Ашық сабақ тақырыбы: Қолғап

Қызметтік кезеңдер

Оқу қызметінің барысы

Қайырлы күн!

Добрый день!

Hello shildren!

Шаттық шеңбері

Армысың алтын күн!

Армысың көк аспан!

Армысыңдар достарым!

Сендерді көргеніме қуаныштымын!

-Балалар күніміз сәтті өтсін деп достарымызды қушақтап сәттілік тілейік!

-Қазір жылдың қай мезгілі?

-Боран,аяз жылдың қай мезгілінде болады?

-Қыста біз қалай киінеміз?

-Қыста қардан не жасаймыз?

Балалар сіздерге жұмбақ жасырайын тауып көріңіздер.

Шелек қалпақ басында,

Сәбіз екен танауы

Қыста қардан туатын.

Тауып көрші сен оны?

(Аққала)

-Балалар теледидарға назар аударыңдаршы,бізге аққала хабарлама жіберіпті.

Слайд көрсету:

Видео слайдта аққала балаларға салем жолдайды,және өзінің орманда қолдары тоңып жүргенін айтып мұңайады.

Балалар біз сіздермен бірге аққалаға тосын сый жасайық, ол үшін,аққалаға қолғапты бояп,сәндеп ормандағы аққалаға беріп жіберейік.

Педагог қолғапты сәндеу техникасын түсіндіреді:

Балалар,алдыларыңызда үстелде қолғаптың суреті тұр,соны біз бүгін өте ерекше түрде бояйтын боламыз. Бүгін біз түтікшемен үрлеу тәсілін қолдану арқылы қолғапты бояп үйренеміз. Қолғаптың суретінің үстіне қылқаламмен кішкене бояу тамызамыз және асықпай үрлейміз,сонда бояуларымыз түтікшеден шыққан ауаның бойымен жылжып,қолғабымызға әдемі жолақтар пайда болады.

Балалардың іс-әрекеті

Балалар жарайсыңдар!енді орнымыздан тұрып сергіп алайық.

Сергіту сәті:

Ішік,пима,қолғап бар

Арада жоқ тоңғақтар

Баста қалың малақай.

Біз тоңбаймыз алақай.

Боран соғар оң жақтан,

Боран соғар сол жақтан.

Қар атысып ойнасақ,

Су өтеді қолғаптан.

-Балалар, бояған қолғаптарымызды алыс орманда тоңып жүрген аққала досымызға беріп жіберейік,қанекей қолғаптарды сиқырлы қорапқа салыңдар. Ал балалар енді алақандарыңмен көздеріңді жабыңдар сонда бір ғажайып болады.Балалар көздерін ашқанда ,аққала келіп сиқырлы қораптан қолбақтарды көріп қуанып,ал қораптың екінші шетінде шын қолғапты алып қолына киіп:

- Достарым рахмет сендерге, енді орманға суықтан қорықпай ойнауға бара беретін болдым.Сендердің қолбақтарың маған өте ұнады,менің де сендерге арналған ақұлпаларым бар,сыйлауға рұқсат етіңдер! Достарым қоштасатын сәт келді енді мен орманыма қайтайын,сау болыңдар!

Рефлексивті-түзетушілік

-Балалар бүгін сендер сабаққа өте жақсы қатыстыңдар,жарайсыңдар!Аққала да риза болды.Айта қойыңдаршы сендерге түтікшемен суретті үрлеп бояған ұнадыма?Ал ендеше қошасу рәсімін жасайық.

Қоштасу рәсімі:

Күн айналып келгенше,

Сау болыңдар достарым!