің тұсына апарады/ сабақ үшін сіздерге көп рахмет!

Сау болыңыздар!