Ашық сабақ Томирис 1 сынып

Ұ зақ мерзімді жоспар бөлімі:

Тарих беттерінен

Мектеп: С.Биқадамов атындағы шағын жинақталған бастауыш мектебі

Мұғалімнің аты-жөні : Аштаева Ж.С

Қатысқандар:

Қатыспағандар саны:

Күні: 22.01.19

Сынып: 1

Сабақ :Дүниетану

Сабақ тақырыбы

Сақ патшайымы-Томирис

Осы сабақта қол жеткізілетін оқу мақсаттары (оқу бағдарламасына сілтемеу)

1.3.4.1.Дереккөздерді зерделеу арқылы Томирис туралы әңгімелеу.

Сабақ мақсаттары

Оқушылардың барлығы мынаны орындай алады: Сақтардың өмір салтын анықтайды.Томирис есімі туралы болжам жасайды және Томиристі сипаттайды.

Оқушылардың көбісі мынаны орындай алады:

Томирис ерлігін бүгінгі өмірмен байланыстырады,салыстырады.

Оқушылардың кейбіреуі мынаны орындай алады:

Сақ ханшайымы Томирис және сақтардың өмірі туралы сұрақтар құрастыруда дереккөздерді қолданады.

Бағалау критерийлері

Тілдік мақсаттар

Сақтардың өмірі қандай болған?Томирис деген кім?

Көшпенді,бостандық,патшайым,ханшайым,Томирис

Құндылықтарды дарыту

«Мәңгілік Ел» ұлттық идеясының бірі-«тарихтың,мәдениет пен тілдің ортақтығы»құндылықтарын бойларына дарыту,ежелгі ата-бабамыз туралы білуге деген қызығушылығын ояту.

АКТ қолдану әдісі

Пәнаралық байланыстар

Сауат ашу-Томиристі сипаттап дәптерге жазады.

Бастапқы білім

Ежелгі адамдар жайлы біледі.

Сабақ барысы

Сабақтың жоспарланған кезеңдері

Сабақта жоспарланған іс-әрекет

Ресурстар

Сабақ басы

1 мин

2 мин

2 мин

Психологиялық ахуал

Дөңгеленіп тұрайық,

Бірге шеңбер жасайық.

Ағаш үйді биік қып,

Қолға уық алайық.

Керегесін тік ұстап,

Қанаттарын жазайық.

Егем ел болайық!

Ширату жаттығуы: «Балық, құс, аң»

Мақсаты: Жүргізуші ойыншылардың жанына барып жаймен ғана «балық, құс, аң»- деп айтып-айтып келеді де, бір ойыншының жанына барған кезде дауысын қаттырақ шығарып:

- Балық!(немесе аң, құс) –деп айтып қалады. Сол мезетте ол ойыншы бірден өзі білетін кез-келген балықтың атын айтып үлгеруі керек. Айта алмай қалса, ол ойыннан шығады. Ойын ең соңғы ойыншы қалғанша жалғаса береді.

Болжау:

-Ежелгі адамдар жайлы не білесіңдер?

-Ежелгі адамдар тұрмыста қандай заттарды пайдаланған?

- Сақтардың өмірі қандай болған?

-Томирис жайлы естулерің бар ма?

-Томирис есімді қыздарды кездестірдіңдер ме?

-Аттарын неліктен Томирис деп қойған?

Оқушылармен бірге тақырыбын сабақ мақсаттарын анықтап алу.

Сабақтың ортасы

4 мин

7 мин

2 мин

5 мин

2 мин

5 мин

№1. (Ж)«Суретті сөйлетейік»Суретке мұқият қара.

М:Бұл сақтардың мекені.Суреттен не көріп тұрсыңдар?-соны сақтардың өмірімен байланыстырып айтыңдар.

О:-Суреттен атты,киіз үйді,арбаны,қазанды,ошақты,түйені көрдік.

О:-Ертеде адамдар түйе мен атты көлік ретінде пайдаланған.Ежелгі адамдар көшіп –қонып өмір сүрген.Олар айбалтаны пайдаланған және тамақты ошаққа пісірген.

ҚБ: « ТӨДК»тәсілі.

Сыныптастардың пікірін тыңдай отырып,оқушылар берілген пікірді

ТОЛЫҚТЫРЫП,ӨЗГЕРТІП,ДАМЫТЫП немесе КҮРДЕЛЕНДІРЕ алатынын шешуі керек.Барлық оқушылар қалай жауап беретіндерін шешуі қажет,ал мұғалім олар таңдаған мәнерде жауап беру үшін бір оқушыны таңдайды.

№2 (Ө)Мәтінді мұқият тыңда.

Тақырыпты түсіну үшін аудиожазбаны тыңдау:

«Ежелде ұлы даламыздың Сақ тайпаларында Томирис есімді ханшайым болған.Ол халық арасында Тұмар ханшайым атымен де белгілі.Өзінің ер мінезділігімен,ақылды,парасаттылығымен ерекшеленген.Ханшайым елін,жерін жаудан қорғаған. Азияда билік құрған.Кир патшасына төтеп берген.Содан бастап аты аңызға айналған.

Ұ«Кезбе тілші»мұғалім тыңдалған мәтін бойынша микрафонмен оқушыларға сұрақ қойып,жауап алады.

М:-Томирис кім?

О:-Томирис сақ патшайымы

М:-Халық арасында оны қазақша кім деп атаған?

О:-Халық арасында Томиристі Тұмар ханшайым деп атаған.

М:-Ханшайым қандай?

О:-Ханшайым ер мінезді,ақылды,парасатты.

М:-Ол қайда билік құрған?

О:-Томирис Азияда билік құрған.

М:-Ханшайым кімге қарсы тұрды?

О:-Ханшайым Кир патшасына қарсы тұрды?

ҚБ: «Бір қадам алға...»

Жауап дұрыс болса, бір қадам алға жылжиды, қате болса, бір қадам артқа шегінеді.

Топқа бөлу:-Балалар,кинотеатрға барғыларың келе ме?

-Ендеше. «Томирис»атты киноға бару үшін кассадан билет алайық. (Билет түстеріне аттары жазылғаны бойынша топқа бөліну)

«Аквариум» әр топ өз көшбасшыларыңызды сайлап алыңыздар.

«Кинотеатр»

№3 (Т)«Көр,ойлан талқыла»

1 топ:

-Томирис жайлы не білдіңдер?

2 топ:

-Қазақтың Томиристей қыздары бар ма?Бар болса олар кімдер?

№4 (Ө) «Ассоцияциа»құрастыру

Томиристі сипаттап жазу.

О:-Томирис -ер мінезді,ақылды,парасатты,ел қорғаушы,патшайым.

ҚБ: «Күн көзі»тәсілі.

Оқушылар берілген тапсырма бойынша өз ойларын сары түсті жолақ қағаздарға жазып,тақтада салынған күннің суретіне барып , шуақтарды жапсырады.Тапсырма соңында барлық пікір оқылып,талқыланады.

Суреттер

Ат,киіз үй,айбалта,

қазан

ошақ,түйе.

Аудиожазба

.

Түрлі түсті

билеттер

https://youtu.be/DML1Mwqe

HOE

Бейнежазба

Сабақтың соңы

10 мин

Қорытынды:

№5 (Т)«Қоржын сұрақ» тақырып бойынша сұрақтар құрастыр.

Жауап ал

ҚБ.«Гүлдер»

Оқушыларға қағаздан қиылған үш түсті гүл үлестіріледі. Олар сабақ қорытындысы бойынша жасыл түсті гүлді ең көп көмектескенге, сары гүлді ең белсенді оқушыға, ал қызыл гүлді ең жақсы тыңдай білген балаға беруі керек. Ең үлкен гүл шоғы кімде болар екен?

Рефлексия: «Бір ауыз сөз»

Оқушылар стикерлерге сабақ туралы бір ғана сөз жазып, оны тақтаға жапсырады. Өз ойларын түсіндіріп береді. Стикерлерге сабақты бағалайтын келесі сөздерді жазуға болады (оларды тақтаға алдын-ала тақтаға жазып қойған дұрыс): ұнады, пайдалы, қажет, білдім, үйрендім, қызықтым, ұмтылдым, есте сақтадым т.б

Дифференциация – оқушыларға көбірек қолдау көрсетуді қалай жоспарлайсыз? Қабілеті жоғары оқушыларға қандай тапсырмалар қоюды жоспарлап отырсыз?

Бағалау – оқушылардың материалды меңгеру деңгейін тексеру жоспарыңыз?

Денсаулық және қауіпсіздік техникасының сақталуы

Қолдауды қажет ететін оқушылар: Сурет арқылы сақтардың өмірін мұғалімнің көмегімен әңгімелейді.

Қабілетті оқушылар:

Сақ ханшайымы Томирис және сақтардың өмірі туралы сұрақтар құрастыруда дереккөздерді қолданады.

ҚБ: « ТӨДК»тәсілі арқылы суреттегі заттарды ежелгі адамдардың өмірімен байланыстырып, әңгімелеулері тексеріледі.

ҚБ: «Бір қадам алға...»тәсілі тыңдалған мәтін бойынша сұрақтарға жауап алынады

ҚБ:«Көр,ойлан талқыла» тәсілі арқылы топтар бейнежазба бойынша көргендерін және Томирис ерлігін бүгінгі өмірмен байланыстырып әңгімелейді.

ҚБ:«Күн көзі»тәсілі арқылы оқушылар Томиристі сипаттайды