Көшбасшы – ағылшын тілінен аударғанда (leader) – жетекші қоғамда, ұйымға немесе топқа ықпал етуге қабілетті тұлға. Кез келген жағдайдан жол таба білетін, өзгелерге жол көрсете алатын, өзіне жүктелген міндетті сезіне, ауыртпалыққа төзе білетін тұлға. Көшбасшы барар жолын біледі және басқаларға шабыт беріп, соңынан ертуге қабілетті. Көшбасшылық үдерісі: Болу; Істеу; Көру; Айту. Болу – бұл көшбасшылықтың көзі. Істеу – бұл жеке үлгісіне негізделген көшбасшылықтың стилі. Көру – ұсақ белгісіне дейін көру. Айту – шабытпен, жұмсақ, сүйіспеншілікпен, жүректен жүрекке жеткізу. Ұлы рухани ұстаздар көшбасшылық туралы. «Әділдік пен шыншылдық бір билеушінің бойынан табылса, онда оның шыншылдығы мен әділдігінің арқасында өз өмірі де, билеп жатқан адамдарының өмірі де шаттыққа бөленеді. Егер билеуші адамның бойында әділдік пен шындық біріксе, ол сапалы, қабылдаған заңдары жоғары деңгейде болады. Билеушіден халқыңды бағындыр деп сұрау қажет емес, халықтың өзі ақылды билеушінің басқаруын қалауы керек». (Лао Цзы)