Астана қаласы әкімдігінің «Нұрлы жүрек» әлеуметтік қызмет көрсету орталығы» КММ

Ашық сабақ

Тақырыбы: «Ыдыс-аяқ»

Мұғалім-дефектолог: Алиева С.Б.

Сабақтын тақырыбы: «Ыдыс-аяқ»

Сабақтың мақсаты:

1. Түзете-білімділік: ыдыс-аяқтарды ажырата білуге үйрету, сонымен бірге ыдыс-аяқтардың ерекшеліктері туралы түсінік қалыптастыру

2. Түзете-дамытушылық: қағазбен, желіммен жұмыс жасай отырып, балалардың ойлау, көру, есте сақтау дағдыларын және ұсақ моторикасын дамыту.

3. Түзете-тәрбиелік: балаларды ұқыптылыққа, әдемілікке тәрбиелеу, олардың түрлі-түсті қағазбен жұмыс жасауға қызығушылықтарын арттыру.

Сабақтың көрнекті құрал-жабдықтары: түрлі ыдыс-аяқтардың көрнекті суреттері, күнделікті өмірде қолданатын ыдыс-аяқтар, мен сусындар.

Сабақтың барысы:

1. Ұйымдастыру кезеңі:

• Сәлеметсің бе, Даут! Сабақты бастамас бұрын бір-бірімізбен амандасып алайық.

Жылулық шеңбері:

Қол ұстасып бәріміз

Жылулықты сезейік

Жарқыраған күндей боп

Күлімсіреп жүрейік, Даут бүгінгі күнімізге сәттілік.

Жылулық щеңбері: Даут далаға қарашы, айналамыз аппақ қар, күн суық. Жалпы жер бетіне жылулық беретін – Күн. Ал адамдар тоңған кезде жылы киімдер киіп жылынады.

• Даут қане қолдарынды маған созшы.

• Қолдарың тонып қалыпты гой, қане бірге жылытайық:

Оң қолымда бес саусақ,

Сол қолымда бес саусақ.

Беске-бесті қосқанда,

Болып шығар он саусақ.

Даут қазір бізде сурет сабағы, жаңа сабақты бастамас бұрын, өткен сабақты еске түсіріп кетейік.

Өткен сабақты қайталау: Даут, біз алдыңғы сабақта қыс мезгілі туралы өткен болатынбыз, қыс мезгілінің басқа айлардан ерекшелігі, ол-аппақ ұлпа қардың болуы. Даут саған сұрақ қояйын:

• қазыр қай мезгіл? (қыс)

• қыс мезгілінде неше ай бар? (3 ай)

• Олар қандай айлар атап бересін бе?(желтоқсан,қаңтар,ақпан) жарайсың Даут.

Қыс айлары қызыққа толы, мысалы қыс мезгілінде түрлі: шанамен, конькимен, шаңғымен сырғанау, қар атысу, аққала жасау ойындарымен қатар ерекше мереке, ол – Жаңа жыл мерекесі қарсы алдық.

• Жарайсың Даут, біз қыс мезгілі туралы есімізге түсірдік, енді

бүгінгі жаңа тақырыбымызға көшейік.

2. Жаңа сабақтың барысы:

1. Кіріспе әңгіме:

Даут бүгінгі жаңа сабағымыздың тақырыбы - «Ыдыс-аяқ». Мына суреттерге көңіл бөлейік, ыдыстардың неше түрлері бар, яғни біз бұл ыдыстарды күнделікті ас ішкенде, қонақ шақырғанда не болмаса қонаққа барғанда пайдаланамыз. Бүгін біз осы ыдыстар туралы толығырақ тоқталатын боламыз. Ыдыс-аяқтар түрлі материалдардан жасалады, олардың көлемдері де, атқаратын қызметтері де әр түрлі болып келеді. Ыдыс-аяқтарды қолданған кезде, ең бірінші олардың қауіпсіздігіне ерекше көңіл бөлуіміз керек. Мысалы, бізде осы ыдыстардың ойыншық түрлері бар, қане қолына ұстап көрші. Мына ыдыс шәйнек, ал мынау пиала (кесе), мұнымен не ішеміз?

• сусындар, шырындар,шай. Шәйнекке шәй демдеп, ал пиаламен біз шәй, сусындар және шырындар ішеміз. Тәжірибелік жұмыс жасау барысында танысайық.

Даут қазір біз мына аппақ шәйнек пен пиаланың бетіне саусақ ұшымен түрлі-түсті бояуды пайдалана отырып, домалақ бұршақтарды желімнің көмегімен оларды ұқыпты жабыстырамыз.

Жұмыс орнын дайындау: алдын ала дайындалған шәйнек пен пиаланың жартылай дайын суреті, түрлі-түсті бояу қағаздар мен желімді дайындаймыз.

Қауіпсіздік ережесі: Балалар желіммен жұмыс жасағанда ұқыпты пайдалану керек, оны ауызға салуға болмайды.

Ұсақ моториканы дамыту жаттығуларын қолданамыз, біз қолмен, саусақпен жұмыс жасайтын боламыз, сондықтан бірінші саусақтарымызды қимылдатып жаттығу жасап алайық.

Жел еседі бетімізге,

Жайқалады ағаштар.

Желге айтамыз, тыныш-тыныш

Бейіктесін ағаштар.

• жарайсың Даут, енді тапсырмамызды орындайық.

• жарайсың Даут, сендер бұл тапсырманы дұрыс орындадын.

Сергіту сәті:

Кесені қолға аламын

Аузыма мен апарамын

Басымды мен еңкейтіп

Шайды ішіп аламын.

2. «Заттың атын ата» ойыны (Картинкадағы суреттерді атау)

Даут, қарашы меннің қолымдағы әдемі конвертте не бар екенін ашып қараймыз ба? (біз бірге суреттерді қараймыз)

-бұл не? (стакан, пиала, тарелке, қасық)

Стакан, пиала(кесе) (су, шай, шырын) ішеміз. Сендер онымен таныссындар, өйткені оны күнделікті қолданамыз.

Тарелке (сорпа, ботқа) тарелкеге салынған тамақты жейміз.

Қасық, қасық арқылы біз аузымызға азықты жей аламыз.

(стакан, пиала, тарелке, қасық) - бұл ыдыстарды ас бөлмесінде қолданамыз.

-бұл не? (кострюл, пісіру табасы, шәйнек, ожау)

Кострюл (біз онда сорпа, ботқа, компот) пісіреміз.

Сковородка (котлет, картошка, балық) пісіреміз.

Шәйнек (cу) қайнатамыз.

Ожау (сорпа, компот) құю үшін.

(кострюл, сковородка, шәйнек, ожау) - бұл ыдыстарды тамақ пісіру барысында қолданамыз.

Табақтың үстіндегі ыдыс-аяқты қарайық. (cуреттегі заттарды сұрап аламыз)

-маған стаканды берші

-маған қасықты берші

-маған тарелкені берші, жарайсың Даут сен бүгін көп ыдыс-аяқпен таныстын.

« 3-4 бөлікке бөлінген суреттерді жинау »

Жарайсың, Даут бүгін біз көп нәрсе үйрендік, білдік және көрдік. Даут бүгінгі сабақ саған ұнадыма, жарайсың сен өте ақылдысын саған көп рахмет.

2. Жаңа сабақты талдау:

Ыдыс-аяқтың түрлері өте көп, әрбір ыдыстың атқаратын қызметі де әр түрлі. Сондықтан сендер тамақтанар алдында қажетті ыдыстарды ғана алып, оларды дұрыс қолдануды, тамақтанып болған соң ыдыстарды жуып, сүртіп қою керектігін үйрендін. Дұрыс тамақтанудың өз тәртібі бар, сен үйде де, осы орталықта да үлкендердің кеңесіне құлақ асып дұрыс орындайтын болсаңдар, жақсы нәтижеге жететін боласыңдар.

Бүгінгі сабағымыз осымен аяқталды, сау бол, Даут саған үлкен рахмет.

Қорытынды.

Ойын қызықты әрі тартымды болуы үшін үнемі ойынды және ойыншықтарды түрлендіріп отыру керек. Себебі ол, балалардың ойлау, есіту, есте сақтау қабілеттерін дамытып қана қоймай, олардың ойынға деген қызығушылықтарын арттырады. Ал күнделікті тұтынатын ыдыстар мен басқа да заттардың атауларын әрдайым атап, балалардың есте сақтау қабілетін дамытып отыру қажет. Балаларды ынталандыру үшін оларға кішігірім сыйлық жасап, тосын сый жасап отырған оң нәтижесін береді.