Ашық сабақ "Табиғатқа қамқорлық" 4 сынып

Мақсаты: оқушыларға табиғатқа қамқорлық жасаудың маңыздылығын түсіндіре отырып жалпыадамзаттық қиянат жасамау құндылығының мәнін ашу.

Міндеті:

1. Оқушыларды мейірімділікке баулу.

2. Оқушылардың бойына қамқорлық қасиетін дамыту.

3. Оқушыларды айналасына ақниеттілікпен қарауға тәрбиелеу.

Сабақ барысы:

Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуды тексеру.

1.Тыныштық сәтi. 5 Т ережесін еске салу.

1.Тәртіп

2.Талап

3.Тыныштық

4.Тазалық

5.Татулық

2.Жағымды күйге келу

Шұғылалы әлем.

Осындай әлем бар,

Қызықты,

Шуақты.

Әлемде әр ел бар,

Бақытты,

Қуатты.

Ондағы балалар

Жайдары,

Көңілді.

Бәрі де керемет!

Үй тапсырмасын тексеру.

28 -сабақ 130 бет. "Табиғат - ана" мәтінін түсініп оқу.

1. Табиғат-ананың ұлдары қандай болған?

2. Анасы ұлдарына қандай өсиет айтты?

3. Ұлдар адамдарға не үшін қызмет етіп келе жатыр?

• Табиғат-ананың адамдарды бақытты етуінің сыры неде?

• Өміріңде үнемі қамқорлық жасап жүрген адамға кезіктіңіз бе?

• Өзің ақниеттілігіңізді қалай көрсетіп жүрсің?

Дәйексөз

«Таза болса табиғат- аман болар адамзат.»

Халық даналығы

-Дәйексөздің мағынасын қалай түсіндіңіздер?

Сергіту сәті

«Достығымыз берік», 5 мин Мақсаты: топтың ынтымақтастығы артады. Қолдың ұшымен ручканың ұшын ұстап тұрамыз да орнымыздан тұрамыз,отырамыз,бір орындық ауысамыз.

Мұғалімнің сыйы:

Бақытты мекен

Ертеде бір қарияның үш ұлы болыпты. Ұлдары әкелерін қатты жақсы көретіні соншалық, әкелерінің ұзақ та сау өмір сүруін армандап, оның жолын қайдан табамыз деп ұзақ кеңесіпті. Әрі ойланып, бері ойланып, ақырында ел арасынан денсаулықтың мекенін іздемекші болыпты.

Үлкен ұлы денсаулықтың мекенін табиғаттың «Саялы орманынан», ортаншы ұлы денсаулықтың мекенін табиғаттың «Таза көлді» елінен, ал кіші ұлы «Көрікті жер» елінен кездестіріпті.

Ұлдарына дән риза болған қария үш ұлының да еліне кезек-кезек барып тұрыпты. Қария бақытты, баянды ұзақ ғұмыр кешіпті.

1. Қарияның неше ұлы болған?

2. Ұлдары денсаулықтың мекенін қайдан тапты?

3. Қария қайда өмір сүрді?

- Ұлдар денсаулықтың мекенің неге табиғаттан іздеді?

- Табиғатқа қамқорлық жасау барлық адамның қолынан келе ме?

- Сендер табиғат-ананың көріктене түсуіне өз үлестеріңді қалай қосып жүрсіңдер?

Шығармашылық жұмыс, топтық жұмыс. Табиғат құбылыстарына байланысты жер, су, ауа атаулары бойынша 3 топқа бөлінеміз.

Сахналау

Менің табиғатқа қамқорлығым

Топпен ән айту. 3 мин

Ақ көгершін

Сөзін жазған: Н.Баймұхамедов

Әнін жазған: А.Жұбанов

Ақ көгершін, көгершін,

Қолғанат құс сен едің.

Бар, кезіп қайт ел үшін,

Кең дүниенің көлемін.

Әділеттің құсы деп,

Көз алмастан жолыңнан,

Бақыт болып қоншы деп,

Ұшырамын қолымнан.

Ел тілегін алып ұш

Мұхиттың арғы жағына.

Сенен көзін алмайды

Ақ ниетті бар адам.

Ақ қанатың талмайды

Әділеттен жаралған.

Тыныш бейбіт өмірдің

Белгісі боп қанат қақ.

Әлемге ортақ көңілдің

Қайт шыңына қонақтап

Ел тілегін алып ұш,

Адамзаттың бағына

Қара бұлтты жарып ұш

Мұхиттың арғы жағына

Үй тапсырмасы

29-сабақ, 133-бет. Э.Шимнің "Көктем иісі" мәтінінің мазмұнын айту.

Сабақтың қорытынды минуты

- Бүгінгі сабақта айтылған жақсы сөздерді, жақсы ойларды жүрегімізде сақтайық және де әр кез бір-бірімізге жақсы тілек тілеп жүрейік.

- Күндеріңіз сәтті де сәнді өтсін! Рахмет!Сау болыңыздар!