Ашық сабақ. Сын есім

Қазақ тілі 6 - сынып
Мақсаты:
Білімділік: сын есім бойынша алған білімдерін бекіту, өтілген тақырыптарды қайталау, терең меңгерту.
Дамытушылық: оқушылардың тілін, сөздік қорын, ой - өрісін дамыту; сын есімге байланысты тапсырмаларды шапшаң орындауға машықтандыру, мәнерлеп оқу дағдысын дамыту, тапсырманы өз бетінше орындауға дағдылау.
Тәрбиелік: мәтіндермен жұмыс арқылы ән өнеріне баулу, зеректікке тәрбиелеу, пәнге деген қызығушылықтарын арттыру, әдептілікке тәрбиелеу.

Сабақ әдісі: интерактивті тақтамен жұмыс, талдау, сұрақ – жауап, түсіндіру.

Сабақ барысы:
1. Ұйымдастыру кезеңі (оқушылардың сабаққа қатысушылығын тексеру)
2. Үй тапсырмасын тексеру (сын есімнің ережесін сұрау, туынды сұрақтар қою)

Карточкамен жұмыс
3. Негізгі сабаққа көшу

Жаңа сабақты түсіндіріп, мысалдар келтіру.
Махамбет Өтемісұлының жырларынан алынған афоризмдермен жұмыс жасау (слайдтармен жұмыс)
Оқушы тақтаға шығып, афоризмдердің мағынасын ашып, өлең жолдарындағы сын есімдерге толық талдау жасайды.
1. Жүйрік аттың белгісі
Тұрады құйрық жалында
Жүйрік - сын есім, негізгі, дара, сапалық, жай шырай
2. Қоғалы көлдер, құм сулар
Кімдерге қоныс болмаған?!
Қоғалы - сын есім, туынды, түбірі - қоға, - лы - сын есім
тудырушы жұрнақ, қатыстық.
3. Алтын тақты хандардың
Хандығынан не пайда?
Алтын тақты - сын есім, күрделі, туынды, қатыстық, - ты - сын есім тудырушы жұрнақ.
4. Асыл ердің баласы
Жауды көрсе шыдамай
Көзін салар қияға
Асыл - сын есім, негізгі, дара, сапалық, жай шырай
Оқулықпен жұмыс.
Интерактивті тақтамен жұмыс.
Диаграммадағы «АҒАШ», «ҚҰНДЫ» сөздерімен тіркесетін сын есімдерді теріп жазу.
Үлгі:
1. Қураған ағаш, пайдалы ағаш, жапырақты ағаш
2. Құнды ой, құнды кітап, құнды мұра

Сергіту сәті: Хормен «Қазақ тілі» әнін орындау

Тақтамен жұмыс (берілген тапсырмаларды орындау)
1. Құндұз бөрік киген бойжеткен киіз үйге бет алды.
2. Ағалы інілі Бейбіт пен Аслан ұзұн жолмен жұріп келеді.
3. Жазды гүнгі мезгіл қандай тамаша!
4. Ұйқұшыл адам сыбағасынан құр қалар.
Тиісті сын есімдерді қойып жазыңдар:
1. Қазақстан... астыққа бай.
2.... ұстазымызды.... демалысқа шығарып салдық.
3.... тіл сүйектен өтер.

Ойтолғау: «Астана – арман қала» тақырыбында шағын ойтолғау жазу. Ішінде сын есім болуы шарт.
Шығармашылық тапсырма:

«Жылдам жауап» жарыс ойыны:

Мысалы: Қандай бала?

Қандай ат?

Сабақты қорытындылау: «Ана тілім» өлеңін жаттау. Сын есімдерді қатыстырып өлең құрастыру.

Бағалау.