Ашық сабақ "Төрт түлік туралы сабақ. А. Тоқмағамбетов " 4сынып

Пәні: Әдебиеттік оқу

Сыныбы: 4 «З» оқушы: 21/9

Мұғалім: Ахметова Ж күні: 28.02.2018

Сабақтың тақырыбы:

Төрт түлік туралы сабақ. А. Тоқмағамбетов 95 сабақ

Сабақтың мақсаты:

Оқушыларға өлеңнің мазмұнын түсіндіру, түлік туралы жан-жақты мағлұмат беру, малдың жасына қарай аталуын білу.

Күтілетін нәтиже:

Өлеңнің мазмұнын түсінеді, түлік туралы мағлұмат алады, малдың жасына қарай аталуын біледі.

Сабақтың түрі:

Жаңа білім беру, топтық жұмыс, аралас сабақ

Сабақтың әдісі:

СТО технологиясы сұрақ-жауап, ой толғау, топтық жұмыс

Пәнаралық байланыс:

орыс тілі, ағылшын тілі, бейнелеу

Сабақтың көрнекілігі:

тақырыптық суреттер, мәтіндер, слайд

Сабақтың барысы:

І.Ұйымдастыру кезеңі.

(5 мин)

а) Психологиялық дайындық.

Оқушылардың назарын сабаққа аудару.

Топқа бөлу:

«Май шам әдісі»

Сабақтын ережесімен таныстыру

Бірін бірі тыңдау

Ойын ашық айту

Сабаққа түгел қатысу

Ұйымшыл болу

Уақытқа бағыну.

Оқушылар шеңберде жиналып,мұғаліммен бірге бүгінгі сабаққа сәттілік тілейді.

ІІ.Үй тапсырмасын сұрау.

(5 мин)

Топтық тапсырма:

1-топ: Мәтінді әңгімелеу

2-топ: Мәтін мазмұны бойынша сурет салу

Топтарды күлегештермен бағалау.

Жаңа сабақ.

(10 мин)

1)Слайд арқылы

проблемалық сұрақтар

Топтық жұмыс

(3 мин)

Мағынаны тану:

(3 мин)

2)Оқулықпен жұмыс

( 5 мин)

3)Дәптермен жұмыс

( 2 мин)

4)Топпен жұмыс

( 3 мин)

Оқушыларға суреттер көрсету

-Балалар,мына слайдта не бейнеленген?

-Төрт түлік

-Төрт түлікке қандай жануарлар жатады?

-Түйе, жылқы, сиыр, қой, ешкі

Бұл суреттерде не көріп тұрсыздар ? Жұмбақтарды шешу әр топқа тарату

1-топ: 1. Келеді бір жануар, үстінде бір тауы бар. (Түйе)

2.Түйенің пірі? (Ойсылқара)

3. Кішкентай ғана бойы бар,

Айналдырып киген тоны бар. (Қой)

Қойдың пірі? (Шопан ата

2-топ:1. Көкке шаншып құйрығын,

Келеді шауып жүйрігім. (Жылқы)

2.Жылқының пірі? (Қамбар ата)

3.Ешкінің пірі? (Сексек ата)

3-топ: 1. Басында мүйізі бар,

Үстінде киізі бар. (Сиыр)

2.Сиырдың пірі? (Зеңгі баба)

3. Басында таяғы бар, Төрт аяғы бар,

Сегіз тұяғы бар, Иегінде сақалы бар. (Ешкі)

Жылқы төрт түліктің патшасы

Түйе түлік төресі

Сиыр төрт түліктің сыйлысы

Қой мен ешкі түлігі.

-Міне, балалар, алдарыңда төрт түлік тұр. Олардың қасында төлдері бар. Көктем мезгілінде төрт түлік те төлдейді. Төлдері келесі көктемге дейін өсіп, үлкен мал болады.

Ендеше, бүгінгі жаңа сабағымыздың тақырыбы – Асқар Тоқмағамбетовтың «Түлік туралы сабақ» өлеңі.

Неге «бес түлік емес ,төрт түлік» төрт түлік мал жылқы ,сиыр,түйе, және ұсақ малдар .Ұсақ малдар есебінде ешкі мен қой қосылып бір түлік болып саналады.Сондықтан «төрт түлік »деп аталады.

Асқар Тоқмағамбетов (1905-1983) 19 қыркүйегінде қазіргі Қызылорда облысы, Тереңөзек ауданында дүниеге келді. Кедей шаруа отбасында туған.Алғаш Ташкент политехникалық техникумын кейін Мәскеу баспа институттарында білім алған.Республикалық түрлі басылымдарда қызмет жасады. Көрнекті лирик ақын, әрі жазушы. Оның «Батыр Әлия», «Ажалды жеңген алыптар», «Берлин көшесінде». т.б. өлеңдер жинағы, «Жыр күмбезі» тарихи романы бар. А. Тоқмағамбетов – қазақ поэзиясында поэма жанрын өрнектеуде жемісті еңбек еткен адам.Қазақ халқы көшпелі болған. Төрт түліктің жайымен жазда жайлауға, қыста қыстауға көшкен. Малдың еті, сүті тамақ болған. Терісінен, жүнінен әр түрлі бұйымдар жасаған. Мал – халықтың байлығы. Қала халқын мал өнімдеріменауыл қамтамасыз етеді. Малшы еңбегі өте ауыр. Жазда ыстықта, қыста суықта мал соңында жүреді. Ұлы Отан соғысына қатысқан. «Лениншіл жас» («Жас алаш»), «Ленин жолы»(қазіргі «Сыр бойы»), «Социалистік Қазақстан» («Егемен Қазақстан»), «Қазақ әдебиеті» газеттері мен «Ара» журналында әр түрлі қызметтер істеген. Қазақстан Жазушылар одағының Шымкент, Қызылорда облыстары бойынша жауапты хатшысы болған. Алғашқы өлеңдер жинағы «Еңбек жыры» деген атпен 1928 жылы шыққан.

a) Оқушыларға өлеңді мәнермен, дауыстап оқыту.

ә) Рөлге бөліп оқыту.

б) Өз сөздерімен түсінгенін айтқызу.

в) Тізбектей оқыту

Сөздікпен жұмыс

Сөзуар - сөзшен

Жобалауы - болжауы

Даурықты - таласты \шешімін таба алмады\

Төрт түліктің жасына қарай аттарын дәптерге жазып алу

Жылқы: құлын, жабағы, тай, құнан, дөнен, бесті.

Түйе: нарбота, нартайлақ, бота, тайлақ.

Сиыр: бұзау, баспақ, тайынша, дөнежін, құнажын.

Қой: қозы, марқа, кепе, тоқты, саулық.

Ешкі: лақ, марқа лақ, шыбыш, туша, серке.

Кез келген түліктің біреуін алып

1-топ: Математикалық тілде сөйлету

2-топ: Дүниетану тілінде сөйлету

3-топ: Әдебиеттік оқыту тілінде сөйлету

Топтар бірін-бірі бағалайды.

Топтар бірін-бірі бағалайды.

«Тасбақа» тапсырмасы

( 2 мин)

Сұрақтарға жауап беру. Түстер арқылы

1. Бәйгеге шабатын баланы кім дейді? (Шабандоз)

2. Қазақ халқы амандасқанда неге «Мал-жаның аман ба?» дейді?

(Малды ерекше қадірлеген, қастерлеген).

3. Төрт түліктің адамға пайдасы (көлік, сүті, еті, жүні, терісі).

Болат пен Марат неге таласты?

Болаттың сұрағына сен қалай жауап берер едің?

Болаттың сұрақтары Қойдың неше түрі бар

Сиырдың неше түрі бар

Жылқының неше түрі бар?

4. Шығармашылық жұмыс.

Өлеңнің соңғы екі жолы аяқтау. Ұйқастарын табу.

Түйе боталап, қой қоздап,

Рефлексия.

(2мин)

-Бүгінгі,сабақта нені білдік,нені білгіміз келеді?

Білім ағашына бүгінгі сабақтан не білгеніміз жайлы жазайық

Күлегештерді өзі қалаған нұсқаға жабыстырады

Үй тапсырмасы:

1.Мәнерлеп оқу, рөлге бөліп оқуға үйрену.

2. Төрт түлік мал туралы мақал-мәтелдер жаттау, жұмбақтар жазу.

Күнделіктеріне жазып алады.

Бағалау:

Топтар бірін-бірі бағалайды.

Сабаққа белсенді қатысқан оқушыларды бағалаймын.