Ашық сабақ Тақырыбы: "Жарқын болашақ"

30қараша ,2017 жыл

Класс жетекшісі: А.О.Хасенова

Өткізілетін орны:

Биология кабинеті

Тақырыбы:

«Жарқын болашаққа- батыл қадам»

Мақсаты:

Болашақ ұрпаққа Елбасымыз Н.Ә.Назарбаев туралы мағлұмат беру. Елбасының өмірін, еңбек жолын үлгі-өнеге ете отырып,патриоттық  сезімдерін арттыру.Ел Президентін құрметтеуге, егемен елімізге қамқор бол білуге тәрбиелеу.Отанды сүюге, өз елін, тарихын білуге, жалпы адамзаттық құндылықтар мен терең көзқарастарды сіңіру арқылы таным белсенділіктерін арттыруға бағыттау.

Оқу нәтижесі

Болашақ ұрпаққа Елбасымыз Н.Ә.Назарбаев туралы мағлұмат беріледі. Елбасының өмірін, еңбек жолын үлгі-өнеге ете отырып,патриоттық  сезімдері оянады.Ел Президентін құрметтеуге, егемен елімізге қамқор бол білуге тәрбиелеу. Отанды сүюге, өз елін, тарихын білуге, жалпы адамзаттық құндылықтар мен терең көзқарастарды сіңіру арқылы таным белсенділіктерін арттыруға бағыттау.

Сабақта қолданылатын материалдар

Үлестірмелі  материалдар,  А3, А4 қағаздары, стикер, плакат, графопроектор, ИКТ. Слайд-презентация.

Оқыту әдістері

Оқыту мен оқудағы жаңа тәсілдер

Оқыту мен оқуда АКТ пайдалану

Оқытуды басқару мен көшбасшылық

Бірлескен оқу

Топтық жұмыс

Жеке жұмыс

1. Оқушыларға жағымды психологиялық ахуал туғызу

Мұғалімнің  іс-әрекеті

Оқушылардың

іс-әрекеті

Сабақтың басы:

/5 мин/

І. Ұйымдастыру бөлімі

Шаттық шеңбері: «Біздің Елбасы» тренингі арқылы тұнғыш президентімізге құрмет көрсетіп тілектерін білдіреді.

Алаулаған алабынан нұр тамып,

Қазақ елін бүкіл дүние жүр танып.

Көк байрағың желбірейді төріңде,

Гимнің тұр көгіңде шырқалып.

Топқа бөлу: рәміздер арқылы

Оқушылар  Елбасы туралы мәлімет айтып, тілектерін білдіреді,

(ҚР Мемлекеттік Гимнің орындайды)

Оқушылар рәміздер бейнеленген суреттер арқылы 4топқа бөлінеді

2.Сабақтың ортасы:

Мұғалім: Осы тәуелсіз еркіндікте өмір сүруге біз қалай жеттік, кімдер арқылы жеттік, иә тарих бетіне үңілсек, ол өте ұзақ жылдар бойы ата-бабамыздың қасық қаны қалғанша аянбай күресіп, елім, жерім, ұрпағым деп балаларым тыныш өмір сүрсін деп бізге тәуелсіз мемлекетті сыйлады. Осындай көп ұлтты мемлекетті басқару оңай емес. Осы тәуелсіз мемлекетімізді басқару 1991 жылы 1 желтоқсанда біздің Елбасымыз Н.Ә.Назарбаевқа бұйырған екен.

«Ротация» әдісімен жұмыс:

Н.Ә.Назарбаев кім?

«Ой-қозғау»

Мұғалімнің сөзі:

Бағдарлап елдің ертеңін,

Тыныттық тауып жатпаған.

Болашақ үшін тер төгіп,

Үмітін елдің ақтаған.

Қиялы ұшқыр ойлы адам,

Әлемге болған аты аңыз.

Ұрпақтың қамын ойлаған,

Аман-сау жүрші, Елбасы.

Бүгінгі тәрбие сағатымыз Елбасымыз Нұрсұлтан Әбішұлы Назарбаевтың тұңғыш Президент болып сайланған күніне арналады.

Қайырлы күн, құрметті ұстаздар, оқушылар!

Бүгінгі 1 желтоқсан Елбасымыз Нұрсұлтан Әбішұлы Назарбаевтың тұңғыш Президент болып сайланған күніне арналған «Елі еріне сенген,ері еліне сенген » атты тәрбие сағатымызды ашық деп жариялаймыз.

• Топтық жұмыс: Постер дайындау және қорғау:

• 1-топ. Патриот адам кім?

• Ол өзін қалай көрсетуі керек?

• 2-топ. Қандай патриот адамды білесіңдер?

• Олар кімдер? Не үшін?

• 3-топ: Қазіргі заманның патриоты қандай болуы керек? (мінезі, ерекше қасиеттері, ұстанымы, ұраны).

• 4-топ: Мен патриотпын, себебі?

Постер жасайды,қорғайды

3.Сабақтың соңы

Сабақты қорытындылау.

Мұғалімнің сөзі: Алда әлі ұзақ жол, үлкен асулар бар. Сол асулар мен қиындықты жеңу үшін білектің күші мен найзаның ұшы керек емес. Оған тек жүрек пен білім, талант пен талап керек. Қазақ елінің абыройын асырып, мерейін үстем етер, әлем таңғалар, талай-талай жаңалық ашар білімділер керек. Тәуелсіз мемлекетті Нұрсұлтандай атамыздың басқарып отырғанына біз қуаныштымыз. Қазақстанның болашағы-білімді жастармен,-дейді Елбасымыз. Сондықтан да балалар біздің алдымызда тек қана бір ғана талап, міндет ол білім алу. Білімді болсақ қана біз өз жолымыздан ешқашан адаспаймыз, тура жүріп, түзу өмір сүреміз деп білемін. Осы Тәуелсіз еліміздің намысын қорғайтын, бүгінімізді ертеңіне жалғайтын, қазақ елінің ертеңі, болашағы үшін жауап беретін бүгінгі ұрпақ екенімізді сезінейік.“Сен де бір кірпіш дүниеге, Кетігін тап та бар қалан!”- деп Ұлы ақын Абай атамыздың сөзімен сабағымызды аяқтаймын.

Ән «Жаса Қазақстан» хор

Оқушылар «Жаса Қазақстан» Әнін хормен

орындайды