Ашық сабақ Су-өмір көзі Мектепалды даярлық тобы

Ұйымдастырылған оқу қызыметінің кезеңдері

Тәрбиешінің іс- әрекеті

I. Кіріспе бөлім

II. Негізгі бөлім

III. Қорытынды

IV. Мадақтау

Шаттық шеңбері : «Жылы сөз»

Күндей жадыраймыз,

Айдай жарқыраймыз.

Судай таза көңілмен

Бүгінгі күнімізді бастаймыз.

- Қыс мезгілінде табиғатта қандай өзгерістер болады?
- Балалар, таңертең ұйқыдан тұрғанда кімді көресіңдер?
- Далада, балабақшаға келе жатқанда нені көресіңдер?
- Балалар, қалай ойлайсыңдар,
өлі табиғат бізге керек па?
- Осының барлығын бір сөзбен айтқанда не дейміз?
- Қане бәріміз қайталайық.
- Өлі табиғат және тірі табиғат.
- Өлі табиғатқа: су, ауа, жер күн, бұлт, құм, жаңбыр жатады.
- Ал тірі табиғатқа не жатады: адамдар,
құстар, өсімдіктер, гүлдер, жан - жануарлар, балықтар жатады.

Ғажайып сәт
- Бізге қонаққа Ұлпақар келіпті.
- Қане, балалар, қонақпен сәлемдесейік.
Балалар сәлемдеседі.
Ұлпақар: Сәлеметсіздер ме, достар! Менің атым ұлпақар, сіздердің білімді екендеріңді естідім. Сіздер сияқты білімді,тапқыр болғым келеді. Маған көмектесесіздер ме.
- Ұлпақар, кел төрлет, біз бүгін су әлеміне зерттеу жасаймыз.
- Өзіңнің кім екеніңді білгің келе ме?
- Ұлпақар: Әрине білгім келеді.
- Ендеше сен де мұқият тыңдап отыр.

Ендеше мен жұмбақ жасырамын кел сенде балалар мен бірге шешуге көмектес.

Жұмбақ
Аспан түстес сұйық,
Әркім ішер құйып. (су)

Су - тіршілік көзі. Суды қайда пайдаланамыз. (Оны тамаққа пайдаланамыз, шөлімізді басамыз. Сонымен қатар егін суарамыз, өрт сөндіреміз. Жан - жануарлар, балықтар, құстар да сусыз өмір сүре алмайды.) Балалар, мына глобусқа қараңдаршы, қандай түспен бейнеленген. Жер бетінің көп бөлігін су алып жатыр.

Тәжірибе жасау.
Су қандай сұйық сондықтан, ол төгіледі, ағады, суда дәм жоқ.
Балалар түтікше арқылы су ішіп дәмін көреді. Оны салыстыру үшін
Суға қант және тұз қосып дәмін татады.

"Су - мөлдір"
Су мен бояуға тәжірибе жасайды.
Стақанға таза су және бояу құйып салыстырады. Тас салып, қайсысы көрінетінін, қайсысы көрінбейтінін бақылайды.

Сергіту

Күннің нұрын саламыз,

Мөлдір суды шашамыз.

Гүлдей болып жайнаймыз,

Тыныс аламыз,

Жүгіріп,жүгіріп аламыз.

"Судың күйі". Мұздың қатты су екендігін бақылау үшін, тоңазытқыштағы қатқан мұзға бақылау жүргізеді. Қарды қарайықшы,ол қандай ақ, жұмсақ, еріп суға айналады.

Бу - бұл да су. Будың да су екендігін ұғыну үшін қайнатылған судың үстіне әйнекті ұстап, одан тамшы пайда болатынын байқау.
- Балалар, біздер судың әртүрлі қасиеттері бар екендігіне көз жеткіздік. Сонымен қайталап айтайық, судың қандай қасиеттері бар?
Балалардың жауаптары тыңдалады

.

Дидактикалық ойын:

"Ұлпақарды тақтайшаға бейнелеу?"
Ойынның шарты: Мына тақтайшаға, шегеге резенкелер арқылы ұлпақарды құрастырамыз.

Судан мұз ойыншық жасап, серуен кезінде шыршаға ілеміз.

Ал балалар ұлпақармен қоштасатын уақыт келіп жетті.

- Су қандай табиғатқа жатады?
- Бізге қонаққа кім келді?
- Адамдарға су не үшін керек?
- Өсімдіктер, жануарлар, балықтар сусыз өмір сүре ала ма?
- Судың иісі, дәмі, түсі бар ма?
- Адамдар қандай су ішеді? Тұщы су ма, ащы су ма?
- Суды үнемдеу керек пе?

- Жарайсыңдар, балалар, бүгінгі оқу іс - әрекетке өте жақсы қатыстыңдар, сендерге көп - көп рахмет!