Ашық сабақ "Сиқырлы әлемге саяхат"

Білім беру саласы: «Қатынас», «Таным», «Әлеумет»
Сабақтың тақырыбы: «Сиқырлы әлемге саяхат»
Сабақтың мақсаты:
а) Білімділік:
Балалар сандарды тура және кері санап, оларды ажырата білуге, әріптерді
тануға, әріптерден сөз құрауға, сурет бойынша сөйлем құрап айта білуге
мақсат көзделеді.
ә) Дамтушылық: Сөздерді байланыстырып сөйлеуге үйрету, сөздік қорын
байыту.
б) Тәрбиелік:
Балаларды тапқырлыққа, шапшандыққа, жылдам ойлауға , ойын қорыта
білуге , жануарларды қорғауға тәрбиелеу.
Сабақтың әдіс-тәсілі: Сұрақ-жауап, әңгіме, әңгімелеу, көрнекілік,
дидактикалық ойындар
Сабақтың түрі: аралас сабақ
Сабақтың көрнекілігі: презентация слайд түрінде,сандар, стакан,
түтікшелер, жеке тапсырмалар, суреттер, жұлдызшалар
Сабақтың барысы:
І. Ұйымдастыру кезеңі.
-Сәлеметсіңдер ме балалар!
- Балалар бүгін бізге қонақтар келіп отыр, енді осы қонақтармен
амандасайық.
Шаттық шеңбер:
Алақанды ашайық
Күннің көзін жасайық
Таза ауа қол сермеп
Жүрек жылуын жасайық
Мейрімділік шоғын біз
Қонақтарға шашайық
Сәлемтсіздер ме?
Здраствуйте!
Good morning!

Орнымызға отырайық. Қазір бір-бірлеріміздің қолдарымызды ұстап сәттілік
тілейік(хормен айтады сәттілік тілеймін)
-Балалар, бізге бүгін сабаққа қонақтар келіп қалыпты. Сабаққа барлығымыз
қатысып, өз білімімізді көрсетейік.Сабаққа жақсы қатысқан, оқушыларға
сабақ соңында сыйлық беріледі. Біз сабақта қалай отыру керектігін білеміз
ғой. Ендеше, бүгінгі сабағымыздың тақырыбы «Сиқырлы әлемге саяхат»
деп аталады.
ТӘРБИЕШІ
Ал ендеше тұрмайық
Сабағымызды бастайық
Сиқырылы әлем еліне
Саяхатты бастайық
-Балалар маған айтындарды «сиқыр» дегенді қалай түсінесіңдер?
Қазір біз сендермен сиқырлы әлемге саяхатқа шығамыз.Ол үшін мына
қайыққа отырып бәріміз аттанайық.
-Балалар қараңдаршы мынау не?
-Қорап.Бұл қорапта не бар екен? /қорапта түрлі түсті сиқырлы шарлар бар/
Қораптың ішінде хат жатады.
-Балалар сиқыры елдің сендерге дайындаған тапсырмалары бар екен..
сендерге осы тапсырмаларды орындасаңдар тосын сый береді екен.Ендеше
тосын сый алу үшін мына тапсырмаларды орындайық.
1 ойын: «Шыбын ұру» әдісі
Мақсаты: Сандарды ажырату. Шапшаңдыққа,жылдамдыққа дағдыландыру.
Шарты:Тақтада 1-ден 10 дейінгі сандар ілулі тұрады.Балалар тәрбиешінің
нұсқауымен айтқан санды тез көрсету керек.
2 ойын: «Дыбысты есті»
Мақсаты: Санды танып ажырата білу,еске сақтау қабілеттерін дамыту.
Шарты: тәрбиеші балаларға сандар жазылған парақша таратып
береді.Тәрбиеші неше рет барабанды тоқылдатса,сол санды стаканмен
көрсету керек.
3 ойын: «Сиқырлы түтікше» ойыны
Мақсаты: шашылған әріптерден сөз құрастыру,сөздік қорын молайту,
шапшаң ойлауға үйрету.
Шарты:берілген сөзге қарап, кеспе әріптерден сөз құрастыру.

4 ойын: «Мнемотехника» әдісі
Мақсаты:балалардың сөздік қорын байыту.
Шарты : берілген сурет бойынша байланыстырып сөз құру.
5 ойын: «Бір серігіп, алайық»
Мақсаты: қарама-қарсы тұрып, бір бірінің дене мүшелерін
ажырату.Жылдамдыққа,ептілікке, шапшаңдыққа үйрету.
Шарты: бір –біріне қарама-қарсы тұрып ,тәрбиешінің нұсқауымен дене
мүшелерін тез жылдам көрсету. Тәрбиеші ойыншық дегенде жерде тұрған
ойыншықты тез алу.Кім тез шапшаң ойыншықты алса, сол жеңімпаз
атанады.Осылай ойын жалғаса береді.
Өздік жұмыс: әр балаға тапсырма беріледі.Олар өздері орындауы керек.
6 ойын: «иә», «жоқ» пікірлесу
Мақсаты:балаларды белсенділікке, танымдылыққа үйрету.
Шарты:тәрбиеші балаларға сұрақтар қояды.Сұрақтар
қайталанбайды.Балалар сол сұрақтарға қысқа да, нұсқа да жауап беру керек.
«иә» және «жоқ» таңбасына қолдарын қойып көрсетеді.
1. А дыбысы дауысты дыбыс? ИӘ
2. «Апа» үш буынды сөз? ЖОҚ
3. «Ат» деген сөзінде 2 әріп бар? ИӘ
4. Ит мияулайды? ЖОҚ
5. Н дыбысын көк түспен белгілейміз бе? ИӘ
6. Арыстан үй жануары ма? ЖОҚ
ойын: «Жұмбақ жасырайық»
7 Ойын: «Кім жылдам»ойыны ҚҰРАСТЫРУ
Ойын: «Айтып бер»ойыны
Мақсаты: сөздік қорын толықтырып, байланыстыра сөйлеуге үйрету.
Шарты: берілген сурет бойынша сөйлем құрау.
Тәрбиеші: Жарайсыңдар балалар! Сиқырлы әлемнің сендерге берген
тапсырмаларын барлығын орындадыңдар.Сабаққа жақсы
қатыстыңыздар.Сабаққа жақсы қатысқаны үшін сендерге тәтті сыйлықтар
дайындапты.Сол сыйлықтарды алмас бұрын мына сұраққа жауап
беріндерші?
Рефлексия: Балалар бүгінгі сабақ сендерге ұнады ма?/сұрақ-жауап арқылы
қорытындылау/
Бағалау: (Бас бармақ тәсілі арқылы бағалау)
Ал енді өз елімізге оралу үшін ,қайыққа мініп өз елімізге аттанайық. Келген
қонақтарға сау болыңыздар деп айтайық. Сабақ аяқталды.

Солтүстік Қазақстан облысы
Ғ.Мүсірепов атындағы аудан
«Новоишим қазақ орта мектебі» КММ

Қаралды:
ОІО
Г.Жолдаспаева

Бекітемін:
Мектеп директоры м/а
А.Ргебаева

Ашық сабақ
Сабақтың тақырыбы: «Сиқырлы әлемге саяхат»

Өткізген: МАД сыныбының тәрбиешісі
Кункаева Гульмира Тулеуовна

2023-2024 оқу жылы