Ашық сабақ "Туған күн" 6 сынып

Оңтүстік Қазақстан облысы

Шымкент қаласы

№38 Н.Д.Оңдасынов атындағы мектеп – гимназиясы

Қазақ тілі және әдебиеті мұғалімі

Абуова Гульжахон Ермагамбетовна

Сабақ жоспары 6-сынып қазақ тілі

Сабақтың тақырыбы: Туған күн

Сабақтың мақсаты:

Білімділігі: «Туған күн» айдарымен берілген жаңа тақырыпты меңгерту.

Жаңа тақырып бойынша қазақ тілінде еркін сөйлей білу.

Дамытушылығы: Балалардың білімділік, ізденімпаздық қабілеттерін, тілін дамыту.

Тәрбиелігі: Оқушыларды білімділікке, ұқыптылыққа, сауатты да қатесіз жазуға

дағдыландыру, сыйластыққа баулу.

Сабақтың түрі: жаңа сабақ

Сабақтың әдісі: сұрақ-жауап, тапсырмалармен жұмыс, жазба жұмысы.

Сабақтың көрнекілігі: ережелер жинағы, тақырыптық сызба, кесте.

Пәнаралық байланыс: орыс тілі

Сабақтың барысы:

І.Ұйымдастыру кезеңі

ІІ.Үй тапсырмасын сұрау

Сөздікті, ережелерді жатқа сұрау. Өтілген мәтіндер бойынша сұрақтарға жауап алу.

ІІІ.Жаңа сабақ

Сөздікпен жұмыс

ағайын-туыс, жылы сөз, қабылдау, ұялату.

Сын есімнің түрлеріне мысалдар айту, дәптерге жазып алу

Тапсырмалармен жұмыс

1-тапсырма

Мына анықтаманы оқып, көшіріп алу. Ішінен үш сөз таңдап, буынға бөлу, буын түрлерін ажырату.

Туған күн - кімге де болса аса қымбат, қуанышты күн. Бұл күні ағайын-туыстан, жақын жолдастан жылы сөз естіп, ақ тілек қабылдап, сый-сияпат алу қайсымыздың да жүрегімізге жылу ұялатады.

1. Қым – бат ВАВ – ВАВ

2. Жол – дас – тан ВАВ – ВАВ – ВАВ

3. Жү – ре – гі – міз –ге ВА – ВА – ВА – ВАВ – ВА

2-тапсырма

Диалогті оқып, өзара сұхбаттасу.

Алпамыс, Аққыз аттарының мағынасын дәптерге жазып алу.

- Мен туған күні қатты қуандыңыздар ма, әже?

- Әрине, балам, отбасымызда үлкен қуаныш болды.

- Әже, менің атымды кім қойған?

- Е-е, балам-ау, атаң қойған. Сен туғанда қатты қуанып, немеремнің атын

өзім қоямын деді.

- Ал неге Алпамыс деп қойған?

- Күшті де батыл, ержүрек болсын деп ырымдап қойған.

- Адамға атты неге таңдап қояды, әже?

- Жалпы адам есімі тілге жеңіл, мағыналы болу керек.

- Ал сіздің атыңыз қандай мағынаны береді?

- Аққыз - сұлу да ажарлы, әдемі деген мағынада.

- Иә, әже, сіз шынымен де сұлусыз.

- Айналайын, балапаным, рақмет!

3-тапсырма

Мына сызбаға назар аудару.

Өздеріңнің аттарың қандай мағына беретінін түсіндіріп көріңдер.

Денсаулығы зор, өмір жасы ұзақ болсын деп: Ұзақбай, Мыңжасар, Өмірзақ, т.б.

Ақылды да тапқыр болса екен деп: Ақылбек, Данабек, Ақылжан, т.б.

ІҮ. Сабақты қорытындылап, оқушылардың білімін бағалау.

V. Үйге тапсырма беру.

58-61 б. 1,3-тапсырма ауызша.

4-тапсырманы жазбаша орындап, әңгімелеуге дайындалу.