Ашық сабақ Тең бүйірлі үшбұрыш және оның қасиеттері 7 сынып

Ұзақ мерзімді жоспардың тарауы:

7.1.1. Үшбұрыштар

Күні:

Мұғалімнің аты-жөні: Кундукова Ж.М

Сынып: 7

Қатысқандар саны:

Қатыспағандар саны:

Сабақтың тақырыбы

Теңбүйірлі үшбұрыш, оның қасиеттері және белгілері

Осы сабақта қол жеткізілетін оқу мақсаттары (оқу бағдарламасына сілтеме)

7.1.1.23

Теңбүйірлі үшбұрыштың белгілері мен қасиеттерін қолдану

Сабақ мақсаттары

Барлық оқушылар: теңбүйірлі үшбұрыштардың анықтамасын, қасиеттері мен белгілерін біледі

Оқушылардың көпшілігі: теңбүйірлі үшбұрыштардың қасиеттерін,белгісін есеп шығаруда қолданады және олардың элементтерін пайдалана отырып, салу дағдысы қалыптасады

Кейбір оқушылар: теңбүйірлі үшбұрыштың белгілері мен қасиеттерін талдайды, дәлелдей алады және күрделі есептерді шығаруда қолдана алады

Бағалау критерийлері

Теңбүйірлі үшбұрышты, оның элементтерін ажыратады.

Теңбүйірлі үшбұрыштың қасиеттері мен белгілерін қолдану арқылы есептер шығара алады.

Деңгейі жоғары дәлелдеу есептерін шығару барысында теңбүйірлі үшбұрыштың қасиеттері мен белгілерін қолданады.

Тілдік мақсаттар

Оқушылар: Теңбүйірлі үшбұрыштың белгілері мен қасиеттерін жазбаша және ауызша түсіндіреді.

Пәнге тән лексика мен терминология:

Үшбұрыш, теңбүйірлі,теңқабырғалы,әртүрлі қабырғалы, үшбұрыштың элементтері, биіктік,биссектриса,медиана, үшбұрыштар теңдігінің белгілері

Диалог пен жазу үшін пайдалы сөздер мен тіркестер:

1.Қабырғаларының арасындағы қатынастар арқылы анықталатын
үшбұрыштың түрлерін атаңдар.
2. Қандай үшбұрыш: а) әртүрлі қабырғалы; ә) теңбүйірлі; б) теңқабырғалы деп аталады?
3. Теңбүйірлі үшбұрыштың қандай қабырғалары бүйір, ал қайсысы
табаны деп аталады?
4. Теңбүйірлі үшбұрыштың табанындағы бұрыштар туралы не айтуға
болады?
5. Теңбүйірлі үшбұрыштың белгісін тұжырымдаңдар.

Құндылықтарды дарыту

Тарихтың, мәдениет пен тілдің біртұтастығы

Пәнаралық байланыстар

Тарих(пирамидалар),география(орналасқан жері)

Бастапқы білім

Үшбұрыш,үшбұрыштардың теңдігінің белгілерін, биіктік,биссектриса,медиана туралы ұғымдарын біледі.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

2 мин.

5 мин

І. Ұйымдастыру кезеңі

Амандасу,түгендеу, топқа бөлу.

Оқушыларды геометриялық фигуралар және олардың элементтерін жинақтау арқылы 3 топқа бөлемін.

I топ –Тең бүйірлі үшбұрыш

II топ – Тең қабырғалы үшбұрыш

III топ – Әр түрлі қабырғалы

Әр топ өзін таныстырып өтеді

Өткенді қайталау. « Сұрақ-жауап» арқылы.

1. Үшбұрыштыңпериметрі дегеніміз не?

2. ABC үшбұрышы қалай аталады? Периметрін тап

3. MNK үшбұрышы қалай аталады?

4. ΔMNK. табанын жазыңыздар

5. ΔMNK. бүйір қабырғасын жазыңыздар.

6. NO кесіндісі қалай аталады?

7. ΔMNK. периметрін жазыңыздар

8. NO, MN, MO қабырғаларына іргелес бұрыштарды жазыңыздар?

9. MON үшбұрышынан ең үлкен қабырға мен ең үлкен бұрышты атаңыз?

Оқулық,

геометриялық фигуралар бейнеленген суреттер

Сабақтың ортасы

12 мин

12 мин

1.Сыныппен жұмыс

Тапсырма: Сурет боынша белгісіз бұрыштарды табу?

2. Жұптық жұмыс

Тапсырмасы:

AOM үшбұрышында AO қабырғасы OM ге тең. AM – AO =3см. Үшбұрыштың периметрі 18 см тең деп алып, оның қабырғасын табыңыздар.

3.Сергіту сәті

Тапсырмасы:

1. Үш қабырғасы тең үшбұрыш теңбүйірлі деп аталады. ЖОҚ

2.Егер үшбұрыш теңқабырғалы болса, онда ол теңбүйірлі. ЖОҚ

3.Кез келген теңбүйірлі үшбұрыш теңқабырғалы емес. ИЯ

4.Егер үшбұрыш теңбүйірлі болса, онда ол теңқабырғалы. ЖОҚ

5.Теңбүйірлі үшбұрыштың табанындағы бұрыштары тең болады. ИЯ

6.Егер үшбұрыштың екі бұрышы тең болса, онда ол теңбүйірлі үшбұрыш болады. ИЯ

4.«Математикалық эстафета ойыны»

Тапсырмасы:

5.Венн диаграммасы бойынша қортынды жасау

6.Үйге тапсыр ма.

7.Теңбүйірлі үшбұрыштар – өмірде

Теңбүйірлі үшбұрыштарды қоршаған ортада қай жерлерде кездестіреміз?(Оқушылардың жауаптары тыңдалады)

Толықтыру мақсатында интербелсенді тақтада теңбүйірлі үшбұрыш түрінде суреттер көрсетіліп, түсінік беріледі

Сұраққа «Ия» деп жауап берсе қолдарын жоғары көтереді, «Жоқ» десе қолдарын алға созады.

Сабақтың соңы

2 мин

Рефлексия

- нені білдім, нені үйрендім

- нені толық түсінбедім

- немен жұмысты жалғастыру қажет

  Стикерді түстеріне сай жапсырады.

Саралау – сіз қандай тәсілмен көбірек қолдау көрсетпексіз? Сіз басқаларға қарағанда қабілетті оқушыларға қандай тапсырмалар бересіз?

Қабілеті жоғары оқушылар қабілеті төмен оқушылармен бірге бірлесе отырып топтық жұмыс жасайды. Сабақта «Ойлан.Бірік.Бөліс», «Пилот және штурман» әдістерін қолданып,ширату жаттығулары арқылы олардың жинақталуына, тақырыпты меңгеруіне септігін тигізіп, оқуға тарта аламыз.

Бағалау – оқушылардың материалды меңгеру деңгейін қалай тексеруді жоспарлайсыз?

Оқушылардың материалды меңгеруін тексеру қалыптастырушы бағалау тәсілдері: смайлик, бағдаршам,бас бармақ арқылы жоспарланды. Қиынырақ есептер беріп, олардың нәтижесімен қорытынды жасату.Жеке тапсырмалар беру арқылы қалыптастырушы бағалау.

Денсаулық және қауіпсіздік техникасының сақтау

Оқушылардың партада дұрыс отыруы. Жарықтың дұрыс түсуі. Оқу құралдарының қауіпсіздік ережесімен жұмыстану.