Тәуелсіздік – ел тілегі, Елбасы – ел тірегі «Еліңнің ұлы болсаң, Еліңе жаның ашыса, азаматтық намысың болса, қазақтың ұлттық жалғыз мемлекетінің нығайып — көркеюі жолында жан теріңді сығып жүріп еңбек ет. Жердің де, елдің де иесі өзің екеніңді ұмытпа!» Н. Ә. Назарбаев. Қазақстан! Осынау құдіретті сөзді әрбір Қазақстан Республикасының азаматы асқақ сезіммен, ерекше мақтанышпен айта алады. Қазақстан – байтақ ел. Қазақ халқының ата – баба мекені, ежелгі қонысы. Қазақстанның табиғаты алуан түрлі. Солтүстігінің табиғаты Орталық Ресейге және оңтүстік Ұлыбританияға, оңтүстігі – Жерорта теңізі елдеріне, Кавказ маңайына сәйкес. Мұнда ойпаттар мен төбесін мәңгі қар мен мұз басқан биік таулар бар.Қазақстан — тәуелсіз ел. Сол тәуелсіздік жолында қазақ бабам не көрмеді?! Еліміздің басынан азап та, аштық та, сұм соғыс та өтті. Әсіресе, XX ғасыр қазақ халқы үшін ауыр тиіп, қайғыға толы кезеңімен есте қалды.1916 жылдағы көтеріліс, 1920 жылдардағы аштық, 1940 жылдардағы ұлы Отан соғысы, 1986 жылғы жерді дүр сілкіндірген Желтоқсан оқиғасы. Бұның барлығы да қазақ жеріне ауыр жара салды. Желтоқсан! Сен жайлы ойға батамын, Бұл іңкәрлік созылады қашанға. Кім қаншама шексіз сүйсе Отанын, Оның тартар азабы да соншама,-деп М. Шаханов жазғандай, қанша қиыншылық келсе де, біз оларды ешқашан ұмытпаймыз. Себебі, бұл — тарих. «Өткенімізді ұмытсақ, болашақ бізді кешірмейді» деген ұлы даналық сөз бар емес пе? Осы даналықтың әрдайым жадымызда сақталғанын қалаймыз.1991 жыл — еліміздің Қазақстан деген атпен бүкіл әлемге алғаш қадам басқан жылы. 16 –желтоқсан. Қазақ халқының ғасырлар бойы аңсаған арманы жүзеге асты. Дүниеге жаңа мемлекет – тәуелсіз Қазақстан Республикасы, дербес Қазақ елі келді. Азаттықтың ақ таңы атты. 1991 жылы 1 желтоқсанда алғаш рет Қазақ КСР Президентінің жалпыхалықтық сайлауы өтті. Осы сайлауда Нұрсұлтан Әбішұлы Назарбаев бірауыздан ел Президенті болып сайланды. Конституцияға сәйкес Н.Ә.Назарбаев Қазақстан Республикасы Президентінің антын берді. Депутаттар «Қазақстан Республикасы Президентінің лауазымына кірісуі туралы» қаулы қабылдады. Алматыдағы Орталық алаңда жиналған сан мыңдаған адамның алдында Қазақстан Республикасының Тұңғыш Президенті Н.Ә. Назарбаев сөз сөйледі. «Дербес мемлекет құру қазақ халқының ғасырлар бойы аңсаған арманы еді. Міне, енді сол күнге де жеттік. Қуанышымыз ұзағынан болсын, ардақты ағайын!», « Тәуелсіздіктің біздің бәрімізге артар міндеті мол. Енді еңселі ел болудың жолына шындап түсуіміз керек. Әулетіміздің асуы да, дәулетіміздің тасуы да өз қолымызда. Кең - байтақ жеріміздің байлығы осы даланың түпкілікті халқына да, тағдыр қосып бірге өмір сүріп жатқан өзге ұлт өкілдеріне де молынан жетеді ... » Сөйтіп Тәуелсіздіктің арқасында елімізге құт қонып, ырыс үйірілді. Сол сәттен бері міне 25 жыл да өте шықты. Қазіргі Қазақстан әлем сахнасында мақтанарлықтай беделге ие. Жас мемлекетіміз осындай аз ғана уақыттың ішінде көптеген ірі экономикалық, саяси және әлеуметтік жетістіктерге қол жеткізді. Осы уақытта Қазақстан адам танымастай гүлденіп, өсті. Үлкен жетістіктерге қол жеткізді. Өзіміздің мемлекеттік рәміздеріміз, Ата Заңымыз, Әнұранымыз, көк байрағымыз, ұлттық теңгеміз бар. Сонымен қатар, Сарыарқаның қақ ортасында Астана атты әсем қаламыз бой көтерді. Бүгінде біздің елімізге әлем қызыға қарайды. Қазіргі таңда Қазақстан жас мемлекет бола тұра, көптеген елдерден әлдеқайда алда. Еліміздің аяғынан нық тұруы, ұлттық қауіпсіздікті қамтамасыз ету және экономикамыздың жедел қарқынмен дамуы — қазіргі таңда негізгі стратегиялық бағыттар. Бүгінгі Қазақстан – тек өзі орналасқан аймақта ғана емес, бүкіләлемдік мәселелерді талқылауда және шешуде ықпалды рөл атқаратын ел.Тәуелсіздік алғаннан бері Қазақстан бейбіт дамудың нәтижесінде саясатта, экономикада, халықаралық қатынастарда Тұңғыш Президент – Елбасы Н.Ә.Назарбаевтың басшылығымен биік белестерге көтерілді. «Тәуелсіздік – ел тілегі, Елбасы – ел тірегі» екенін өмірдің өзі растап отыр. Қазақстанның біртұтастығын, демократиялық, зайырлы, әлеуметтік, құқықтық мемлекет екендігін, адам құқықтары мен бостандықтарының үстемдігін паш еткен Қазақстанның Тұңғыш Президенті – Елбасы күнін тойлау өте орынды, қуанышты оқиға. Өйткені, тәуелсіз Қазақстанда Президент біреу, ал ел халқы оған әруақытта тіреу. Қазақстанның өркендеуіне, дамуына, өркениетті озық елге айналуына үлес қосу – әрбір қазақстандықтың азаматтық борышы. Ә. Нұршайықов атамыз айтқандай: «Тәуелсіздер тойын қуанышпен тойлайды, тәуелділер қалай азаттықты алуды ойлайды, тәуелсіздік тойын тойла, тойлай жүріп оны өркендетуді де ойла» Біздің Мамания мектебінде де Қазақстан Респуликасының тәуелсіздігінің 25 жылдығы тойланды. Мектеп кітапханасында «Тәуелсіз елдің ертеңі - білімді ұрпақ» атты көрме, ашық тәрбие сағаттары, конференциялар ұймдастырылды. Міне, ежелден еркіндікті аңсаған азат халқымыз тәуелсіздігінің 25 жылдығын тойлап өтті. Қазақстан, тәуелсіз мемлекет ретінде, дүние жүзіндегі барлық елдерге түгелдей танылды. Жасай бер мәңгі, жайнай бер мәңгі, Қазақстан!
Ақсу ауданы, Ақсу ауылы «Мамания орта мектебі, МДШО» КММ кітапханашысы Жумадил Б
ҚР Білім және Ғылым министірлігінің стандартымен жасалған
22 Желтоқсан 2017
519
0 рет жүктелген
