Ашық сабақ Сылақ жұмыстары

«БЕКІТЕМІН»

Директордың оқу өндірістік

жұмыстар жөніндегі орынбасары

______________ Халиков Н.С.

Өндірістік оқу сабағының жоспары №1

Күні- айы: Топ: 18 Курс: 1

Мамандығы: 1401000 Ғимараттар мен құрылымдарды салу және пайдалану

Бөлімнің тақырыбы: Сылақ жұмыстары

Сабақтың тақырыбы: Кіріспе сабақ

Сабақтың мақсаттары:

Білімділік: білім алушыларды мамандықтың мазмұнымен, өндірістік оқыту сабақтарының ерекшеліктері мен оған қойылатын талаптармен, кәсіптік бағдарламаның мазмұнымен, еңбекті қорғау мен техника қауіпсіздігі ережелерін сақтауға үйрету;

Дамытушылық: алғашқы медициналық көмек көрсету дағдыларын жетілдіру;

Тәрбиелік: мамандықтарына деген қызығушылықты арттыру.

Сабақтың типі: кіріспе сабақ

Сабақтың әдістері: сөздік әдіс (түсіндіру, әңгімелесу, сұрақ-жауап), көрнекілік әдіс (еңбек әдістері мен тәсілдерін көрсету, презентация көрсету), практикалық әдіс (оқу-өндірістік жұмыстарды (жаттығуларды) орындау).

Материалды-техникалық жабдықтар, құрал-саймандар мен оқу-әдістемелік құралдар: дәрі-дәрмек салынған қобдиша, дәкелер, мақта, тақырыптық презентациялар, үлестірмелі материалдар, кәсіптік практика бағдарламасы.

Өткізілетін орны: құрылыс шеберханасы

Сабақтың барысы:

1. Ұйымдастыру кезеңі:

1.1. Сәлемдесу;

1.2. Білім алушыларды түгендеу;

1.3.Білім алушылардың оқу құрал - жабдықтарын тексеру.

2. Кіріспе нұсқау:

2.1. Сабақтың тақырыбы мен мақсаттарымен таныстыру;

2.2. Білім алушылардың тақырып бойынша теориялық сабақтарда және өндірістік оқыту сабақтарында алған білімін тексеру:

- мамандықтарың бойынша қандай жұмыстар жасай білу қажет деп ойлайсыңдар?

- арнайы киім деп нені атайды?

- техника қуіпсіздігі ережелері туралы не білесіңдер? олар не үшін қажет деп ойлайсыңдар?

- адамға алғашқы медициналық көмек көрсете аласыңдар ма? Ол не үшін қажет деп ойлайсыңдар?

- шеберханадағы дәрі-дәрмекке арналған қобдишаның құрамында не болу қажет деп ойлайсыңдар?

2.3. Білім алушыларға сабақта жасалатын жұмыстарды орындаудың әдіс-тәсілдерін көрсету және түсіндіру , сонымен қатар орындалған жұмыстың сапасын бақылау әдістерін үйрету:

- мамандыққа сипаттама;

- кәсіптік бағдарлама мазмұны;

-өндірістік оқыту сабақтары және оған қойылатын талаптар;

- жұмыс орындары және оған қойылатын талаптар;

-еңбекті қорғау және техника қауіпсіздігі ережелері;

- алғашқы медициналық көмек көрсету әдістерін көрсету;

2.4. Білім алушының өндірістік оқу шебері көрсеткен еңбек тәсілдерін орындап көруі;

2.5. Көбінше жіберілетін қателіктерді талдау және оларды болдырмаудың жолдарын анықтау:

- шеберханада тәртіп бұзу;

- жұмыс орнын таза ұстамау;

- адамдарға дер кезінде көмек көрсете алмау;

- ТҚ ережелерін сақтамау салдарынан адам өміріне зиян келтіру.

2.6. Кіріспе нұсқаулық материалдарын бекіту және білім алушылардың жаңа тақырыпты бойынша білім деңгейлерін тексеру:

- «Қатесін тап» жаттығуын орындау (суреттермен жұмыс);

2.7. Еңбекті қорғау және техника қауіпсіздік ережелерін қарастыру немесе қайталау:

2.8. Білім алушыларға тапсыру беру және оларды жұмыс орындарына орналастыру;

3. Білім алушылардың оқу-өндірістік жұмыстарына ағымдағы нұсқау жүргізу:

3.1. Білім алушылардың өзіндік оқу-өндірістік жұмыстары:

1. Алғашқы медициналық көмек көрсетуге қатысты жаттығуларды орындау (медициналық қызметкердің бақылауымен):

- саусақты таңу;

-қолды таңу;

-шынтақты таңу;

- басты таңу;

-аяққа таңу;

- қолға шина таңу.

2. Есеп жазу;

3.2. Ағымдағы нұсқау (жұмыс орындарын арнайы аралап жүру арқылы):

- жұмыс орнының ұйымдастырылуын және жағдайын тексеру;

- еңбек тәсілдерін орындау дұрыстығын және техника қауіпсіздік ережелерінің сақталуын тексеру;

- технологиялық жұмыстарды орындау ретінің дұрыстығын тексеру;

- жұмыстарды қабылдау.

4. Қорытынды нұсқау:

4.1. Сабақты қорытындылау;

4.2. Жіберілген қателерді талдау;

4.3. Білім алушылардың жұмысын бағалау және оны түсіндіру;

4.4. Үй тапсырмасы:

«Беттерді сылақ жұмыстарына дайындауда қолданылатын құралдар» тақырыбында презентация дайындау.

5. Жұмыс орнын жинастыру.