Ашық сабақ. Тақырыбы: "Физика әлеміне саяхат" 7 сынып

Сабақтың тақырыбы: «Физика әлеміне саяхат»

Сабақтың мақсаттары:

Білімділік: Оқушыларға физика және астрономия ғылымдарының маңызы,

олардың зерттейтін объектілері, мүмкіндіктері, табиғаттың таңғажайып физикалық құбылыстары туралы білімдерін кеңейту заңдылықтарды өмірде қолдана білуге, үштілді қатар меңгеруге үйрету.

Дамытушылық: Оқушылардың дүниеге көзқарастарын практикалық есеп шығару дағдыларын, қалыптастыру, ойлау ұшқырлығы мен есте сақтау қабілеттерін дамыту, үштілде сөйлеуге дағдыландыру.

Тәрбиелік: Оқушыларды зерттеуге, өздігінен ізденуге, тұжырымдар жасауға баулу, пәнге деген қызығушылықтарын арттыра отырып, ұйымшылдыққа, жауапкершілікке, сауаттылыққа, шешендікке, адамгершілікке, шапшаңдыққа, сенімді болуға өз-өзіне, жан-жақтылыққа тәрбиелеу.

Сабақтың түрі: Сайыс

Өту әдісі: Ойын элементтерін пайдалану, есептер шығару, сұрақ – жауап, рольдерде ойнау әдістері.

Көрнекілігі: Физика және астрономия зертханасы, бағалау парақтары, слайдтар формулалар, сұрақ – тапсырмалар,құрал жабдықтар, нақыл сөздер.

Пәнаралық байланыс: Астрономия, физика, математика, информатика, география, биология, химия.

Өту барысы:

1. Ұйымдастыру бөлімі

2. Сайыс бағдарламасымен таныстыру

3. Сайыстың өту барысы

4. Қорытындылау

1. Ұйымдастыру бөлімі:

Оқушылармен амандасу, түгелдеу.

Оқушыларды сайыстын бағдарламасымен таныстырып өту.

Сиқырлы қорапшамен таныстыру

2. Сайыс бағдарламасымен таныстыру.

1 – «Топ аты, эмблема» аялдамасы.

2 – «Үй тапсырмасы» аялдамасы.

3 – «Физика сұрақтары» аялдамасы.

4 – «Физика зертханасы» аялдамасы.

5 – «Физика есептері» аялдамасы.

6 – «Мақал – мәтелдер - физикада» аялдамасы.

7 – «Физикада кім жылдам ?» аялдамасы.

8 – «Физика әлемі»

3. Сайыстың барысы:

1 – «Топ аты, эмблема» аялдамасында топтар өз топтарының аттарын айтып, эмблемаларын қорғап, сәлемдеседі (үш тілде: қазақ, орысша, ағылшынша).

Топтардың аты: «Физика» тобы және «Астрономия» тобы

2 – «Үй тапсырмасы» аялдамасындаүйге берілген шығармашылық жұмысты тапсырады(есептің мәнін үш тілде айтып береді)

1. – топқа берілген тапсырма: «Үйден мектепке дейін келген кездегі жолды анықтау»

2. –топқа берілген тапсырма: «Үйден мектепке дейінгі дененің жылдамдығын анықтау»

3 – «Физика сұрақтары» аялдамасында «Физика» және «Астрономия» топтары бір-біріне сұрақтар қояды (жауаптарын үш тілде береді)

4 – «Физика зертханасы» аялдамасында берілген физикалық құрал – жабдықтармен зертханалық жұмыс жасайды. (жұмыстың орындалу реті:мақсаты, барысы, қорытындылауы бағаланады, жауапты қазақша және орысша беріп, қолданылған құралдарын, терминдердің ағылшынша нұсқасын айтып береді)

1. – топқа «Дененің көлемін өлшеу»

2. –топқа «Кішкентай денелердің көлемдерін өлшеу»

5 – «Физика есептері» аялдамасында 2 топ берілген есептерді шығарады (есептің шығарылу жолы, берілгенін жазу, жауабын жазу ережесінің сақталуы бағаланады)

1. – топқа:

1. 1 км-ді метрмен өрнекте.

2. 150000000 км санын ықшамдап стандарт түрінде жаз.

3. Есепте: 10¹⁰ :10¹⁰=

4. Автомобиль 120км қашықтықты 2 сағатта жүріп өтті.Автомобильдің жылдамдығын тап.

5. 8 кг керосин сыятын құтының көлемі 0,01м³. Керосиннің тығыздығы қандай ?

2. – топқа:

1. Тоннада қанша кг бар ?

2. 300000км/с жылдамдықты ықшамдап стандарт түрінде жаз.

3. Есепте:10¹⁰*10¹⁰=

4. Массасын 300г білеушенің көлемі 150см³. Білеуше жасалған заттың тығыздығын тап.

5. Резеңке таспаның қатаңдығы 7,2*10⁴H/м.Егер таспаға 20кН күш әсер етсе, онда ол қандай шамаға созылады ?

6 – «Мақал – мәтелдер - физикада» аялдамасында екі топ физикада қолданылатын мақал-мәтелдерден мысалдар келтіреді (қазақша, орысша, ағылшынша айту керек)

7 – «Физикада кім жылдам ?» аялдамасында оқушылардың тез арада «физика» және «астрономия» топтары бір – біріне дайындаған сұрақтарына жауап беруеді.

8 – «Физика әлемі» аялдамасында 11-сынып оқушысы тұрады, сол оқушының қолынан тапсырмаларды таңдағандарын алып, дайындыққа кіріседі. 3минут уақыт дайындалуға беріледі. (Тапсырмалардың орындалуының дұрыстығы, шапшаңдығы, рольді аша білуі бағаланады)

1 – топқа: 1. «Күш» - ке ассоциация жазу (үш тілде)

2.Физикалық құбылысты көрермендерге жест, мимикамен сипаттап көрсету (тапқан көрерменге сыйлық)

3.Физикалық шамаларды білгенінше жазу

2 – топқа: 1. «Қысым» - ға ассоциация жазу (үш тілде)

2. «Физика туралы ертегі» оқу

3. Физикалық құралдарды білгенінше жазу

4. Қорытындылау:

Оқушылардың қатысқандарына рахмет айтылып, жеңіспаз топ марапатталады.