Ашық сабақ "Сөз және оның мағынасы" Қазақ тілі 4 сынып

Пәні: қазақ тілі 4 «А»

Сыныбы: 4 «А»

Мерзімі: 26.11.2018ж

Адилбекова Ш. Т.

Сабақтың тақырыбы

46/2. Сөз және оның мағынасы.

Сабақтың мақсаты

Сөз және оның мағынасы туралы білімдерін қайталау, еске түсіру, толықтыру. Сөздерді мағынасына қарай сөйлем ішінде орынды қолдана білуге үйрету. Сөйлеу мәдениетін дамыту, шығармашылық қабілеттерін арттыру. Сауатты жазу дағдыларын қалыптастыру, ұқыптылыққа тәрбиелеу.

Сілтеме

«Қазақ тілі» оқулығы, «Атамұра» баспасы, 2015 жыл, 4 сынып,
86 – 87 беттер

Ресурстар

Тақырыпқа қатысты кесте, интерактивті тақта, үлестірме қағаздар

Сабақтың типі

Жаңа білімді меңгерту

Әдістер

Сөздік қор

Құндылықтарды дарыту

Пәнаралық байланыс

Бастапқы білім

Түсіндіру, сұрақ – жауап, іздену, ойындар, оқулықпен, дәптермен жұмыс, топтық жұмыстар

Мағынасы қарама - қарсы сөздер

Елбасының «Болашаққа бағдар: Рухани жаңғыру» жолдауы бойынша қоршаған ортаны танып, біліп, табиғатты аялай білуді, Отанына , туған жерге еңбек етуді түсінеді

Дүниетану, өзін-өзі тану, еңбекке баулу

Сөз мағынасының түрлерін ажыратады, сөздерден сөйлемдер құрайды

Сабақтың жоспары

Психологиялық ахуал

3 мин.

Қаның, жаның – тіліңде,

Арың, нәрің – тіліңде.

Ұмтыл оны білуге.

Тілден алып ғибрат,

Құлшынасың білімге

Мұғаліммен бірге бүгінгі сабаққа сәттілік тілейді.

Топқа бөлу

Сабақтың ортасы

35-мин

Қызығушылықтарын ояту

1,2 деп санау арқылы топқа бөлінеді

1-топ «Сөз» тобы

2- топ «Сөйлем» тобы

Бастапқы білім

«Ой қозғау» әдісі

Сөз дегеніміз не ?

Сөздер неден құралады?

Сөз мағыналары туралы не білеміз?

Сөйлем дегеніміз не?

Сөйлемнің айтылу мақсатына қарай қандай түрлері бар?

Сөйлемнің құрамына қарай түрлерін ата.

Жұмбақ шешу. Қарамен жазылған сөздерді қарама- қарсы мағыналы сөздермен ауыстырып жұмбақты шеш.

«Кім жылдам» әдісі

1-топ «Сөз» тобы

Жақыннан әкеп хабарды,

Ренжітер барлық адамды.

Алыстан әкеп хабарды,

Қуантар барлық адамды

2- топ «Сөйлем» тобы

Жеңілдікпен аршылар,

Көзіңнен жас тамшылар.

Қиындықпен аршылар,

Көзіңнен жас тамшылар.

Сөз және оның мағынасы. Мағынасы қарама-қарсы сөздер

Көркем жазу жазғызу

Ии Ии Ии

Ибагүл – инабатты қыз

Үй тапсырмасын тексеру. 6 – жаттығу, 85 бет. Мағынасы жуық, қарама – қарсы сөздерді қатыстырып, «Құлынның туған күнінде» тақырыбына әңгіме құра.

Мағынаны тану
Түсіну

Қолдану

Оқулықпен жұмыс «Постер» әдісі

8 – жаттығу

Өлеңді мәнерлеп оқып, мағынасы қарама – қарсы сөздерді анықтайды. Мағынасы қарама – қарсы сөзді тап: тәтті – ащы.
«Ара» туралы не білеміз?

ҚБ. «Бас бармақ» әдісі

Дәптермен жұмыс «Ойлан тап» әдісі

9-жаттығу. Мақалды түсініп оқып, жатқа жазады. Мағынасы қарама-қарсы сөздердің астын сызады. Топ мүшелері мақалдардағы негізгі ойды анықтайды.

1. Мейірімді алғыс алса,
Мейірімсіз қарғыс алар.
2. Ақылды іс тындырады,
Ақымақ тіс сындырады.
- Мағынасы қарама – қарсы сөздің астын сыз.
ҚБ. Ынталандыратын сөздер арқылы бағалау

Жарайсыңдар! Тамаша! Талпын!

Сергіту сәті:
Ұзын мұртты құмырсқа,

Келе жатыр жұмысқа.

Алды допты қолына,

Қойды допты жолына.

Оңға қарады,

Солға қарады,

Үлкен тау деп ойлады.

Топтық жұмыс
1-топ «Сөз» тобы

10 – жаттығу. Берілген сөздерге мағынасы қарама – қарсы сөздерді табады. Бұл сөздердің мағынасы қарама-қарсы сөздер екенін дәлелдейді. Қалаған сөз жұптарымен сөз тіркесін жасайды. .
Мейірімді – мейірімсіз, жуас – қатал, қымбат – арзан, сұйық – қою, қашық – жақын.

2-топ «Сөйлем» тобы
11 - жаттығу. Тек мағынасы қарама – қарсы сөздер жұбын теріп жазады. Неліктен кейбір сөз жұптары мағынасы қарама – қарсы сөздер тобын құрай алмайтынын дәлелдейді.
Жақсы – жаман, жоғары - төмен, оңай – қиын, үлкен – кіші.
- Өзің қалаған сөз жұптарымен сөз тіркесін жасайды.
Жақсы қыз, жоғары қабат, қиын кезең, үлкен көмек.
- Кестені пайдаланып пікірін дәлелдеуді үйренеді.

ҚБ. «Стикерлер» арқылы бағалау

Ой толғаныс

Талдау

Ұжымдық жұмыс

12 - жаттығу. «Кім жылдам?» Сызық бағытымен бір әріпті қалдыра отырып оқып, жаңылтпаш құрастыр. Үтір мен әріптердің орнында бір әріп бар деп есептеңдер.
Ақ тай ақ па?
Қара тай ақ па?

Жаңылтпаштан мағынасы қарама қарсы сөздерді табады.

13 – жаттығу. Тиісті мағынасы қарама – қарсы сөздерді қойып, мақал – мәтелдерді көшіріп жаз.
1. Туған жердің күні де ыстық, түні де ыстық.
2. Жаманға шөп батады,
Жақсыға сөз батады.
3. Көз қорқақ, қол батыр.

ҚБ.«Шапалақ» әдісі бойынша бағалау

Топтық жұмыс «Слайд» Адасқан әріптерден сөз құра

ы ш қ а қ

и і б к

а с а а л

қ а ы ж с

1-топ «Сөз» тобы. «Адал достық» тақырыбына шағын әңгіме құрастыр

2-топ «Сөйлем» тобы «Сөздер шахарында» деген тақырыпта ертегі құрастыру.

ҚБ.«Ауамен» бағалау

Үйге тапсырма беру

Бағалау

Сабақтың соңы

14 – жаттығу, 87 бет. Мәтінді оқы. Қарамен жазылған сөздерді мағынасы қарама – қарсы сөздермен алмастыр және құрастырған мәтініңді оқы.

Кері байланыс «ТВ шоу әдісі»

Топтар бір –біріне сұрақ дайындайды. Мысалы:

1. Бүгінгі оқып білгендердің ішіндегі ең маңыздысы не болды?

2. Сен үшін қиындық тудырған тапсырма болды ма?

3. Қай жаттығуды орындау барысында сен қиналдың? Бұл неліктен деп ойлайсың?

Күнделіктеріне жазып алады.