Ашық сабақ "Ұ дыбысы мен әрпі"

Орал қаласы.

№47 жалпы орта білім беретін мектеп

Бастауыш сынып мұғалімі Абдрахманова Айгуль Манарбековна

Сабақтың тақырыбы: Ұұ дыбысы мен әрпі

Сабақтың мақсаты:

Білімділік:  Оқушыларға Ұұ дыбысы мен әрпін таныту, ол арқылы берілген сөздерді оқу мен жазуға үйрету.

Дамытушылық: Ұ дыбысына қатысты жаңа сөздерді оқыту арқылы оқушылардың білімі мен тілін, сөздік қорларын дамыту.

Тәрбиелік: Ұқыптылыққа, тазалыққа, салаутты өмір салтына тәрбиелеу

Сабақтың әдісі: Түсіндіру, сұрақ-жауап, ойын ойнау

Сабақтың типі: Жаңа сабақты меңгерту

Сабақтың түрі: Жаңа сабақ

Сабақтың көрнекілігі: Әліппе оқулығы Ұұ дыбысының баспа, жазба түрлері, ұ дыбысына байланысты суреттер, құстар, буындық кестелер, инт. тақта, венн диаграмасы.

Сабақтың барысы:

І. Ұйымдастыру кезеңі

Оқушыларды сабаққа әзірлеу

а) психологиялық дайындық

Үлкенге де сіз,

Кішіге де сіз,

Сәлем бердік сіздерге

Құрметпенен біз.

Мұғалім: Бір, екі, үш

Сынып іші тып-тыныш

Жалқаулықты тастаймыз,

Сабағымызды бастаймыз.

ә) Қызығушылығын ояту кезеңі:
*Вен диаграммасы арқылы өтілген әріптерді дыбысқа бөлу.

ІІ. Өткенді қайталау

1. Өткен сабақта қандай дыбыспен таныстық?
2. Жж дыбысы қандай дыбыс?
3. Ж ж дыбысына байланысты қандай сөздер білесің?
4. Ж ж дыбысына сөз ойлап, оны буынға бөл.
5. Ж ж дыбысы сөздің қай жерлерінде кездеседі?
Мысал келтір.

 ІІІ. Жаңа сабақ.

1. Жұмбақ жасыру:
а) Білімнің жолбасшысы,
Шәкірттің қолбасшысы (Ұстаз)
ә) Шәкіртке жанашыр, мейірбан кім? (Ұстаз)
2. Ұстаз сөзіне буындық талдау жасату, Ұ дыбысын бөліп айтып,оның дауысты дыбыс екеніне оқушылардың көзін жеткізу. Дұрыс айтуларын қадағалау.

3.Ұұ дыбысының баспа, жазба түрлерімен таныстыру. (ұ дыбысын дыбыстар ішінен өздеріне тапқызу)
4. Ұя, ұлу, ұшақтың
Басын бастап беремін.
Құс, жұмыртқа, бұтақтың
Ортасында келемін.
Сонымен, ұ дыбысы қай жерлерде, қалай жазылады?
5. Ұ дыбысына байланысты суреттер көрсетіп,оларды буынға бөлдіріп, у дыбысының сөздің қайжерлерінде кездесетінін оқушыларға анықтату. (Мысалы, құ-лын, бұ-тақ, ұ-я т.б) .
6.Ұлудың суретін көрсетіп, дыбыстық талдау жасау.
7. «Құстарға көмектес» ойынын ойнату арқылы,буындармен жұмыс жүргізу. Мысалы: буындарды дұрыс тауып қойса, құстар жылы жаққа ұшып кетеді. Қар- ... ; ақ -...; ...-на, қар- ...-ғаш, тор-ғай.

Ақ- қа-ра- -ғай -на ша- -ла

Қар-лы- бұл- то- -дақ

8. Менің соңымнан қайталаймыз «Ұұ».
Ұ-ұ-ұ- ұлу
Ұш-ұш-ұш-ұшақ
Бұ-бұ-бұ-бұлақ
Құ-құ-құ-лақ

9. Сергіту сәті
Кәне, қанат жазайық
Қарлығаш боп ұшайық.
Ұшып, ұшып алайық,
Қайта отырып жазайық.

10. Оқулықпен жұмыс.

а) суретпен жұмыс

ә) Бағандағы сөздерді оқытып, сөздердің мағынысын түсіндіру.
б) «Құран», «Нұр» сөздерінің мағынасынын түсіндіру.
в) ) «Құстар» мәтінін оқыту .Мәтіннен құстардың атын тапқызу.

11. Дәптермен жұмыс

а) Ұұ әріпінің жазба түрімен таныстыру
ә) Ұұ әріпінің баспа,жазба түрлерін салыстыру
б) Ұұ әріпін ауада жазып көріп, дәптерге жазу
в) Дәптердің 18-бетіндегі Ұ әріпінің үлкен, кіші түрлерін жазу
Суреттегі нүктелердің орнына Ұ әріпін қою.

г) Қане, балалар тағы да бір сергіту сәтін орындайық:
Ұзын құлақ сұр қоян,
Естіп қалды сыбдырды.
Ойлы - қырлы жерлермен,
Ытқып-ытқып секірді. \қимылмен\

ІҮ. Жаңа сабақты бекіту

«Ұ» сөзтуымын жүргізу.

1. Бидай өнімі.

2. жәндік.

3. Тауды мекендейтін құс

4. Маман иесі

5. Тәртіпті оқушы

6. Аяқ киім ішіне салынатын төсемше.

V. Қорытынды.

Біз не білдік?

Ү І. Мадақтау.